WEAWEA 28:2 - ASII LAKDAP Bible (BSI)

² Israilnok raq Shiikeawe ma tsan tiiheali phaqsea-honglu kechang ratlaq thun ka akhing khaq khaq na kuq ronglaq nguta chongkuqto.

Hawa Naga Bible 2001

² vpiq tvkoc vhomc vtumc tvyaungc muex rax yaq phuiuz svy shomc kuy juing htenc kuex htvp htaz taq tueq vkhing nuex Tishox muex shomc kuy tvkoc Israel miqsaz htenc muex jungphvnx kuy tvkoc nvr tueq.

WEAWEA 28:2 Referencias Cruzadas

RAPHA HIQWA LAK 8:21

Kra honglu ataakuq wa na chaqtaq kra khiimtsang ka Tatiwe ma tsan tiiheali riito. Kiimaq apaiq nai apaiq akha tiingoto, “Maiqse raq jamlai wa klotlaq kra ningkhan, Ngi raq ümtiikiimin mangjong hiq ma manson mang she. Ngi raq asapha maiqse ka noseji miiphü dongdii apaiq tsantsii ka abi. Li jiimin Ngi raq atra phan sitlaq kriika ümchaü lak na tiithen baiqkang akiika ümtiikiimin tiithenbaiq mang she.

1 KAÜWA WERAÜ 23:31

Kiimaq Asii Niitiitsak ranaiq na ümtiikiiwa honglu wa na chaq chang kuq wan tlaq kra, kiimaq Jinye Dong Poi na, kiimaq laihin poi awii klo wan tlaq akhing na jaqsham thun kra tsangshiq arang riito. Kiimaq arthun jaqsham wan akhingtek na Lewinok ka maiq ümchuwe raq sham chang wa kra miitu tri ka hairaüta thüto. Kiimaq Lewinok raq Tatiwe shomnoq wan jaqsham ka pattup sham wan chang nguta arang kuqto.

2 KAÜWA WERAÜ 23:18

Jehoiada raq ramwebi nai Lewinok ka Shomjam na jaqsham kra liiwan miitu arang kuqto. Tsangshiq ka Hokhamwe Dawit raq jamlai jaqsham wa pheakuq thütaq kra sham wan miitu shongto. Kiimaq tsangshiq jaqsham ka Mosheq raq akuq thü Thungtri kra phan phan Tatiwe ma honglu kuqtlaq kra wa na chaq chang. Kiimahali tsangshiq ka ashi ashun nai poi klo wantlaq kra liiwan arang hoti.

2 KAÜWA WERAÜ 31:3

Hokhamwe Hejekia raq apaiq nyamse phong wa ranaptek nai rajitek na wiipumtam maq wa na chaqtlii honglu thun kra miitu, kiimaq Niitiitsak ranaiq honglu thun miitu, kiimaq Jinye Dong Poi na phaqsea miitu, kiimaq Tatiwe Thungtri na chongtlaq krai mren laihin poi akhing na phaqsi tlaq kra miitu nyamse thun ka kuqto.

EJRA 3:2

Kra raütiishe, Jehojadak se Joshua, kiimaq apaiq kongtitiim ramwebi, kiimaq Shealtiel se Jerubabel raq, apaiq ma tatisenobi thun kra sheaho raüta, Israilnok Shiikeawe shomnoq chang berong-wacha arunbaiq rat kra tiihea hai wan nongto. Arka Shiikeawe raq apaiq jaqshise Mosheq ma Thungtri kuqtaq kra phan phan Shiikeawe ma wa na chaq raüta aluke wan nong miitushe tiihea haito.

EJRA 3:3

Munglu asiwa Israilnok mungmaiqse thun ümchu wa tsangmung na jang wan nongtiitibi ka, tsangmung na maiq mung hinti sitlaq kriima ahai ka asi. Li jiimin tsangshiq raq Shiikeawe shomnoq chang berong-wacha kra man na, aphaji na hai wantaq kra jamkhüchü ba kiijaq riikhaqli hali tiihea haiwanto. Kra tiihea hai raütiishetiq, tsangshiq raq ranap na wa maq chaq raüta honglu kuq tlaq kra nai raji na atra nyamse honglu takuq tlaq kra, akhing khaq khaq niishe takuq wanto.

NEHEMIA 10:34

Kiimaq, Thungtri lakdap na waiqtlaq kra phan phan, nashiq Tati Shiikeawe ma, wa maq chaq raü raüta, honglu kewan miitu, chin raa tlaq kra chomke wan miitu, nashiq mungmaiqse tarü raq, ramwebi rai, kiimaq Lewinok rai adam na rongri laita, kra rawii na, chin ka juta weraü raq thamke wan chang wa miraq, kra jaqsham ka langlii lili laita, lang raq thaü tlaq kra phan phan, jaqsham ka aweraü ma pheakuq lili mirii rong i.

Tvtsvmc 81:3

Poi miitu paison lerong tsü ronglaq, jiha dong wan pha na kiimaq jikham ranaiq na.

DUNGWVNC 23:15

Abib jipi lü na, ümniiraq Ejip mung wa laü wan laü jipi lü na, Pi Maq shohü winsii phaq poi kra langlaq. Kriika Ngi raq aming kuqkang kra phan phan langlaq. Ara poi klotlan ramiishi liipan na pi maq asho winsii ka nü na thii maimak. Kiimaq Ngi shomnoq wa watlan na honglu kechang ahü jaqmii maq wa maimak.

DUNGWVNC 29:18

Laütiishe sku pongse ngam thun tlotli ka berong-wacha kiijaq phaqsea honglu ke la na wa maq chaqbaiqlaq. Ara honglu khiimtsang ka Ngi ma tsan tiiheali miraq.

EJEKIEL 16:19

Ngi raq ümniima phaq nai sea ahea pinthum bunwong win, olip tai kra kuqkang. Kiimaq ngiq ngu ahea pinthun kra ümniima kuqkang. Shatmaq kriithun ka ümniiraq sumla phra thun jaq wa achu shiiman lap wan ma nguta honglu na kuq wanlaü.” Arka Tati Rakaü Hiqwe raq ngutlo.

EJEKIEL 20:41

Ngi raq namshiq ka pongmung thun na anyin baiq wanha kriiwa, adam niishe riichom lata, tiisi wan tiikang akhing na, namshiq raq Ngi ma honglu thun wa na chaq ma takuq wan tlan thun kra mitao wanha. Kra chhi raüta, pongmungti thun raq Ngi ka asii dea nguta misap wan.

EJEKIEL 45:17

Apaiq raq arthun ara chomke miitu arang hochang: wiipumtam honglu kechang nyamse thun, wong-honglu kechang thun, kiimaq spiqtai-honglu kechang thun kra. Arthun arka Israil mung tlotli miitu honglu kechang. Arka Jinye Poi thun na, Asii Niitiitsak Ranaiq thun na, kiimaq poi ahin thun na kechang. Kiimaq apaiq riika ngarai-honglu thun kechang thun, wong-honglu thun kechang, wiipumtam maq chaqtlii nyamse honglu thun kra kechang, kiimaq rintii-honglu kechang thun kra, Israil mung ngarai tiisii wan miitu kecchang.”

LEWI 1:13

Kriiwe raq among wa apuk aji thun nai awühokpe wiinai thun kra kham maq he ratlo. Kiimaq ramwe raq honglu ngam thun ka Tatiwe ma mikuq. Raüta ngam tlotli ka berong-wacha na michaq. Ara phaqsea honglu khiimtsang ka Tatiwe ma tsan tiiheali.

LEWI 1:17

Apaiq raq wushi maa ka arakong wiinai maq sham raüta, arakongnai ka panbaiq mak miili panthit angam ka chai baiq chang. Raüta wiipumtam maq berong-wacha na chaq chang. Ara phaqsea-honglu khiimtsang ka Tatiwe ma tsan tiiheali.

LEWI 1:9

Kriiwe raq among wa apukji thun nai ahok thun kra kham maq heraatlo. Raüta kiijaq jaqshamti ramwe raq kra honglu ngam thun kra berong-wacha na wiita michaq baiq. Ara phaqsea-honglu khiimtsang ka Tatiwe ma tsan tiiheali.

LEWI 21:6

Apaiq ka asii siraa dongdii. Kiimaq apaiq raq imang chong tiibi maimak. Apaiq raq Ngi ma phaqsea-honglu kuqtlo. Kiimaq apaiq ka asii siraa dongdii.

LEWI 21:8

Nokwe raq ramwe ka asii nguta lang raa dongdii. Jamkhano ngukla apaiq raq Ngi ma phaqsea-honglu thun kuqtlo. Ngi ka Tatiwe. Ngi ka asii kiimaq Ngi raq isenginok ka asii maiqse tiija tiikang.

LEWI 3:11

Kiijaq ramwe jaqshamti raq arthun ngam rea ka berong-wacha na Tatiwe ma phaqsea-honglu na mikuq.

MALAKI 1:12

Shatmaq namshiq raq, iberongwacha ka asii riimak nguta ngutlan, kiimaq phaqsea ashe ashi kra kuq lanta shummii tlan.

MALAKI 1:7

Namshiq raq ngi ka athii ahü phaq nai sea honglu berong-wacha na kuq lanta shummii tlan. Kra riilanta nangshea, ‘Naishiq raq ümniika jamkho shreng mai riikai?’ nguta wai tlan. Ngi chongpha, namshiq raq ngi ma honglu kewan chang berong-wacha ka shreng man maq ashe ashi honglu kuq wan lanta berong-wacha ka tiisheshi tlan.

WEAWEA 15:24

kiimaq kra shut phit wantaq kriika mungmaiqse raq sap mak kha ma shut wantaq jiila, tsangshiq raq minsaü pongwe ka chaqtlii-honglu na kechang. Ara khiimtsang ka Tatiwe ma tsang tiiheali miraq. Arka riikhaqli tri maq wong-honglu nai spiqtai-honglu rai adam na kechang. Arthaq niimin, tsangshiq raq chhechhi pongwe ashi ka ngarai-honglu na kechang.

WEAWEA 15:3

Minsaü pongwe ashi, skure pongwe ashi, sku ashi, riimakla chhechhi ashi kra Tatiwe ma chaqtlii-honglu na ke mimai. Riimakla sinkham tiikhoi honglu na mimai, riimakla maiqmii tsantsii honglu riimakla akhing khing na kamasham poi klotlaq kiijaq ke mimai. Ara phaqsea-honglu akuq khiimtsang ka Tatiwe ma tsan tiiheali miraq.

WEAWEA 15:7

Arka spiqtai litarshi ri athiq rai adam na kechang. Arthun honglu akuq khiimtsang ka Tatiwe ma tsan tiiheali miraq.

WEAWEA 28:1

Tatiwe raq Mosheq ma aming kuqto

WEAWEA 29:39

Arthun thungtri ara lang laüta ümniiraq chaqtlii-honglu thun, wong-honglu thun, spiqtai-honglu thun, kiimaq rintii-honglu thun kra Tatiwe ma kechang. Arka rahiq jipi akhing khaqkhaq na poi klotlan na lang chang. Arthun arka namshiq raq sinkham shiikhoi honglu riimakla maiqmii tsanro honglu thun kuqtlan kriithaq na achan ke wan chang honglu thun kra chongtiikai.

WEAWEA 9:13

Shatmaq juwa akhum ka asii taü maq kiimaq apaiq ka wanhiq khum lam na riimak, shatmaq apaiq raq Tiichhiiwan Poi ka lang mak raüla, kriiwe ka isengi nguta wea dam maimak she. Jamkhano ngukla apaiq raq kra akhing ranaiq na Ngi ma honglu kuqwa mak riito. Apaiq raq ngarai tangtaq kra miitu apaiq ka chamchao raa dongdii she.

WEAWEA 9:7

Raüta akha nguto, “Naishiq raq maiq maa ka shamkai. Kra ningkhan naishiq ka apii ashe. Shatmaq naishiq ka ahinti Israilnok rai Tatiwe ma hongluke chang wa jaram tangta baiq wa?”

2 Corinthians 2:15

Ara jamkhano chongtiikang ngukla, naishiq ara ahomwiq homseng honglu na achaq ikha. Khristo raq naishiq ara, Shiikeawe ma apkuq wantlo. Riita ara ahomtsang arka, ümriiti riiwa rilung lam na wawan tlaq, kiimaq ümriiti riiwa tsailam rilung lam na kiho tlaq, kra thun phong na tiinyam tiihomkuq wan tlo.

Ephesians 5:2

Khristo raq namshiq ka kai lungwii tlo. Raüta arilung ka nashiq miitu, honglu na kuq raüta tsaito. Apaiq tsaitaq ka, Shiikeawe ma honglu ngamrea ashu ikha, ahomwiq Shiikeawe tsan tiiheali riito. Krai mren, ümchaü sanha, namrilung ka lungwii tsii ma lam tiishea lantli she si ronglaq.

Philippians 4:18

Lo ta, arjaq arshe namshiq kongphiq bomtre tiijang kuq tiikang ara. Namshiq raq ngi ma phanrap ümchu wa tiiho wan lan, irka wiita lap kang she. Arka ngi ma, ahong thaq niimin achan ana, asho awo she! Namshiq raq Epaphroditas jaq na, tiiho wan lan kongphiq irka, ahong thaq niimin achan ana she ngo li kha. Namshiq raq kongphiq ümchu wa, kuq lan thun kriika, Shiikeawe ma ahomwiq phan honglu ngamrea akuq ikha. Ara honglu kuq lan arka, Shiikeawe man na athuk atsom, kiimaq apaiq tiichochi chang honglu.