WEAWEA 24:1 - ASII LAKDAP Bible (BSI)

¹ Kra lak niika Tatiwe raq apaiq nangnga Israilnok ka shiiman ke raa dongdii nguta thaütlo nguta Balaam riimin asap wishe riito. Kra ningkhan apaiq raq kongkhu lak na kiikha lang liimak she riito. Apaiq ka kumtsaiphii wang nü nü kiina liito.

Hawa Naga Bible 2001

¹ Israel miqsaz muex ruimrix kuy tvkoc Yehowa rueq piq roc yaq lvmz kuex Balam rueq tuiuz vtueq, kungkhux nuex tvkhic romzyac thoz wvnc tueq ikhoc piq kaz muq shex. Piq rueq kumtsvy tvnx kox nuex kvroz lawc koq tueq,

WEAWEA 24:1 Referencias Cruzadas

WEAWEA 22:13

Kriimaq napjai na Balaam ka Balak kiimwebi phana kito raüta nguto, “Namshiq ka jam niili jangho ronglaq. Tatiwe raq ngi ka namshiq rai tiikidam mak tiiwinhoto.”

WEAWEA 22:7

Krai mren Mob mung welabi nai Midian mung welabi raq manson jaq maq kra howan raüta, Balaam phana wawanto. Kiimaq Balak raq tsütsa tiichong wantaq kra tiitaito.

WEAWEA 23:15

Balaam raq Balak ma nguto, “Ümniika ara chaqtlii-honglu ümniiraq kuqlaü arjiili chapli laq. Kiimaq ngi ka Shiikeawe rai iniikiijaq riihum wa pha.”

WEAWEA 23:20

Ngi ma ramkuqlaq nguta tsii chongto, Kiimaq Shiikeawe raq shiiman keje ka, Ngi raq tiijanglot mang.

WEAWEA 23:23

Mintin riimin, awuq raü min, Israil mung thaq na tailot mak. Ümchaü maiqse raq Israilnok miitu akha mingu, ‘Liironglaq Shiikeawe raq jamlai wa shamtaq kra!’

WEAWEA 23:28

Kra ningkhan, apaiq raq Balaam ka Peor pum khuthaq na kumtsaiphii wang tiichhi rashra kiiniishe shea wanto.

WEAWEA 23:3

Raütiishe Balaam raq Balak ma nguto, “Ümniika ara chaqtlii-honglu ümniiraq kuqlaü arjiili chapli laq. Tatiwe ka ngi rai mirhumki sha riihumki mak wa, inii kiina walata liiwapha. Apaiq raq ngi ma jamlai wa tiichhi kuq jiiq kra ümniima michong kang.” Krai mren apaiq laqlaqse hiqlam ashi kriithaq kiina wawanto.

WEAWEA 23:30

Balak riimin apaiq ma jamkho chongtaq kra phan phan kloto. Raüta berong-wacha aweatek na minsaü pongwe ashi kiimaq skupongrese ashi honglu na tato.

WEAWEA 31:16

Tsan na tiitsang ronglaq, Jechakre raq mak jea, Peor hiq maq Balaam raq tsii achong kra tai raüta, Israilnok ka Tatiwe wokhong wa lamjiq na tiishon hotaq ira. Kriikha na tiina Tatiwe sengi khuthaq na thabi tiidongtaq ira.

Revelation 2:14

Shatmaq, ngi raq namshiq ma tsantiibi chang lam asi: Namshiq phong na Balaam lamphanti maiq asi. Balaam raq Balak ma Israilnok ka ngarai na tiidea chang lam chongkuqto. Krai mren, Balak raq Israilnok ka sumla noq ngam phaq nai sethoq sepii ja ngarai na tiidea baiqto.

1 SAMUEL 24:20

Riita ngi raq ümchaü ka sapkang she. Ümniika Israil mung na hokham miishe mija wan haü. Kiimaq kra hokham mungtan ka ümwokhong niishe misi wan.

1 SAMUEL 26:2

Kra tsütsa ka tai raüta, Saul ka tlothitli tiidopot raüta Israil mung wa asengi srea nolajongbi phenlabi hingtsam sheaho raüta, Dawit rit kai Jiph kumtsaiphii wang kiina kihoto.

1 SAMUEL 26:25

Kiijiishe, Saul raq Dawit ma akha nguto, “Shiikeawe raq ümniima mishman kuq, i se lei! Ümniika phanrap na ongwan ruq mirhaü.” Kra riibom lot jai she, Dawit ka apaiq lamphan ahin nü niishe wawanto. Kiimaq Saul kiimin ajam niishe jang wan nongto.