WEAWEA 23:10 - ASII LAKDAP Bible (BSI)

¹⁰ Israil saüse phan ka botkhulai ikha- Tsangshiq ka awealot mai pahea. Irilung ka Shiikeawe sengi ashi ikha tiisungpha; Ngi ka hansang maq kechu maiqse tsai tsaipha.”

Hawa Naga Bible 2001

¹⁰ Israel suiuz vsaz htenc kuex paunghvlc ningkhvnc nuex, Bokkhuyx wvl lot miq ikhoc, tsuingshiq kvmuinz wvl lot miq. Tishox miq washiz ikhoc yaungx vtueq thueyc wvnc roc; Tsuingrux miq washiz ikhoc kuiyqshuik shuik hvlc thueyc wvnc roc.”

WEAWEA 23:10 Referencias Cruzadas

RAPHA HIQWA LAK 13:16

Ngi raq ümsaü ümsetiim phong ka pahea pahea she mitiipuchi wanha. Tsangshiq ka jurmin weawon lot mak miraq. Kra nam miika hiqraikhü wa botkhulai kra weawon riiwe ka aje lin miraq!

RAPHA HIQWA LAK 22:17

Ngi raq kiqkham lata chong tiikang, Ngi raq ümsaü ümsetiim ka ra na raiqsaiq jamkho diimtlaq, kiimaq khamjong chum kii na kumtsai phü na kumtsai riiphongtlaq ikha mipuchiha. Ümsaü ümsetiim phan raq tsangshiq jaqtinok thun ka mitang wan.

RAPHA HIQWA LAK 28:14

Tsangshiq ka hiq raikhü na botkhulai riiphongtlaq kiikha awea lot mai miraq. Tsangshiq raq tsangshiq hiq rai ka trotam na mitiijong wan. Kiimaq ümnaq lümaq nai ümsaü ümsetiim lümaq, Ngi raq maiq phan thun ka mishman kuqha.

Tvtsvmc 116:15

Tati ma pinthum tsihea asenginok phong wa maiq ashi ra tsaiki raüla!

Tvtsvmc 37:37

Maiqshaq kiimaq kechu maiqse ka shrira liilaq; sobsob bombom maq siti ka asaü asetiim asi.

TAKSU LAK 14:32

Abi ati kiimungti ka maiqmii jaqsham, ashut thiikhobok na dea watlo. Shatmaq mitting maiqse ka, apaiq tingting jaqsham riili, tiikhup wongkuqtlo.

WEAWEA 31:8

Midian mungti hokham webiingi kiimin nong nong: tsangshiq ka Ewi, Rekem, Jur, Hur, kiimaq Reba. Kiimaq tsangshiq raq Beor se Balaam kiimin tsatto.

2 Corinthians 5:1

Nashiq raq asap i she, ranaiq shishi ka ara ümchaü nashiq sitiikai, nashiq han-ngam khum jolitiip arka, ariim riiki raüta atham she mirki. Ara thamkai jai miishe, Shiikeawe raq nashiq sichang jam, ramungtan niishe mikuq. Kra jam ka Shiikeawe apaiq jaq maq ahai. Kra jam ka pattup pat-sa thenki mak phan.

Revelation 14:13

Kiijiishe ngi raq ramungtan wa maiq bom ashi hali akha chongto taikang, “Ara waiqlaq! Kechu jonghea ümriiti wa ümchaü ara miiphat she, Tatiwe lamphan na tsai tlaq!” “Ngohea dea tengto!” nguta Asii Wenyi raq treto. “Tsangshiq ka Shiikeawe jaqsham pinthum hun nü wanto. Ümchaü sanha, tsangshiq ka hunhü niihü miishe mitiisi nga. Jamkhano ngukla, tsangshiq raq minshiiq wantaq kra tsi ngo ka, tsangshiq rai nong nong ramungtan niishe saiqsam wanto.”