WEAWEA 22:12 - ASII LAKDAP Bible (BSI)

¹² Kiijiishe Shiikeawe raq Balaam ma nguto, “Ümniika arwetiim rai naqki damkiq. Kiimaq Israilnok ma man naq sonkiq. Jamkhano ngukla tsangshiq ka Ngi raq ashiimanke wishe.”

Hawa Naga Bible 2001

¹² Tishox rueq Balam muex ngoc, “Mnoz kuex kvruex hez rulc vdvmz nuex kay naungc mvy muq, Israel miqsaz kuex ngvy ruimrix kejux lvp wvnc jix miq ningkhvnc nuex tsuingshiq kuex httonc tvmc mvy muq,” ngoz tueq jungx tueq.

WEAWEA 22:12 Referencias Cruzadas

RAPHA HIQWA LAK 12:2

Ngi raq ümniima ümsaü ümsetiim ka pahea mikuq kang. Kiimaq tsangshiq ka maiq mung jonghea ashi miishe mija wan. Ngi raq ümniika mishman kuqha. Lata ümmang ka jonghea ratsa ikha mitiijongha. Krai mren ümniika shiiman kaü ashi ma mija wan haü.

2 KAÜWA WERAÜ 31:10

Kiimaq Ramwe Ajong Pinthumwe Ajaria, apaiq ka Jadok saüse phan raq apaiq ma akha nguto, “Mung maiqse raq Shomjam na tsangshiq kongphiq thun ka kuq wan li miiphat, aphaq sea chang ka chamtraq she, kiimaq aphaq sea jai min achan ana she tiichongtlo. Nashiq ma atinkhan lapkap tiikai arka Tatiwe raq asenginok kra shiimanke kha maq phaqsiq tiikai.”

Tvtsvmc 144:15

Peohea ümra mung niiwa akha sitlaq; junok Shiikeawe wa Tatiwe kriiti ma peohea!

Tvtsvmc 146:5

Jurwa Jakob Shiikeawe ka apaiq khrumti ma thütlaq kriiti ma peohea kiimaq juwa apaiq Tatiwe ma tlamtlaq,

ISAIA 61:9

Tsangshiq ka maiq mung thun na ajong pinthum miraq; Tsangshiq sham chhiti loweatek raq Tsangshiq ka Ngi raq ashiiman kuqhanok nguta misap wan.”

Mikha 6:5

Isenginok lei, tiitsang rong laq, Mob hokham Balak raq phaqchi toq raüta, Beor se Balaam ma namshiq tiison dan taq, kra tiima ronglaq. Kiimaq lamjap piitiip Akasia nai, Gilgal liipan na, mra ümchuwa pin wantaq kra tiima ronglaq. Hanla ngi riidea namshiq tiichhii wanto nguta misap han.”

WEAWEA 22:11

Ejip mung wa awa maiq phong raq Mob mung ka tlotli nyam wanto nguta tiichong wa tiiwato. Apaiq ngi nang nga tsangshiq ka sonlaq, apaiq raq tsangshiq ka khat raüta tang ma kiimaq tsangshiq ka jobaiq ma nguwa.”

WEAWEA 22:13

Kriimaq napjai na Balaam ka Balak kiimwebi phana kito raüta nguto, “Namshiq ka jam niili jangho ronglaq. Tatiwe raq ngi ka namshiq rai tiikidam mak tiiwinhoto.”

WEAWEA 22:6

Tsangshiq ka naishiq thaq na achan pahea. Kra ningkhan, mangchan laüta ümniika ana kira. Laüta tsangshiq khuthaq na ngi miitu man sonlaq. Jursap kra nguraü ka naishiq raq tsangshiq ka khat laita mitanghai min lo riila. Laita tsangshiq ka naimung wa mijobaiq lot hai minlo riijiiq. Ngi raq asapha, ümtiikiiwa ümniiraq maiq ma ramram kuq tlaü, raüla maiq raq achu shiiman laptlo. Kiimaq ümtiikiiwa ümniiraq maiq ka ason riitlaü, haüla kriiti ma manson tiini kitlo.”

WEAWEA 23:23

Mintin riimin, awuq raü min, Israil mung thaq na tailot mak. Ümchaü maiqse raq Israilnok miitu akha mingu, ‘Liironglaq Shiikeawe raq jamlai wa shamtaq kra!’

WEAWEA 23:3

Raütiishe Balaam raq Balak ma nguto, “Ümniika ara chaqtlii-honglu ümniiraq kuqlaü arjiili chapli laq. Tatiwe ka ngi rai mirhumki sha riihumki mak wa, inii kiina walata liiwapha. Apaiq raq ngi ma jamlai wa tiichhi kuq jiiq kra ümniima michong kang.” Krai mren apaiq laqlaqse hiqlam ashi kriithaq kiina wawanto.

WEAWEA 23:8

Ngi raq jamkho mison Shiikeawe raq son mak wa, Riimakla chongthum she nguta jamkho mingu Tatiwe raq ngohü maq?

WEAWEA 24:9

Armung ka hangsi kaü honghea ikha; Ümtiikiiwa apaiq akon sea bumtlaq, Jurmin tiisamki kham mak. Jurwa Israilnok ma ram ram kuqtlaq, Kriiti ma achu shiiman miraq, Kiimaq jurwa Israilnok ma manson tlaq, Kriiti raq manson milap.”

Matthew 27:19

Pilat ka Rung na khapho ngashat liipan na, tsang-nyung raq apaiq ma bom poshi, “Apaiq ka chiisan maiqse. Jam shutmak we. Ümniika kiq naq shut kiq liijo. Apaiq ara tingkhu na ngi ümwa rawa minru rawa ma maq pinthum chamchao kang,” nguta bom ka tiichong kito.

Romans 11:29

Shiikeawe raq apaiq kongphiq ka ju rii ngutiiwa thiiq wantaq, kriika maiq ahinti miika kuq mak she. Apaiq raq ju wa tsea tsiiq wantaq kiimaq ju ma achu shiiman kewan chang ngutiiwa, thapthi wantaq, kra bom kha ka diibaiq wan mak she. Ju ma kewan chang wa kriika, mikuq wan dongdii she.

Ephesians 1:3

Riita, ümchaü sanha, nashiq wiitarü raq, Shiikeawe, Tati Jesuq Khristo ma Awejong Shiikeawe ma, kechu tum rong i! Ara jamkhano chongtiikang ngukla, nashiq ka Jesuq Khristo rai pumshi hanshi she tiipum wan kai krai mren, Shiikeawe apaiq raq, nashiq ma ramungtan na ümchuwa achu shiiman sitlaq kra, wiita kuqto she.

TRI CHONGKE 2:7

“Namshiq raq ümchuwa jaqsham wan lan kra Tatiwe namshiq Shiikeawe raq shiiman kuqtaq ira tsan na tiitsang ronglaq. Apaiq raq namshiq ka ara kumtsaiphii bintang jüngi jonghea mung maq laü wan lan akhing phanrap na pinthum shiikum pan kuq wanto. Apaiq ka ara rawii roqblai tingkhit namshiq rai nong nong maq wadamto. Kiimaq namshiq ma jamlai phan wa rongraa wantaq kra apaiq raq thumli kun kun kuqto.

TRI CHONGKE 23:5

Shatmaq Tatiwe üm Shiikeawe raq Balaam bom ka tremak riito. Kra rii na Shiikeawe raq Balaam manson ka ram ram ke ma tiija baiqto. Jamkhano ngukla apaiq raq ümniika lungwiitlo.

TRI CHONGKE 28:6

“Tatiwe raq ümjaq ümchuwa shamtlaü kra achu mishmankuq.

TRI CHONGKE 33:29

Israil lei, ümniika kopan jonghea! ümnaq akha maiq jumin ahü, Tatiwe raq atiichhii wan mung ashi. Tatiwe apaiq kli ümliiq kiimaq üm nepja, ümnaq tiiwongketi kiimaq ümniima rekhat tiitangketi. Ümjaqtinok ka tiihang kuqlaq nguta ümman na mitiipaiqnea, kiimaq ümniiraq tsangshiq ka hok maq nishishi mirhaü.

TRI CHONGKE 7:14

Namshiq ma achu shiiman kuqtlaq atinkhan chiithe ka mangjong hiq raikhü na maiq mung ahin ka jumin ahü miraq. Namshiq phong wa maiq ka jumin sehü ka riimak miraq. Kiimaq namshiq nyamsekong wiimin sehü ka riimak miraq.