WEAWEA 3:10 - ASII LAKDAP Bible (BSI)

¹⁰ Ümniiraq Aron nai asetiim ka ramwe jaqsham miitu mishong haü. Maiq ahinti raq ramwe jaqsham kra shamlai nguta manhii raüla, kriiti ka tiidoq ra atsea baiq chang miraq.”

Hawa Naga Bible 2001

¹⁰ Mnoz rueq Arun nuiyc vsaz hez muex shomc waz bix yauk shuimc htenc kuex lekuq vtueq tvshuimc rax; yvmx muinz seng muq jix miq rueq shomc waz yauk shuimc shuimx kaz ruiux yuq, kvruex waz kuex vthueyc rvhumc tuex,” ngoz tueq jungx tueq.

WEAWEA 3:10 Referencias Cruzadas

2 SAMUEL 6:7

Tiihanghiiq miili Tatiwe ka Ujja ma khiqto. Kiimaq apaiq ka tsatbaiqto. Jamkhano ngukla apaiq raq Tongshong Tek ka shreng mak riito. Ujja ka Tongshong Tek tho kriijaq tsaito.

1 HOKHVMX 12:31

Kiimaq Jeroboam raq kin thun kiijaq ashomnoq chang pahea klo wanto. Raüta apaiq raq ramwe jaqshamtibi ka Lewi phan riimak kriiwa ramwebi shongto.

1 KAÜWA WERAÜ 6:32

Tsangshiq raq maiqmii jaqsham ka arphea raüta noqku akhingtek na Tatiwe asi Tiip kiijaq Hokhamwe Solomon raq Shomjam mihai wan shaq ji na klo wanto.

NEHEMIA 6:11

Kiijiishe, ngi raq trekang, “Ngi ka akha tiipaü raüta juraitiwe ka riimang. Ngi ka maiqmii khum tiichhii phaq Shomjam mong na tiipaü ngatiwe ngutiishe tiima tlaü? Ngi ka kiikha tiipaüti ka riimang.”

DUNGWVNC 29:9

Kiimaq khea shinket thun kra tsangshiq chhü na tiipa kuqlaq. Kiimaq khuphok thun ka tsangshiq khu na tiiphok paq kuqlaq. Akha Aron nai asetiim ka ümniiraq ramwe ma mishong haü. Tsangshiq nai tsangsaütiim raq Ngi shiikumpan miitu pattup pat-sa ramwebi jaq misham wan.

EJEKIEL 44:8

Tsangshiq raq i Shomjam na asii tri maq jaqsham wan arang ka howan mak dea. Shatmaq tsangshiq raq sham chang kra pongmungti ma khoti tiisham wanto.

LEWI 22:10

“Ramwe tajamti riili asii honglu ngamrea thun kra miphaqlot. Ahinti jurmin arthun ara phaqsea dam maimak. Ramwe rai sidamti riimakla apaiq raq jaqsham miitu ningchang athü kriiti riimin phaqsea maimak.

WEAWEA 1:51

Ümtiikiiwa namshiq ka lamjap piitiip kiiwa laüwan nong tlan, Lewi phan raq Tombutiip kra arun miraq. Raüta piitiip anye kiijaq hali tiip ka mihai wan nong. Juwa kra Tombutiip tho na wajiiq, kriiti ka tiitsailaq atsea baiq chang.

WEAWEA 16:10

Apaiq raq ümnaq nai Lewinok phan tlotli ma ara rahea phan jaqsham kuqto. Kra taü miisha, ümchaü ümnii riika ramwe jaqsham kriimin ümniiraq sham chang nguta phephiiq tlaü!

WEAWEA 16:35

Kiijiishe Tatiwe raq watu tiikito. Raüta kra walü nyai hengtlaq kriiraq maiqwere 250 homseng honglu berong-wacha na kewati kra tiihihut khiimbaiqto.

WEAWEA 16:40

Arka Aron saüse phan riimakti raq, juli jiimin berong-wacha tho na Tatiwe ma homseng honglu chaq wa maimak nguta, Israilnok miitu honlam bomchong ashi riito. Kriiti ka Kora nai asenginok khiimbaiqtaq kiikha wa raq apaiq kiimin mikhiimbaiq. Arthun jaqsham klo wantaq arka Tatiwe raq Mosheq lümaq aming kuqtaq kra phan phan Eleajar raq kloto.

WEAWEA 18:3

Tsangshiq raq ümnaq choke wan jaqsham sitlaq kra nai Tombutiip miitu tsangshiq raq jaqsham chang sitlaq kriika sham raa dongdii. Shatmaq tsangshiq ka Asii Khok na sitlaq asii hupsam thun ka tsangshiq jaq maq sham maimak. Riimakla berong-wacha ka jaq ma shamwa maimak. Tsangshiq raq krii thun ka jaq miila sham raüla, tsangshiq nai ümniika khoshi na tsea baiq chang miraq.

WEAWEA 18:7

Shatmaq Asii Pinthum Khok nai berong-wacha na ramwe jaqsham chang ümchuwa sitlaq kriika ümnaq nai ümsetiim raq lam lam riili sham ratlo. Arthun jaqsham arka ümnaq arang. Jamkhano ngukla Ngi raq ramwe jaqsham kongphiq ka ümnaq miili kuqkang. Krai mren, maiq juwa arthun jaqsham miitu shong wan mak dea, kriiti weshi ra ka arthun asii hupsam thun artho niila wa raüla, apaiq ka atsea mirbaiq.”

WEAWEA 3:11

Tatiwe raq Mosheq ma nguto,

WEAWEA 3:38

Kiimaq Mosheq nai Aron nai asetiim riika Tombutiip khaki nü na shedong nü siim na tsangshiq piitiip ka tei wan chang riito. Tsangshiq ma jaqsham ka Asii Khok na Israilnok miitu jaqsham chang ümchuwa sitlaq kra liiwan chang riito. Maiq ahinti jurwa ara tsangshiq jaqsham kra sham lai nguta danjiiq, kriiti ka tiitsailaq atsea baiq chang riito.

Romans 12:7

Riita, ija, nashiq ma nanok shiililii wan kongphiq kuqtaq jiika, nanok shiililii wan jaqsham wan chang. Kiimaq, nashiq ma Shiikeawe bomtsi shrinke wan kongphiq kuqtaq jiika, nanok ma Shiikeawe bomtsi kra shrinke wan chang.

Ephesians 2:19

Riita, ümchaü sanha, ara chongtiikai arai mren she, namshiq Pongnok phan maiqse kiimin, pongnok pongta nai wanwe nguta tiingo chang ka ahü she. Ümchaü sanha, namshiq min Shiikeawe sengi phan rai, nokshi hiqshi she kiimaq tashiti miishe tiijato.

TRI CHONGKE 18:5

Tatiwe raq namshiq maiq phan thun tlotli wa Lewi phan ka pattup pat-sa apaiq ramwe jaq sham wan miitu apaiq wokhong na si miitu tsea wanto.

Hebrews 8:4

Riita, apaiq ka mangjong hiq niili sishat ngu raü jiika, apaiq ka ramwe ma jalot mak miraq. Jamkhano ngukla, ara chongtiikai Jehudinok Thungtri maq, Shiikeawe ma alu atan keti ramwebi ka pahea asi.

PHOWEBI 17:5

Riita Mika raq phra shomnoq chang khok ka ajam na tiihongto. Kiimaq apaiq raq phra sumla thun haito kiimaq asii miirii min ashi kloto. Raüta asetiim phong wa weshi ka apaiq ramwe ma shongto.

1 SAMUEL 6:19

Tatiwe raq Beth Shemesh chelati maiqwere roqmiishi tsatbaiqto. Jamkhano ngukla tsangshiq raq Tongshong Tek mong kiijaq bum raüta liito. Nokmaiqse ka maaho manyi hoqsii trangto. Jamkhano ngukla, Tatiwe raq tsangshiq hiqti maiq pahea tsatbaiqto.