WEAWEA 24:19 - ASII LAKDAP Bible (BSI)

¹⁹ Israilnok raq tsangshiq ka hok maq nishishi mini wan Raüta aso atiichong kiimin tiisii rai mijiip baiq.”

Hawa Naga Bible 2001

¹⁹ Israel miqsaz rueq tsuingshiq kuex nyet nuiuz gay ruiux, Washiz muinz tvjungx muq tvsawc ruiyc tvbac gay shuex.”

WEAWEA 24:19 Referencias Cruzadas

RAPHA HIQWA LAK 49:10

Juda raq hokham nyeakii kra misham, Kiimaq asaü ase phan raq pattup mung misiq wan. Maiq mung thun raq apaiq ma tijong tsiiq wa miho kuq wan Kiimaq ajichong na apaiq puk na minyap wan.

ISAIA 11:10

Ranaiqshi akhing misaü wan, kra saüwan raüla Dawit saüse phan wa hokham anye shong wantaq kriika maiqmung thun tlotli ma miithii ashi miraq. Tsangshiq ka apaiq hokhamwe sichang chela na mithung wan. Raüta apaiq mishreng wan.

Mikha 5:2

Tatiwe raq ngutlo, “Bethlehem Ephrath le!, ümniika Juda mung na chela aranse pinthum. Shatmaq ngi raq ümchelati wa, Israil mung rümti hokham ashi, Mishong wan ha. Apaiq weraü manphan ka, rathup rapha pat achat wa miraq.”

Mikha 5:4

Apaiq she saüki raüla, Tatiwe ningkun aheng, akhum na sitlaq kriimaq, mung ka mipeng wan. Kiimahali Tati Shiikeawe khushü chhainyii heng maq, mung ka mipeng wan. Aphan amaq ka mung atsing miishe misi wan. Jamkhano ngukla mangjong maiqse kunli raq, apaiq jonglu kriishe misap wan.

WEAWEA 24:18

Apaiq raq ajaqtinok ka Edom mung na mitang Kiimaq tsang mung ka atachong ma mitiija, Israilnok raq renok ka tang wan ruqli miraq.

WEAWEA 24:20

Kiitiikaq Balaam raq riisham mak maq Amalakaiq mung ka chhito raüta riisham bom akha chongto: “Amalakaiq mung ka maiq mung thun wiita thaq na ningkun ajong pinthum, Shatmaq atiisup na pattup pat-sa chongthum mija wan.”

Matthew 25:46

Riita ümchaü sanha arthun arka pattup pat-sa thum mak miq mak chamchao wamungtan kiiniishe mitiidea baiq wan. Shatmaq, kechu maiqse thun arka pattup pat-sa rilung lap wan raütiishe misi wan.”

Matthew 28:18

Kiijiishe, Jesuq ka tsangshiq tiinap niishe tiisotto. Raüta tsangshiq ma akhiishe chongkuqto, “Ramungtan nai mangjong hiq ara lang miitu arang ka ngi ma thumli ake kun she.

Luke 19:12

Kriikha maq, apaiq raq tsangshiq ma akha phankuqto, “Akhing ashi na, welawe ashi asi riito. Apaiq ka luhea na maiq mung ashi kiijaq, hokham jaqsham jaükai kihoto. Apaiq ka hokham ma shongjai she, maiqmii mung na hali jang wan nong chang riito.

Luke 19:27

Riita, ija, ümchaü min, i jaqtinok, ngi ka tsangshiq khuthaq na hokham ma tiija wan lungwii makti thun kriika, lap wa lanta ana tsiiq wa rongkiq. Lanta, tsangshiq ka ajaq, i makki na jiipbaiq ronglaq!’ ”

1 Corinthians 15:25

Khristo raq Hokham kam ka lang chang dang dongdii. Awe raq Khristo jaqti rewe ümchuwa sitlaq kriika wiita khat lot raütiishe, Khristo apaiq jichong na miphong kuq wan. Kiimaq Khristo raq ajaqti thun ka ahok maq nishishi she mini wan.

Hebrews 1:8

Shatmaq tiina Shiikeawe raq Ase miitu bom ka akha chongto: “O Shiikeawe lei, ümniiraq ümhokham jaqsham tlaü kriika, pattup pat-sa mitsing wan! Ümniiraq ümsengi mungmaiqse ka, tingting tri raütu sham laüta peng tlaü.

1 Peter 3:22

Apaiq ka ramungtan niishe wawanto. Raüta Shiikeawe ma jaqtsi nü niishe nga tlo. Kiijaq nga raüta, apaiq raq rasetiim thun tlotli khuthaq na, kiimaq ramungtan na siti arang hotibi thun khuthaq na, kiimaq ningkun hoti pahea sitlaq kra thaq na, arang ajong jonghea ho raütiishe mung rüm nga tlo.

Revelation 19:16

Apaiq samtong jong samtlaq thaq na nai apaiq wütong niika ara mang ara tiiwaiq raü riito chhikang: “Hokham thaq na Hokham kiimaq tati thaq Tati.”