WEAWEA 22:1 - ASII LAKDAP Bible (BSI)

¹ Israilnok ka laü wanto. Raüta tsangshiq lamjap piitiip ka Mob mung hiq thung tan na, Jordan rai maq shedong nü na kiimaq Jeriko chela maq khariire na teito.

Hawa Naga Bible 2001

¹ Israel miqsaz kuex kaz wvnc yek vtueq Yerikho ghaq ralc, Yodan ruilx maq shaldungc kox nuex httax yaq Moba tvnx nuex jerak tec tueq.

WEAWEA 22:1 Referencias Cruzadas

JEREMIA 40:11

Kiimahali kra liipan bala siili, Israilnok Mob mung na, Ammon mung na, Edom mung na, kiimaq maiq mung ahin pahea na apin jin rai thun tlotli raq, Bebilon mung hokhamwe raq Israilnok aso atiichongki mungmaiqse thun ka, Juda mung na tiisi nongtlo nguta tsütsa ka taito. Kiimaq apaiq raq Gadalia ka tsangshiq thaq na wanghuptiwe ma shongto nguta tsütsa ka taito.

WEAWEA 21:20

Kiimaq Bamoth hiq maq Mob mung hiq rai hiq thung tan niishe wawanto. Arka Pisga Pumji na. Armaq bintang jüngi kumtsaiphii wang ka khariire na ra shii ra liithü raüta wa wanto.

WEAWEA 26:3

Kiimaq Mosheq nai Eleajar raq aming ka langto. Raüta kra tsangshiq rawii rai chongtaq kriithun ka adam na triitam heato. Raüta tsangshiq ka ngong thun Mob mung na Jordan Rai maq reko nü hiq thung tan na Jeriko chela maq khariire na thungto. Ejip mung wa alaü wan Israilnok mungmaiqse ka achu riito:

WEAWEA 31:12

Raüta Mosheq nai Eleajar kiimaq Israilnok mungmaiqse khaki na tsuq wanto. Tsangshiq ka Mob mung hiqthung tan na Jeriko chela maq khariire na Jordan rai reko na tsangshiq piitiip na riito.

WEAWEA 32:19

Naishiq raq Jordan rai maq kiinü reko mung kiiwa naishiq rii tachong hiqshong ka jaü mai. Jamkhano ngukla naishiq rii hiqshong tachong hupsam ka ara Jordan rai maq shedong nü wang wa lap kai she.”

WEAWEA 34:15

Kriika Jordan rai maq shedong nü wang na, Jeriko chela maq khariire na chum kuqto.”

WEAWEA 35:1

Mob mung hiq thung tan maq Jordan rai reko Jeriko maq Tatiwe raq Mosheq ma nguto,

WEAWEA 36:13

Ara thungtri raütu thun kiimaq thung nai lai thun arka Tatiwe raq Mosheq lümaq Mob mung hiq thung tan maq Jordan rai reko Jeriko maq Israilnok ma kuqto.

TRI CHONGKE 1:5

Ara Mosheq raq Shiikeawe tri raütu nai phanrap thungtri bomtsi Israilnok ma traho kuqtaq akhing na, tsangshiq ka Jordan rai maq shedong nü wang na Mob mung na siji na riito. Apaiq raq nguto,

TRI CHONGKE 3:8

“Kra akhing na nashiq raq kra Ammoraiq phan hokham wenai jaq wa hiqshong thun ka Jordan Rai maq shedong nü wang thun kra Arnon Rai maq pha wan laita Harmon Pum na saüli lap wankai.

TRI CHONGKE 34:1

Mosheq ka Mob mung hiq thungtan maq Nebo Pum na düwanto. Raüta Pisga Pum khuthaq na düwato. Kriika Jeriko chela maq shedong nü na riito. Kiimaq Tatiwe raq apaiq ma Kanan mung tlotli ka tiichhi kuqto: Gilead wang hamli maq riita shekhu nü na Dan chela na saüli tiichhi kuqto.

TRI CHONGKE 34:8

Israilnok raq apaiq maajo ka kra Mob mung hiq thungtan maq raroqtsam joto.

JOSHUA 3:16

Jordan rai kham kai ka atsaq she riikito. Kra khamkok tiihap kitaq hiq ba ka raikhu nünü na alu wi maq tiihap kito. Kriiba ka Adam chela tho na riito. Adam chela ka Jarethan hiqshong tho na riito. Jordan rai kok ka Amaa Khamjong Chum kiina kiho tlo. Kra jükok kra trütha phiisü ma tiija tlii jükhü maq hapbaiqto. Krai mren, Israilnok raq Jordan rai ka Jeriko chela re tho maq jin wanto.