WEAWEA 28:6 - ASII LAKDAP Bible (BSI)

⁶ Arka ranaiqtek honglu akuq wa na tiisii rai chaqtlii riichang. Arka Sinai Pum maq apha shaqshaq phaqsea-honglu na akuq wan. Ara khiimtsang ka Tatiwe ma tsan tiiheali.

Hawa Naga Bible 2001

⁶ Vruex kuex Sinai Kankhux maq vphaungc vshomc kuq rvtueq rulc rv-ngvlc, Yehowa tvkoc vhomc vtumc tvyaungc muex phuiuz svy shomc kuy juing kuex tvsawc ric jauk gay yaq wvraungx nuiyq tek shomc kuy juing tvkoc rvtueq.

WEAWEA 28:6 Referencias Cruzadas

2 KAÜWA WERAÜ 2:4

Ngi raq i Tatiwe Shiikeawe shreng chang Shomjam ashi haitiikang. Kriika asii jam miraq. Kiijaq isenginok nai ngi raq apaiq ka homseng honglu süse tapan chaq laita mishom noqhai. Kiijaq naishiq raq asii winsii honglu thun ka atsaq min tsaq mai phan maq honglu mikuq hai. Kiimaq kiijaq naishiq raq wa na chaqtlii-honglu thun ka ranaptek na kiimaq rajitek na mikuq hai. Kiimaq Niitiitsak ranaiq thun niimin, Jinye Dong Poi thun niimin, kiimaq laihin asii ranaiq thun niimin, Tatiwe naishiq Shiikeawe shreng ma mikuq hai. Apaiq raq Israilnok ma arka pattup pat-sa kewan chang nguta aming kuqto.

2 KAÜWA WERAÜ 31:3

Hokhamwe Hejekia raq apaiq nyamse phong wa ranaptek nai rajitek na wiipumtam maq wa na chaqtlii honglu thun kra miitu, kiimaq Niitiitsak ranaiq honglu thun miitu, kiimaq Jinye Dong Poi na phaqsea miitu, kiimaq Tatiwe Thungtri na chongtlaq krai mren laihin poi akhing na phaqsi tlaq kra miitu nyamse thun ka kuqto.

EJRA 3:4

Kra lot raütiishe, thungtri na jamkho chong tlaq kra phanphan she, tsangshiq raq Tombutiip poi kra klo wanto. Tsangshiq thungtri na chongtlaq kra phanphan ranaiqtek nyamse ka takuq wan raüta, poi lang wan lili riitlo.

Tvtsvmc 50:8

Ngi raq namshiq ka ngi ma honglu thun kuqtlan kha niika sonmang kiimaq namshiq raq ngi ma chaqtlii-honglu wranaiqshe kuqtlan kra miitu son mang.

DUNGWVNC 24:18

Mosheq ka pum khuthaq na phum mong na düwanto. Kiijaq apaiq ka ranaiq rawa raroq blai siwato.

DUNGWVNC 31:18

Riita ümtiikiiwa Shiikeawe raq Sinai Pum maq Mosheq ma bom chongke kra lottaq, apaiq raq longpen wiinai na aming raütu apaiq jaq maq awaiq kra Mosheq ma kuqto.

EJEKIEL 46:14

Kiimahali bunwong wongwin ka kilogram anai ka litarshi olip tsai rai adam na shot raüta honglu na kechang. Riita Tatiwe ma ara honglu kewan tri arka pattup pat-sa lang wan ruq riichang.

EJEKIEL 46:15

Skuse, bunwong wongwin, kiimaq oliptsai honglu ka Tatiwe ma wranaptek pattup pat-sa kuq wan ruq riichang.”

LEWI 27:34

Ara aming raütu thun arka Tatiwe raq Mosheq ma Sinai Pum maq Israilnok miitu akuq.

LEWI 6:9

apaiq raq Aron nai asetiim ma chaqtlii-honglu thun kra miitu arthun thungtri raütu ara kuqlaq nguta chongto. Chaqtlii-honglu ka rawa minru berong-wacha niili thüchang. Kiimaq wa ka rawa minru chaq ruqli chaq chang.

AMO LUIK DVP (AMOS) 5:25

“O, Israilnok lei, namshiq wiiroqblai bintang jüngi kumtsaiphii lam maq manglaü wan akhing na, ngi raq namshiq jaq wa ataake chang nyamse nai laihin honglu kewan ratlo nguta shiitep jaü wan kang shea?

WEAWEA 28:5

Skuse loweatek krai wong-honglu bunwong win 1 kilogram ka 1 litar shi ahea pinthum olip tai krai triishot raüta kechang.

WEAWEA 28:7

Apha wa skuse krai spiqtai-honglu na, spiqtai litar shi ka berong-wacha kiijaq nyuklaq.

Philippians 2:17

Jursap, namshiq raq Shiikeawe ma kamtsantsii rüm tlan kha maq, honglu kuq tlan kiikha, ngi riimin Shiikeawe ma, i rilung ara honglu na akuq nyamse takuq tlaq ikha, tabaiq wan chang wa saü jiiq riila. Riita, kra ngohea dea li hongtha wan raü jiimin, ngi kla chochikhiq li. Kiimaq namshiq min, ngi rai adam chochi chang li.