WEAWEA 23:1 - ASII LAKDAP Bible (BSI)

¹ Apaiq raq Balak ma chongto, “Ngi ma arjaq berong-wacha miishi hailaq. Kiimaq ngi ma minsaü pongwetiim miishi kiimaq sku pongresetiim miishi lam wanlaq.”

Hawa Naga Bible 2001

¹ Balam rueq Balak muex ngoc, “Vyuq shomrawx mvshix tvhungx shuiuz, manx pung mvshix nuiyc khelbuenx pung mvshix rac lvmz wvnc loq,” ngoz tueq jungx tueq.

WEAWEA 23:1 Referencias Cruzadas

2 HOKHVMX 18:22

Asiria mungti ajongwe ka kriithaq niimin akhiishe nguto, “Shea ümniika üm Tatiwe, üm Shiikeawe ma kamrai tiikang ngutiisha tiitsaki rai tlaü? Riita Hejekia raq Juda mungti mungmaiqse ma kiimaq Jerusalemti ma Tatiwe ka Jerusalem na berong-wacha sitlaq kriijaq lam lam li shomnoq wan ratlo nguta traho kuq raüta dea Tatiwe noqchang asii tiipsetiim nai berong-wacha thun ka tiithen baiq wanto riimak sha? Raüta apaiq ka shumiito riimak sha?

1 KAÜWA WERAÜ 15:26

Raüta tsangshiq raq honglu na minsaü pongwetiim miishi kiimaq sku kaü miishi tato. Kriika Shiikeawe raq Lewinok Tongshong Tek kaü piwanti kra mikhrum kuqlaq nguta tato.

2 KAÜWA WERAÜ 29:21

Kiimaq hokham tahii jamtitiim ngarai shiikhoi miitu kiimaq Juda mungti ngarai shiikhoi miitu, kiimaq Shomjam kra tiisii wan miitu tsangshiq raq honglu na take chang minsaü pongwetiim miishi, skukong miishe, sku aran setiim miishi, kiimaq chhechhi kong miishi lam wanto. Raüta hokhamwe raq ramwebi ma, Aron saüse phan kiima nyamse thun ka berong-wacha na wiipumtam maq chaqtlii honglu na takuq ronglaq ngata chongto.

YOBA 42:8

Ümchaü min minsaü pongwetiim miishi kiimaq sku pongwetiim miishi hea wan lantea Job phana waronglaq. Lantea kriithun ka namshiq miitu honglu na kuq ronglaq. Raüla Job raq namshiq miitu achu mijaü kuq kiimaq ngi raq apaiq achu jaü ka mitre kuqha. Kiimaq namshiq raq jea ngaü phaq chang sitlaq kriiwa mitiiwong kuqha. Apaiq raq ngi miitu tengteng bom chongtaq kiikha namshiq raq chong man dea riilan.”

DUNGWVNC 20:24

Ngi miitu ka hiq maq berong-wacha ashi klo ronglaq. Lanta kriijaq namshiq sku nai minsaü ka wiipumtam chaqtlii honglu thun nai rintii-honglu thun kra kuq ronglaq. Ngi raq ümriiba wa pong na namshiq raq Ngi shomnoq wan miitu tseathütiikang kiijaq Ngi ka shomnoq ronglaq. Kiijaq Ngi ka namshiq phana kilata mishman kuqkang.

TAKSU LAK 15:8

Maiqshaqti raq achu jaü raüla, Tatiwe ka chochikhiq; shatmaq abi ati maiqse raq, apaiq ma honglu atakuq ka, apaiq raq saisitlo.

EJEKIEL 33:31

Krai mren, isenginok ka ümbom chong kra taiwa kongta hushhu ümphana watlo. Shatmaq ümniiraq tsangshiq ma jamlai bom wa chongkuq tlaü kriika tsangshiq raq lang mak. Tsangnübok miika lungwii bomtsi bomtlo. Shatmaq tsangshiq ka sükha rilung lam kra phan raütli sitlo.

EJEKIEL 45:23

Kra poi ramiishi poitlaq kra liipan na apaiq raq ranaiqtek Tatiwe ma minsaü pongwetiim miishi kiimaq sku pongwetiim kaü miishi nyeajokjok, ami atsi ahü kra ta raüta honglu na wiipumtam maq chaqtlii honglu na kechang. Kiimaq apaiq raq ranaiqtek chhechhi chhepongwe ka ngarai miitu honglu na take chang.

WEAWEA 22:41

Kriimaq napjai ranap niishe Balak raq Balaam ka diiluwiq Bamoth Baal kin na shea wanto. Kriiba maq Balaam raq Israilnok ka khoko chhilot-li chang ba kiina shea wanto.

WEAWEA 23:2

Kra chongtaq kra phan phan Balak raq kloto. Kiimaq apaiq nai Balaam raq berong-wacha aweatek na minsaü pongwe kiimaq sku pongse achhuq chhuq tato.

WEAWEA 23:29

Balaam raq apaiq ma nguto, “Ngi miitu arjaq berong-wacha miishi hailaq. Laüta minsaü pongwe miishi kiimaq sku pongresetiim miishi lamki kiq.”

WEAWEA 23:30

Balak riimin apaiq ma jamkho chongtaq kra phan phan kloto. Raüta berong-wacha aweatek na minsaü pongwe ashi kiimaq skupongrese ashi honglu na tato.

WEAWEA 29:32

Poi ramiishi ranaiq she angu na, minsaü pongre setiim miishi, sku pongre se anai, kiimaq arawii wiishi shi sku pongsetiim roqshi ri blai, wiitarü nyeajokjok akhum na ami atsi ahü siisaq takuqlaq.

Matthew 23:13

“Namshiq ma phiiptsi chang jonghea asi, Phorisinok nai Thungtri shrinketibi le! Mongnam nok le! Namshiq raq mangjong maiqse ka Shiikeawe sengi ma jawanti wachang lam kilü kra ashaq riibaiq tlan. Namshiq maiqmii kiimin wawan man. Kiimaq nanok juwa awa wan tiima tlaq, kriiti kiimin tiiwa man maq lam ka tangta tlan!

Jude 1:11

Tsangshiq miika kai phiiptsi wan chang sitlo! Tsangshiq ka Kain jai phanti. Kiimahali, kampho ma süram raüta, Balaam raq ngarai tangtaq, kra lamphan na hali, ümchaü tsangshiq armin kiho nong tlo. Tsangshiq arka, Kora raq jamkho pong wela ja ngarai tangtaq, kiikha ngarai tang tlo. Apaiq ka jamkho thumtaq, kra niq riri sii hali, tsangshiq armin then wanto she.

1 SAMUEL 15:22

Shatmaq Samuel raq treto, “Riita Tatiwe ümriiti wa lungwiitla: Apaiq bomtai kriisha, honglu thun nai nyamse atakuq kriiwa lungwiitla? Skuse ahea pinthum honglu atakuq thaq na, apaiq bomtai riiwe ka ahea.