WEAWEA 22:9 - ASII LAKDAP Bible (BSI)

⁹ Shiikeawe ka Balaam phana kito raüta bom ka akha waito, “Ümniirai sitlaq maiq thun arka junok wa?”

Hawa Naga Bible 2001

⁹ Tishox kuex Balam kox nuex kaz vtueq, “Mnoz rulc vdvmz nuex yuip naungc jix miq kuex ukhaq lac?” ngoz tueq wiz tueq.

WEAWEA 22:9 Referencias Cruzadas

RAPHA HIQWA LAK 16:8

Kiimaq apaiq nguto, “Hagar, Sarai di-nyung lei, ümniika ümba maq aki haü wa? Kiimaq ümnüna kai wa?” Kiijiishe apaiq raq treto, “Ngi ka itijong-nyung wokhong wa juho tiikang.”

RAPHA HIQWA LAK 20:3

Rawashi Shiikeawe ka apaiq phana rawa ma maq tiichhikito. Raüta akha nguto, “Ümniika atsai she mirhaü. Jamkhano ngukla ümniiraq arnyung ara lam wan laü. Apaiq ka maiq ma awa wishe, maiq-nyung.”

RAPHA HIQWA LAK 31:24

Kra rawa na rawa ma maq Shiikeawe ka Laban phana kito. Raüta akha nguto, “Tsii lam shat riiliijo. Jakob ka moshkeng leng naq shiikeng kiqjo.”

RAPHA HIQWA LAK 4:9

Kiijiishe Tatiwe raq Kain ma waito, “Ümno Abel ka ümbano?” Apaiq raq treto, “Ngi raq sap mang. Ngi ka ino rümtiwe shea?”

RAPHA HIQWA LAK 41:25

Kiijiishe Joseph raq hokhamwe ma nguto, “Kra rawa ma jangnai malaü kra liichum ka ashili. Shiikeawe raq ümniima apaiq raq jamlai kiimung howa dantlaq kra chong kuqto.

DUNGWVNC 4:2

Kiijiishe Tatiwe raq apaiq ma waito, “Ümjaq niika jamlai wa shamtlaü?” “Nyeakii shamtiikang,” nguta apaiq raq treto.

DANIEL 2:45

Ümniiraq longraqkam khupo wa longkaü ashi ka apaiq tiikoqkoq, maiqjaq maq jurmin shamhü maq tiikoq wan raüta, kra sumla kaü jin, nai miiki, hamlii hiq, kampho, kiimaq chaq maq alo sumla ka, tiibunlak tiiqbaiqtaq chhilaü. Arka ajong Shiikeawe raq, chaü lei, ümniima rawiichii pat na jamlai mra pin wan chang wa kra chongkuqtlo. Ümniiraq jamkho malaü kra ngi raq chongkuq kang. Lata kra liichum ka riikhaqli chongkuq kang.”

WEAWEA 22:10

Apaiq raq treto, “Mob mung Hokhamwe raq tsangshiq ka iphana

WEAWEA 22:20

Kra rawa Shiikeawe ka Balaam phana kito. Raüta akha nguto, “Arwetiim ka ümnaq heawa nong nguta wataq jiika, tiije laüta tsangshiq rai kidam laq. Shatmaq tiina Ngi raq jamlai wa chongtiikang kriili misham haü.”

WEAWEA 22:8

Kiijiishe Balaam raq tsangshiq ma nguto, “Ümchaü rawa ka ajiili jap ronglaq. Anaptiq Tatiwe raq ngi ma jamlai wa chongjiiq kra namshiq ma mitaikang.” Krai mren Mob mungti welabi ka Balaam rai japto.

Matthew 24:24

Ara jamkhano chongtiikang ngukla kra akhing na, arot Messiabi kiimaq arot shammibi maiq ka pahea mipo wan. Tsangshiq riika amao chang nai awang chang jaqsham pahea misham. Raüta, mairaü jiila tsangshiq raq Shiikeawe sengi phong kriiwa min shonron hohai jaq nguta mishchaq.

Matthew 7:22

Phangthum Khapho Ranaiq na maiq pahea raq ngi nangnga, ‘Tatiwe loi, Tatiwe loi! Ümmang na naishiq raq Shiikeawe bomtsi chongkuq kai ihata! Kiimaq ümmang maq naishiq raq abi winji pahea jobaiq wan kai ihata. Kiimaq awang chang jaqsham pahea sham wan kai ihata!’ nguta mingu.

John 11:51

Riita, apaiq raq ara bomtaq arka, apaiq tsiitsii maq abom riimak. Shatmaq, kra rawii, apaiq ka Ramwe Ajong Pinthum we kha maq, Jesuq ka Jehudinok mung maiqse miitu mitsai nguta riisham bomchong tiithai bomto.