WEAWEA 24:14 - ASII LAKDAP Bible (BSI)

¹⁴ Kiijiishe Balaam raq Balak ma nguto, “Ümchaü ngi ka inok ita phana wa wan she. Shatmaq ngi miwa wanha shaq na, ngi raq rawiichiiji na Israilnok raq ümsenginok ma jamlai wa miraq kra, ümniima honlam bom chong kuq pha.”

Hawa Naga Bible 2001

¹⁴ Balam rueq Balak muex ngoc, “Majuiuc ngaz kuex taungnyuing sanox kox nuex yek taungx, yuq muinz ngaz max yek waung nuex yix maq Israel miqsaz rueq mmiqsaz htenc kuex yvmx khoc lac rvwvnc shvnx lvmz ngaz rueq mnoz muex honc tvsvmz jungx kuq shec ix,” ngoz tueq jungx tueq.

WEAWEA 24:14 Referencias Cruzadas

RAPHA HIQWA LAK 49:1

Jakob raq asetiim thun tiiheakito raüta akha nguto, “Ngi tro na riitam ronglaq. Kiimaq rawiichiiji namshiq ma jamlai wa hongtha wan tlaq kra bom chongkuq pha:

ISAIA 24:22

Shiikeawe raq hokhambi ka khobok mong na shumwikong ikha tsakhat mitübaiq. Apaiq raq tsangshiq ka tsangshiq kha phoraüta mo tiiho akhing misaü shaq wiiwii phaqtek mong na mishaqbaiq.

JEREMIA 48:47

Shatmaq rawiichiiji na, Tatiwe raq Mob ka chiithe lüwa jong ma hali mitiijong wan nong. Arthun arka, Tatiwe raq chongtlaq kra phan phan she dea mihong tha wan nong.

JEREMIA 49:39

Shatmaq rawiichiiji jai maq, Ngi raq Elam mungti ka chiithe lüwanok ma hali mitii jonglu wan nongha. Arka Ngi, Tatiwe raq toqtan tiikang.”

DANIEL 10:14

Ngi ümphana saükikang arka, rawiishiqwii namshiqnok ka jamkha jawan chang wa miraq kra ümniiraq sap wan miitu chongkekai kikang. Riita ara riishammakchhi arka rawiichii miitu tiichhi kuqto.”

DANIEL 2:28

Shatmaq ramungtan na siti Shiikeawe asi. Apaiq riili amao chang hupsam thun kra tiichhi kuqtlo. Apaiq raq, Chaü lei, rawiishiqwii pat achat na, jamlai phan hongtha wan chang wa kra ümniima tiichhi kuqto. Riita ümchaü ngi raq ümniima ümma maq, riisham makchhi maq jamlai wa chhilaü kriishe chongkuq pha.

Hosea 3:5

Shatmaq akhing ashi misaü wan, Israilnok ka tsangshiq Tati Shiikeawe wokhong na hali mijang wan nong. Raüta tsangti Dawit saüse phan wa tsangshiq hokham ma shong wantlaq kriiwe puk niishe hali mishang wan nong. Kra akhing niishetiq tsangshiq ka Tatiwe ma haisong tsantsii kra mithü wan nong. Krai mren, tsangshiq raq Tatiwe achu shiiman ahea kongphiq thun kriishe milap wan nong.

Mikha 6:5

Isenginok lei, tiitsang rong laq, Mob hokham Balak raq phaqchi toq raüta, Beor se Balaam ma namshiq tiison dan taq, kra tiima ronglaq. Kiimaq lamjap piitiip Akasia nai, Gilgal liipan na, mra ümchuwa pin wantaq kra tiima ronglaq. Hanla ngi riidea namshiq tiichhii wanto nguta misap han.”

WEAWEA 24:17

Ngi raq rawiichii akhing chhitiikang, Kiimaq Israilnok mung kra chhitiikang. Hokham weshi, raiqsaiq ikha chhai hea, Kra mung na midong. Komet raiqsaiq po ikha apaiq ka Israil mung wa midong. Apaiq raq Mob mungti welabi thun mibuk. Kiimaq Seth mungti tlotli mitiiq baiq.

WEAWEA 24:25

Raüta Balaam ka tiijeto raüta ahiq niishe jang wanto. Kiimaq Balak kiimin aji jai niishe wa wanto.

Acts 2:17

‘Shiikeawe raq akha chongtlo, Ngi raq phangthum wan akhing na akha mirha: Ngi raq i Wenyi ka pheanyin pheanyi kaütak rishi, maiq loweatek ma asho awo miraü kuq ha. Namsetiim jechak aja maiqwe aja wiitarü raq, rinkinku maq changriim chiiriim, i tsütsa ara michong kuq wan. Namsetiim jerobi ka shammibi ma mija. Kiimaq nyungwere raq ra wa ma ka, machha khaqkhaq mima.

2 Timothy 3:1

Tsan na tiitsangshat maq silaq. Phangthum wan akhing she saü wan raüka, rahiq jipi ka bihea she mir wan.

JOSHUA 13:22

Riita Israilnok raq tsatbaiqtaq phong niika Beor se, jaqliiti shammiwe Balaam kiimin tsatto.

Revelation 2:10

Namshiq ma jamlai chamchao wa saü tlaq, kra miitu min naqhai rongkiq. Tairong laq! Abi Thawe raq namshiq phong wa, maiq wiijamti ka phaqtek mong na mithü kiiphan. Raüta, namshiq kamtsantsii ka mimaitai kiiphan. Shatmaq, namshiq ka raroqshise li micham chao han. Namshiq raq ngi ma kamtsantsii ka pharang rang maq thü ronglaq. Kra miitu atsai chang li jiimin naq thaq rongkiq. Jurwa rekhat tang tlan, kriiti ma ngi raq srea poksi ka pattup pat-sa rilung mikuq kang.

Revelation 2:14

Shatmaq, ngi raq namshiq ma tsantiibi chang lam asi: Namshiq phong na Balaam lamphanti maiq asi. Balaam raq Balak ma Israilnok ka ngarai na tiidea chang lam chongkuqto. Krai mren, Balak raq Israilnok ka sumla noq ngam phaq nai sethoq sepii ja ngarai na tiidea baiqto.