WEAWEA 21:9 - ASII LAKDAP Bible (BSI)

⁹ Krai mren, Mosheq raq miiki ngam maq paü sumla ashi tiiqto. Raüta kra paü sumla ka lükii na tsomto. Kiimaq juwa paü raq thaütlaq kriiti raq kra paü sumla kra liitlo. Raüta atsi ka heakitlo.

Hawa Naga Bible 2001

⁹ Kvkhoc rvtueq Moshe rueq nvyrvyx maq puiuc yac yuimx tvhungx vtueq htungkhux nuex tsomz taq tueq, puiuc rueq kuiuz rvhumc jix miq rueq puiuc yac yuimx kuex lawc ruiux yuq hvlx kaz yaq.

WEAWEA 21:9 Referencias Cruzadas

2 HOKHVMX 18:4

Apaiq raq thatsang maiqse raq sumla phra thun shomnoq chang hiqba thun ka wiita runbaiqto. Longkaü kham thun ka tiibun baiqto. Raüta jechak phra Ashera sumla thun kra tiibun baiqto. Kiimaq apaiq riika Mosheq raq paü sumla miiki ngam maq alo Nehushtan ngutlaq kriimin wiita tiibun baiqto. Kra akhing na saüli Israilnok raq kra sumla ka shreng raüta homseng honglu wa na chaq wanto.

ISAIA 45:22

“Ngi phana warong ra ümchaü, lantea tiichhiiphaqtlo rong laq, mangjong maiqse tlotli raq! Ngi arlishe Shiikeawe ka.

JEKERIA 12:10

“Ngi raq Dawit saüse phan nai Jerusalem na siti tsan nai mongjii na maiq rai riimang riichan maq siwan tsantsii miraü kuqha. Kiimaq achu jaü wenyi mithiikuqha. Tsangshiq raq shuk raüta tsatbaiqtiiwe theaphi niishe milii. Raüta tsangshiq ka tsangse sekhuq laqlaq se tsaiki raüjaq hoqjü tlaq ikha mihoqsii trang. Tsangshiq ka tsangse chhikhuwe tsaiki raüjaq jonjü tlaq ikha mijonjü.

John 1:29

Kiimaq napjai ranaiq niishe, Johan raq Jesuq ka apaiq phanü na awarai she chhito. Kra chhi raüta, Johan raq nanok ma chongto, “Liirong laq arhata, mangjong maiqse ngarai howanti Shiikeawe Skuse!

John 12:32

Ümtiikiiwa ngi ka ra na tsom wan jiiq, kiitiikaq ngi raq wiitarü ka ngi phana mitriitam wan ha.”

John 6:40

Riita, i We riika, maiqse angu ümchuro, ngi Ase rai sham riichhi tlaq, raüta, ngi ma kamwantlaqti thun maiqse tlotli raq, pattup pat-sa rilung kra milap wan laq nguta thapthitlo. Krai mren, ngi raq tsangshiq ka phangthum ranaiq na amaa wa mitiidong kuq wan ha.”

Romans 1:17

Jamkhano Tsütsa Ahea na ningkun asi ngukla, Tsütsa Ahea na ngarai maiqse ka, Asii Shiikeawe raq apaiq rai wehea ma jamkho shram wan tlaq, kra lamphan ka tiichhi kuq tlo. Ara Shiikeawe rai wehea shram wan tlaq arka, apha maq riita atiisup na saüli, maiqse raq Shiikeawe ma kamtsantsii thü tlaq, hiqkhu phi kra miili dü wan chang nguta chong tlo. Arka asii bomtsi na chongtlaq, kra phan phan hongtlo. Asii bomtsi na akha chongtlo, “Jurwa Shiikeawe ma kam tlaq, kriiti ka Shiikeawe raq apaiq rai wehea miishe tiija wantlo. Raüta kamtsantsii lümaq atra misi wan.”

Romans 8:3

Maiqse han-ngam ningkun ajom kha maq, Thungtri raq jamlai wa klo wan lot mak dea riitaq, kriika Shiikeawe riishe klo kuq wanto. Apaiq raq ngarai sitlaq kra, Ase shaq ka maiqse ngarai han-ngam ikha khum ashi na, tiipoki raüta, ngarai ka maiqse han-ngam wa, Ase tiikitaq kra lümiishe shra baiqto. Kiimaq, ngarai kharü ka chumbaiq wanto she.

2 Corinthians 5:21

Khristo raq ngarai ka tangmak dea. Shatmaq Shiikeawe raq nashiq miitu, apaiq ka ngarai kaq ma tiija wanto. Kriikha maq, ümchaü nashiq ka, Khristo puk na nyap wankai krai mren, nashiq ka Shiikeawe raq kechu maiqsetiim miishe tiija wanto.

Hebrews 12:2

Nashiq maklii ka, Jesuq theaphi na tiitsi rong i. Apaiq ka nashiq ara kamtsantsii rilung lam na shea wanti. Kiimaq apaiq riili, nashiq kamtsantsii rilung ara, atiisup na saüli awongsii ma mitiija wan lot. Apaiq ka pumsongkham na tsai ma hai raüta nashiq tiichhii wan jaqsham ka thaq baiq mak dea riito! Shatmaq, apaiq ka akhiismin tiime mak riito. Jamkhano ngukla, apaiq raq chochi jonghea lap wan chang asi nguta asap. Kriikha maq, apaiq raq pumsongkham na, maiqjea asi tsai wan kriika, akhiismin tiima wan mak riito. Krai mren, ümchaü sanha, apaiq ka Shiikeawe hokham ngacho maq jaqtsi nü na ngatlo.

1 John 3:8

Jurwa ngarai tang ruq miili sitlaq, kriiti ka Thawe rii. Ara jamkhano chongtiikang ngukla Thawe ka apha miiphü dongdii ngarai tangti we. Shiikeawe Se saükitaq arka, ara chongtiikai Thawe raq ngarai jaqsham miitu mintin ningkun tu rüm tlaq, kra arang chong maq babaiq kai kito.