WEAWEA 22:6 - ASII LAKDAP Bible (BSI)

⁶ Tsangshiq ka naishiq thaq na achan pahea. Kra ningkhan, mangchan laüta ümniika ana kira. Laüta tsangshiq khuthaq na ngi miitu man sonlaq. Jursap kra nguraü ka naishiq raq tsangshiq ka khat laita mitanghai min lo riila. Laita tsangshiq ka naimung wa mijobaiq lot hai minlo riijiiq. Ngi raq asapha, ümtiikiiwa ümniiraq maiq ma ramram kuq tlaü, raüla maiq raq achu shiiman laptlo. Kiimaq ümtiikiiwa ümniiraq maiq ka ason riitlaü, haüla kriiti ma manson tiini kitlo.”

Hawa Naga Bible 2001

⁶ Tsuingshiq kuex nuiyshiq mac muinz miq paunghvlc ningkhvnc nuex kaz vtueq httonx tvmx kaz loq. Kvkhoc ngoz ruiux yuq jix tsuingshiq kuex nuiyshiq rueq khvt vtueq yurc gay ruiux, yurc gay lot shix. Mnoz rueq ruimruimx kuq shuiux jix rueq ruimrix lvp wvnc yaq, mnoz rueq mvnhttonx kuq shuiux jix kuex mvnhttonc rvhumc tuex,” ngoz tueq httax yaq.

WEAWEA 22:6 Referencias Cruzadas

RAPHA HIQWA LAK 12:3

Jurwa ümnaq shiimantlaq kriiti ka Ngi raq mishmanha, Shatmaq jurwa ümniima mansontlaq kriiti ka Ngi raq misonha. Kiimaq ümnaq lümaq Ngi raq mangjong maiqse kunli mishmanha.”

RAPHA HIQWA LAK 27:29

Raüta maiq mung thun ka ümsengi ma mijalaq. Kiimaq maiq phan thun ka ümwokhong na minyap laq. Ümphu ümnotiim thaq na tuwejong jalaq, Kiimaq ümnyung ma asetiim lai ala phan ka ümwokhong na misilaq. Ümnaq sontamti ka manson raq mitsai laq. Kiimaq ümnaq shiimanti ka shiiman milap laq!”

1 HOKHVMX 22:13

Kiimaq anü na shammiwe Mika heakai ajongwe kiitaq kra riimin apaiq ma akha nguto, “Nanok shammibi thun wiita raq hokhamwe ma apaiq riidea rekhat ka mitang nguta riisham bomtsi chongkuqto. Krai mren ümnii riiminla kiikhiili chongkuq maü maq.”

1 HOKHVMX 22:6

Krai mren, Ahab raq shammibi kong shiblaitin kra triichom heato. Raüta tsangshiq ma waito, “Ngi raq Ramoth chela ka mikhatki ha shea khatki mangli wa?” “Khatkikiq,” nguta tsangshiq raq treto. “Tatiwe raq ümniima mitiitang kuq.”

1 HOKHVMX 22:8

Kiijiishe Ahab raq treto, “Shammi weshi ri dea asi. Apaiq ka Imla se Mika. Shatmaq ngi raq apaiq pinthum shutiikang. Jamkhano ngukla apaiq raq ngi miitu ka jangshi ra dongdii min riisham bomchong ahea ka chongkuq mak. Apaiq riika jangwrap she abi riisham bom kli tiithaitlo.” Kiijiishe, “Ümniiraq kiikhii ka naq ngu kiq!” nguta Jehoshaphat raq treto.

NEHEMIA 13:2

Riita arjaq tsangshiq nok nai ri khuthaq na akha tri waiqthütaq arka, Ammonnok nai Mobnok raq, Israilnok ka Ejip mung maq manglaü wantaq akhing na, lam maq, tsangshiq noknai wiita raq, Israilnok ma phaqsea khamnyang kuq phaq siq mak hai hüto. Tsangshiq raq Israilnok ka akhrumke wan rü na khoti, shammiwe Balaam ma kampho kuq raüta, Israilnok khuthaq na manson laq nguta raikao tatto. Shatmaq nashiq Shiikeawe raq apaiq manson ka ramram ma khoti wiiqbaiqto.

Tvtsvmc 109:28

Tsangshiq raq ngi ka ba ümsonlaq; shatmaq ümniiriika ngi ma ashiiman mirkuqhaü. Ngi tiichamchaotibi ka mitiidea baiqlaq! shatmaq ngi ümdise ka chojongchise misilaq.

TAKSU LAK 26:2

Mihü na manson raü ka, wurai chaqse ra na bisiq tlaq ikha, kiimaq tsakklailu ra na bisiq tlaq ikhli, anga min ngamak ikha, kra manson ka maiq dü na ni kilot mak.

EJEKIEL 13:6

Tsangshiq raq riisham makchhi bom chongtlaq thun ka arot. Kiimaq tsangshiq raq shammi bomchong tiithaitlaq kriimin arot siisaq. Tsangshiq riika itsütsa chongkuq tiikai nguta tiitsakisiqtlo. Shatmaq Ngi raq tsangshiq ka tiiki mangdea. Kra taümaq tsangshiq riisham bomchong ka miku wan nguta tiimasiqtlo!

Mikha 6:5

Isenginok lei, tiitsang rong laq, Mob hokham Balak raq phaqchi toq raüta, Beor se Balaam ma namshiq tiison dan taq, kra tiima ronglaq. Kiimaq lamjap piitiip Akasia nai, Gilgal liipan na, mra ümchuwa pin wantaq kra tiima ronglaq. Hanla ngi riidea namshiq tiichhii wanto nguta misap han.”

WEAWEA 22:12

Kiijiishe Shiikeawe raq Balaam ma nguto, “Ümniika arwetiim rai naqki damkiq. Kiimaq Israilnok ma man naq sonkiq. Jamkhano ngukla tsangshiq ka Ngi raq ashiimanke wishe.”

WEAWEA 22:17

Ngi raq ümniima tiibomhü poksi chamtraq mikuq kang. Kiimaq ümniiraq achong chong ngi raq miklo kang. Mangchan laüta kira. Laüta arnok ara ngi miitu sonlaq.”

WEAWEA 23:13

Kiijiishe Balak raq Balaam ma nguto, “Wara ngi rai hiq ba bashi niishe. Kriiba miika Israilnok ka wiijam li she michhi haü. Kriiba maq tsangshiq ka ngi miitu sonlaq.”

WEAWEA 23:27

Kiijiishe Balak raq nguto, “Ikhla ngi rai wara. Ngi raq ümniika hiq bahin niishe shea wan pha. Jursap tsangshiq ka ümniima Shiikeawe raq kriiba maq ngi miitu mitiison wa riila.”

WEAWEA 24:9

Armung ka hangsi kaü honghea ikha; Ümtiikiiwa apaiq akon sea bumtlaq, Jurmin tiisamki kham mak. Jurwa Israilnok ma ram ram kuqtlaq, Kriiti ma achu shiiman miraq, Kiimaq jurwa Israilnok ma manson tlaq, Kriiti raq manson milap.”

Acts 16:16

Ranaiq shi naishiq ka kra achu jaü chang ba kiina akai rai riikai. Kra akhing bala abi winji raq arom wan dise jechakse ashi ka, naishiq rai lam maq riihumto. Apaiq ka thawe shammi langliiti. Langlii raüta rawii shiqwii ji na jamlai phan mrong mra pin wan chang wa sitlaq, kra tiithaimai chongphan kewanti nyung riito. Apaiq raq kiikha lang liikuq raüta, atijong wetiim ma shammi jaq maq kampho pahea lapkuq wanto.

TRI CHONGKE 23:4

Jamkhano ngukla tsangshiq raq ümniika Ejip mung wa laü wan laü akhing na, tsangshiq raq lam maq ümniima lamsea kuq mak dea kiimaq khu akham min kuq nyang mak dea riito. Kiimaq tsangshiq raq Beor se Balaam ka Pethor chela Mesapotamia mung na sitiwe kra üm khuthaq na manson miitu shiipto.

JOSHUA 24:9

Kriimiishe, Mob mung hokhamwe Balak, Jippor se raq raq namshiq ka khatto. Apaiq raq Beor se Balaam ma bom tiichongkito. Kiimaq apaiq ma namshiq khuthaq na manson laq nguta chongto.

1 SAMUEL 17:43

Krai mren, apaiq raq Dawit ma nguto, “Riita, kra pekiise ka jamlai riimiiwa sham tlaü? Ümniinga ngi ka kukukaü ngutiisha tiima tlaü?” Krai mren, apaiq raq shomnoq tlaq phrakaü mang chong raüta Dawit ma manson kiqsü she riito.