WEAWEA 23:21 - ASII LAKDAP Bible (BSI)

²¹ Ngi raq Israilnok rawiichii rilung chhikang she Apaiq miitu kaükhea la-nyea ahü, riimakla chamchao ahü miraq. Tatiwe tsangshiq Shiikeawe ka tsangshiq rai; Tsangshiq raq lachong dok dok apaiq ka tsangshiq Shiikeawe ngutlo.

Hawa Naga Bible 2001

²¹ Israel miqsaz kuex yix maq pat nuex kuilc daz rvhumc tuex lvmz kuex ngaz rueq khiz mauk. Yehowa tsuingshiq Tishox kuex tsuingshiq rulc vdvmz httax yaq; Vpiq kuex tsuingshiq Hokhvmx rvtueq lvmz thaungbaungx wuez yaq.

WEAWEA 23:21 Referencias Cruzadas

2 KAÜWA WERAÜ 13:12

Shiikeawe apaiq kli naishiq Pengti welawe. Kiimaq apaiq ramwebi thun ka paison lerong thun jaq na atsüho ma dorachhaq maq, naishiq ka namshiq khat miitu rechap wan ma khekham maq khetlo. Israilnok lei, namtitiim Tatiwe, Shiikeawe rai naq riikhat rongkiq! Namshiq riika tang man!”

Tvtsvmc 103:12

Shedong mung ka shenyap mung maq ümloqluwa, kloq na nashiq ngarai thun ka apaiq raq tsuqbaiqtlo.

Tvtsvmc 118:15

Taironglaq rekhat tangjai rüriiqtrang kra Shiikea senginok piitiip tombutiip phong na: “Tati ningkun jong maq tiitangto!

Tvtsvmc 135:21

Tatiwe tiitsam ronglaq Jajon hiq maq, Jerusalem na, apaiq jam maq. Tatiwe tiitsam ronglaq!

Tvtsvmc 23:4

Ngi ka ranyaq tsaühea mong maq leawan changli dongki raü min, ngi ka haimang, Tatiwe lei, ümniiri ngi rai asi. Üm sku rümchang nyeakii kiimaq chongwai raq ngi tiiwongtlo.

Tvtsvmc 32:2

Peohea she Tatiwe raq shut laü nguta kha nyan makti ma, kiimaq tlotli laopha kharü wa wase jawanti ma.

Tvtsvmc 32:5

Kiijiishe ngi raq ingarai ka ümman na tiidii wan kang; ngi raq ishut iphit thun dam mang riikang. Ngi raq kriithun ka ümman na mitiidii wanha nguta thapthi wan kang, kiimaq ümniiraq ingarai thun wiita diibaiq laü.

Tvtsvmc 46:11

Tati Ajong Pinthumwe ka nashiq rai asi; Jakob Shiikeawe ka nashiq tiiwongketi.

Tvtsvmc 46:7

Tati Ajong Pinthumwe ka nashiq rai asi; Jakob Shiikeawe ka nashiq tiiwongti.

Tvtsvmc 97:1

Tatiwe ka hokham! Hiq lei chochilaq! Chochi ronglaq, namshiq khamjong mong na siti maiqmung thun lei!

Tvtsvmc 99:2

Tatiwe ningkun ka Jajon na henghea; apaiq ka mung thun tlotli thaq na ajong pinthum.

DUNGWVNC 13:21

Ranaiq bala niika Tatiwe ka phum kham kaü ma ja raüta tsangshiq khaki na lamshea wawantlo. Raüta tsangshiq ma lam ka tiichhi kuq raüta, shea wantlo, kiimaq rawa niika walütu khamchong ma ja raüta, tsangshiq ma sinkhu na wawan tlo raüta tsangshiq ma wa tiinii kuq wan raüta shea wantlo. Krai mren tsangshiq ka ranaiq rawa wawan ruqli laü wanto.

DUNGWVNC 3:12

Shiikeawe raq treto, “Ngi ka ümniirai adam mirha. Kiimaq ümtiikiiwa ümniiraq mungmaiqse ka Ejip mung wa tsuq wantlaü, kiitiikaq ümniiraq Ngi ka ara pum arjaq mishomnoq haü. Kriikata ümniika Ngi riidea tiikikang nguta saqse miraq.”

DUNGWVNC 34:9

Apaiq raq nguto, “Tatiwe, ümniika ngohea shaq shaq ngi ma khoqriiq tlaü jiila, ngi raq ümniika naishiq rai adam na wa i nguta tiipaiqnea tiikang. Arnok arka nilan wanshak shak nok. Shatmaq naishiq abi kiimung nai ngarai ka adii riikuqlaq. Kiimaq naishiq ka ümsenginok shaq ma rümshat riilaq.”

ISAIA 1:18

Tati raq ngutlo, “Riita ümchaü min bom ka riichong i. Ümkhum ka ngarai na tiitsam laüta maiq tiijai maq tlo laüta shiiroro she sitlaü. Shatmaq Ngi raq ümniika tsakhiiq ikha siirairaihea lüdiidii hea she mihekuqha. Ümkhum ka ngarai maq alorat kha maq, among tsaühea na saüli achhe wan kun she shiiroro ma she, li jiimin, Ngi raq ümniika umnirai railü tam ikha lüdiidiihea she mitlü kuqha.

ISAIA 12:6

Jajon na siti wiitarü raq rütrang ronglaq, lantea shi ronglaq! Israilnok asii Shiikeawe ka jonghea, kiimaq apaiq ka asenginok rai sitlo.”

ISAIA 33:21

Tatiwe raq nashiq ma apaiq khushü ngao jonglu kra mitiichhikuq wan. Nashiq ka jürai kaütiim thun jonghea hea kiimaq khamrai setiim thun sitlaq thun tho na misi wan rong i. Shatmaq kiijiika wesang raliinok mokkiitu thun ka wamak she miraq.

ISAIA 33:22

Kra mokkiitu thun thaq na shongtlaq khea chan chang raütu phong chantlaq kriika atuli she miraq. Khea rahai ma tiithu raüta mokkatu tiikhum chang kriimin chanlot mak she miraq! Nashiq raq renok mokkiitu wa tsiiq tum thun ka tlotli milap wan rong i. Kra sepat lopi tsiiq ka pahea kha maq aküwe rii saqseng min asi. Tatiwe apaiq kli she na mung na hokham miraq. Apaiq raq nashiq mipeng wan. Kiimaq nashiq ka mitiiwong kuq wan.

ISAIA 38:17

Itsi chamchao ka hansang miishe mija wan. Ümniiraq ngi ka phanrap haisi chang wa tiichhii laü; Ümniiraq ingarai thun wiita diikuqlaü.

ISAIA 41:10

Naqhaikiq - Ngi ka ümniirai asi! Ngi ka üm Shiikeawe - ümniika jam miimin naqphiip jiipkiq! Ngi raq üm ningkun ka mitiiheng kang; lata mikhrumkuq kang. Ngi raq ümniika mitiiwong kang lata mitiichhiiha.

ISAIA 8:10

Namshiq raq rechap wan ma wutan langphok ronglaq! Shatmaq tiina tsangshiq raq ümtiikiimin tangmak miraq. Namshiq raq aroro tsütsit siq rongliina! Shatmaq kriithun ka atuli miraq. Jamkhano ngukla Shiikeawe ka naishiq rai asi.

JEREMIA 50:20

Kra akhing she saü wan raüla, Israilnok mung na ngarai ka ahüshe miraq. Kiimaq Juda mung na abi kiimungti ka ahüshe miraq. Jamkhano ngukla, Ngi raq ümchuwa khupwong kuq wan kang maiq thun ngarai ka adiishe mirbaiqha. Arka Ngi, Tatiwe raq toqtan tiikang.”

EJEKIEL 48:35

Chela trotam na siimblai ri wa kiitelong peruk ka alu nü na tlotli mitar hingtiikaü. Kiimaq chela mang ka ümchaü armiishe, “Tatiwe-KA-ARJAQ ASI!” nguta miraq.

Yoel 2:27

Kra akhing niishe, Israilnok lei, namshiq raq, ngi ka namshiq rai adam miidea sitiikang nguta misap han. Kiimaq namshiq raq, ngi namshiq Tati Shiikeawe ka ardea, Kiimaq ngi tea raüta, ahin shiikea ahü nguta misap han. Israilnok ka maiqmung ahinti raq, saisi mak she miraq.

LEWI 9:24

Tiihanghiiq miili Tatiwe raq wa tiisatto. Raüta chaqtlii-honglu akuq ngam kra nai ngampü akuq berong-wacha wiika wiita khiimbaiqto. Mungmaiqse raq kra chhi raüta, tsangshiq tarü gitrangto. Kiimaq tsangshiq tarü hiq na bumtlii kurang raüta shrengto.

WEAWEA 14:18

Ümniiraq ngulaü, ‘Ngi, Tatiwe ka mokhiq ka khiq mang. Kiimaq Ngi raq lungwiitsii jonghea tiichhikuq tiikang kiimaq pinthum tsapkapkap tiikang kiimaq ngarai kiimaq ikiq khiiti mra ka diikuq tiikang. Li jiimin, anyungwe ngarai thun kriikha na, asetiim nai asaütiim ma maiq pat pat-sam na nai patblai na saüli, anyungwe ngarai kha na mo tiihohü ka tlea baiq mang mirha.’

WEAWEA 14:19

Riita ümchaü min, Tatiwe lei, ngi raq achu jaütiikang, ümnaq lungwii tsantsii ümtiikiimin klai kimak phan rümtlaü kriimaq mra ka diikuqlaq. Ümniiraq tsangshiq ka Ejip mung maq wawan li miiphat, ümchaü niitaq saüli jamkho diikuq wan laü kiikha diikuqlaq.”

WEAWEA 16:3

Tsangshiq ka adam na Mosheq nai Aron khaki na thungto. Raüta tsangnai ma akha nguto, “Namnai ka chan hea she tiichan ne kilan! Israilnok mungmaiqse kunli ka Tatiwe sengi siisaq. Kiimaq Tatiwe ka naishiq tarü rai adam na asi. Kra taü maq, Mosheq ümniika Tatiwe sengi mungmaiqse thaq na ajong nguta jam nguto tiitsaki tlaü?”

WEAWEA 9:22

Krai mren, ranaiq nai li lo, jipi lüshi lo, kiimaq wiishi lo, riimakla kriithaq na alu sichang lo, phumda kaü ka Tombutiip khuthaq na sishat wiiwii, tsangshiq ka laü wan mak. Shatmaq ümtiikiiwa phumda ka wawantlaq, raüla tsangshiq kiimin laü wantlo.

Matthew 1:23

Bomtsi ka akha tiichongto, “Junrii junsang se ashi raq asewok miho. Kiimaq ase ka maiqwe se michii. Kiimaq no mang ka Immanuel nguta mimang (kra liichum ka Shiikeawe nashiq rai nguta ngo.)”

Romans 6:14

Ümchaü sanha, namshiq raq ngarai ka namtijong we ma tiija wan raa mak she. Ümchaü, namshiq ka thungtri jaqkhon mong niika siman she. Shatmaq, Shiikeawe kaphap mangchan wokhong mong niishe sitlan.

Romans 8:1

Riita, ija ümchaü sanha, ara chongkai thun bom raü shat wan ka akhiishe shat wan i na. Juwa Khristo Jesuq rai pumshi hanshi miishe sitlaq, kriiti miika, Shiikeawe raq kha ka nyan mak she.

2 Corinthians 2:14

Shatmaq, Shiikeawe miili kechutum rong i! Jamkhano ngukla, Shiikeawe raq nashiq ara, Jesuq Khristo rai rekhat tang laita, rejang wa akong ada maq, arü ariiq wadam tiikai. Shiikeawe raq naishiq ara, Jesuq Khristo tsütsa ka barap se na phanchanke wan miitu lang wan tlo. Riita, arka ahomwiq phan, homseng raq barap binrii na nyamtlaq ikha, tiinyam kuqtlo.

2 Corinthians 5:19

Ngi raq chongrat tiikang arka, ara ngo nangnga ngutiikang: Khristo pum lümaq Shiikeawe raq mangjong maiqse angu lotli kra apaiq ma akhi alu miishe tiija wan shiichaq tlo. Apaiq raq tsangshiq ngarai raüpot thun ka phe miili she diikuq tlo. Kiimaq apaiq raq mangjong maiqse angu wiita ka akhi alu ma tiija wan lungwiitlo nguta, kra tsütsa chongke jaqsham ka naishiq kiimwebi ma arang kuqto.

2 Corinthians 6:16

Shiikeawe asii shomjam ka thawe makchuk jam rai apong dam chang lamlu min asi sha? Nashiq ka atra Shiikeawe sichang shomjam ahata! Shiikeawe raq akha chongto: “Ngi raq I jamjong ka I sengi rai mihai ha, Lata tsangshiq rai misiha, ngi ka tsangshiq Shiikeawe ma mijaha; kiimaq tsangshiq ka I sengi miraq.”

TRI CHONGKE 31:23

Kiijiishe Tatiwe raq Nun se Joshua ma chongto, “Ümtsan na kamto maq silaq. Kiimaq jaq khon tiipha shatmaq silaq. Ümniiraq Israilnok ka Ngi raq tsangshiq ma mikuqha nguta kiq kham kuqkang mung na mishea wan haü. Kiimaq Ngi ka ümniirai lomdam shat mirha.”

TRI CHONGKE 32:5

Shatmaq namshiq ka awokhong na siman, asenginok ma ja thek man, ngarai bu kiimaq laopha mung ashi.

TRI CHONGKE 33:5

Tatiwe ka asengi Israilnok thaq na hokham ma jakito arka ümtiikiiwa tsangshiq maiq phan thun nai welabi thun adam thungtaq akhing na riito.

TRI CHONGKE 9:24

Ngi raq namshiq rai mang riisap wan li maq, namshiq raq Tatiwe kiq khü sru wan kra chhi wan kang.

PHOWEBI 6:13

Gideon raq apaiq ma nguto, “Shiilangwe lei, ümniima bom poshi wai pha. Riita Tatiwe ka naishiq rai asi jiika, naishiq ma atinkhan mra ka jamkho pintla? Tatiwe raq awang chang pahea jaq shamkuqto nguta naiwetiim raq phankuqtaq kriiha apaiq raq tsangshiq ka Ejip mung wa tsuq wanto nguta phantlaq kriiha ümchaü ümbano? Tatiwe naishiq ka miimbaiqto she raüta Midiannok jaqkhon mong niishe kuqbaiqto.”

1 SAMUEL 25:28

Shiilangwe lei, ngi raq shutphit kang la jiila, i mra ka adii riikuq laq. Tatiwe raq ümniika hokham ma mishong wan, kiimaq ümsaü ümsetiim kiimin hokhambi ma mishong wan. Jamkhano ngukla, ümniika Tatiwe miitu rekhat tlaü. Kiimaq ümniiriika ajiq aphiq jaqsham ka klomaü.