WEAWEA 24:4 - ASII LAKDAP Bible (BSI)

⁴ Jurwa mitailot Shiikeawe raq ngutlaq kra. Ngi raq riisham mak ma tiqtiq liilata chhi tiikang Ningkun Ajong Shiikeawe raq shammi mak maq atiichhikuq.

Hawa Naga Bible 2001

⁴ Tishox rueq jungx yaq kuex uraq lac tay lot yaq nguinx. Ngaz kuex Tvphaungc Tvsuip Tishox kox wawc romzyac tvkhic maq kvkhic yaq Muik nuiyc thuinz nuex kvsuik rawx khiz vshaungx.

WEAWEA 24:4 Referencias Cruzadas

RAPHA HIQWA LAK 15:1

Arjai maq, Abram raq riisham mak maq chhito kiimaq Tatiwe raq apaiq ma bom achong ka akha taito, “Naq haikiqjo, Abram la. Ngi raq ümniika haisi rasong mong wa khup wong kuq shat mirha. Kiimaq ümniima poksi jonghea mikuqha.”

RAPHA HIQWA LAK 15:12

Riita rashe ka achashe riito. Kiimaq Abram ka akon tsihea kha maq makaiq she konkito. Kiimaq apaiq ka ahaisiwala nai aphiiptsi waliishe riito.

1 HOKHVMX 22:17

Kiijiishe Mika raq treto, “Ngi raq Israilnok phentu thun ka kin thun kiina skusekong ariimti ahü ikha pongpin riipin wiita pinjin wanto chhitiikang. Kiimaq Tatiwe raq nguto, ‘Arthun maiqkong arka tsangshiq rümti wela ahüshe. Tsangshiq ka maiqmii jam na hangsang maq miwa wanlaq.’”

Tvtsvmc 89:19

Tsapkapkap ümjaqshamti ümjaqshisetiim ma riisham bom maq rathupse niiphü akha chonglaü, “Ngi raq nolajongwe ashi ma khrum kuqkang; Ngi raq nokwe phong wa weshi tsea wan kang, lata apaiq ka hokhamwe ma shongkang.

EJEKIEL 1:28

Kra liliimtlaq kriika maitsai kaü na rong ümchuwa sitlaq kra thun kra chhaitlo. Kriika, Tatiwe asi nguta akhushü ngao liliim chhainyii tiichi riito. Ngi raq kra chhilata, ngi ka hiq na bumsaq bumkikang. Kiijiishe ngi raq maiqbom ashi raq

WEAWEA 12:6

Kiimaq Tatiwe raq nguto, “Ümchaü Ngi raq jamlai bom wa chongtiikang ara tai ronglaq! Namshiq phong na shammibi siraüla, Ngi ka tsangshiq rai isham ka riisham makchhi maq tiichhikuq tiikang. Kiimaq tsangshiq rai rawa ma maq riibom dam tiikang.

WEAWEA 22:20

Kra rawa Shiikeawe ka Balaam phana kito. Raüta akha nguto, “Arwetiim ka ümnaq heawa nong nguta wataq jiika, tiije laüta tsangshiq rai kidam laq. Shatmaq tiina Ngi raq jamlai wa chongtiikang kriili misham haü.”

WEAWEA 22:31

Kiijiishe Tatiwe raq Balaam ma kiijaq rase nepja sham raü chaptlaq kra tiichhi kuqto. Kiimaq Balaam ka hiq na akap nü na bumsaq she bum kito.

WEAWEA 24:15

Raüta apaiq raq ara riisham bom chongto: “Beor se Balaam raq achong riisham bom, khangriri hea chhitiwe bomtsi,

WEAWEA 24:5

Israilnok tombutiip thun ka kai tsomhea,

Acts 10:10

Petar ka achu jaü rea lam maq, kai ramtsito. Kiimaq phanshi ra phaqsea rohea riito. Kra akhing bala jamtati ka dungchung. Kra liipan niili, Petar raq riisham mak maq, ra wang win na phanshi ra chhito.

Acts 10:19

Petar ka riisham mak maq chhitaq kra, jamlai wa riita ahiq nguta rashi hiqwia tiima rai tlaq liipan niili, Asii Wenyi raq apaiq ka thaüto, “Liilaq! Ümnaq heakaiti maiq wetsam ka arjaq saükito she.

Acts 22:17

“Krai mren she, ngi ka Jerusalem na hali jangho nong kang. Kiimaq ngi ka Shomjam mong na achu jaü kai nguta kikang. Ngi ka achu jaürea akhing na,

Revelation 1:10

TATIWE ranaiq na, Wenyi raq ngi ka kunli rom wanto. Kiimaq ngi raq i jai nü na lerong tsüwa trang ikha, nirang chat-hit-hit maiq bom kra taikang.

Revelation 1:17

Ngi raq apaiq ka chhi lata, apaiq khaki na bumtlii, ama ikha bumkikang. Apaiq raq ajaq, jaqtsi nü ka, i dü na sham raüta bomto, “Ümniika naqhaikiq! Ngi ahata Atiiphati kiimaq Atiisupti.

1 SAMUEL 19:24

Apaiq raq adü wa akhea thun ka chhut baiqto. Raüta wiinumsiqto. Kiimaq Samuel khaki na gisiqto. Kiimaq kra ranaiq minru kiimaq rawa minru kheahü miili she hiq na bumkito. (Riita arningkhan tiina, “Riita Saul min shammiwe miishe dea shea jakita?” nguta maiqbom tiihap she sikitaq kra.)