WEAWEA 21:4 - ASII LAKDAP Bible (BSI)

⁴ Israilnok ka Hor Pum maq tiido wan raüta, Akaba Khamjong Nong chum lam nü niishe wawanto. Kriika Edom mung kra shüp wan wawanto. Shatmaq mungmaiqse raq lam na alaü wan lam maq athenge atsutsa she riiwanto.

Hawa Naga Bible 2001

⁴ Israel miqsaz kuex Hor Kanx maq kaz wvnc vtueq Edom mungx kuex koayc lvy tvkoc Yuix Shawx Jumx nuex kay juing lvmx kvruex phvnc kaz wvnc tueq. Yuq muinz tsuingshiq kuex lvmx yvmc maq dvyx hungc vlaungc nulx wvnc wuez vtueq,

WEAWEA 21:4 Referencias Cruzadas

2 HOKHVMX 3:8

Riita ümriilam maq kilaita khatkai chang wa miraq?” nguta tiichong wanto. “Nashiq ka lam alu nü Edom mung wa kumtsaiphii tan lam kiimaq miki rong i,” nguta Joram raq treto.

DUNGWVNC 6:9

Mosheq raq arthun ara Israilnok ma chongkuqto. Shatmaq tsangshiq raq apaiq bom ka tai mak riito. Jamkhano ngukla tsangshiq tsaiji ka riitsi tsai tsiiq dikong rilung tiichamchaotlaq kra ningkhan ajomkaikun she riito.

WEAWEA 14:25

Ümchaü kra hiq thung tan thun na Amalakaiqnok kiimaq Kanannok shongtlaq kriijaq tsangshiq ka mishong wan. Namshiq ka anap jai na jangho ronglaq. Lanta rumnyangkhi mung na Akaba khamjong chum nong wang nü nü kiina laüho ronglaq.”

WEAWEA 20:27

Tatiwe raq aming kuqtaq kra phan phan Mosheq raq jaq ka shamto. Tsangshiq ka mungmaiqse makki na Hor pum na wawanto.

WEAWEA 32:7

Namshiq raq Israilnok mungmaiqse ka Tatiwe raq tsangshiq ma akuq mung kiina Jordan rai reko na wawan wa tsangshiq tsaiji ka jaram tran wa dan tlan?

WEAWEA 32:9

Tsangshiq ka Eshkol Hiq Thung Tan wang na saüli wato. Raüta mung ka silii wato. Shatmaq ümtiikiiwa tsangshiq ka janghotaq, tsangshiq raq mungmaiqse ka Tatiwe raq tsangshiq ma akuq mung kiijaq wawan chang wa, tsangshiq raq mungmaiqse tsaiji ka atran riito.

WEAWEA 33:41

Hor Pum maq riita Mob mung tan thun na saüli Israilnok raq tsangshiq piitiip ka arjaq chongtlaq maiq hiq thun na tei wanto: Jalmona hiq na, Punon hiq na, Oboth hiq na, Mob mung hiq rai na Abarim chela hiqmiq changkhü na, Dibon Gad hiq na, Almon Diblathaim hiq na, Nebo Pum tho na Abarim Pum thun na, kiimaq Mob mung hiq thung tan wang Jordan raire na Jeriko chela maq khariire na, Beth Jeshimoth hiq nai Akasia hiq thung tan binjü hea wea na tsangshiq piitiip ka tei wanto.

Acts 14:22

Tsangshiq raq phungmaiqsetiim ma tsangshiq kamasham rang ka samhea apha maq tiicham wan miitu bom she chongkuq wanto. Kiimaq Jesuq ma kamwan tsantsii ka pharangrang maq rüm ronglaq nguta tsaido jido bom akha tsii chongkuqto. “Nashiq ka chamchao litkot walü pahea lea wan laitiitiq Shiikeawe mungtan na saü wan chang,” nguta trahokuqto.

TRI CHONGKE 1:40

Shatmaq ümchaü namshiq thun ka jai nü na atro na jangho ronglaq. Lanta kumtsaiphii mung kiina hali jangho nong ronglaq. Lanta Agaba khamjong chum nong mung wang nü nü lam kra miishe laüho ronglaq.’

TRI CHONGKE 2:1

Nashiq ka atiisup na sanha jai nü na jangho laita kumtsaiphii mung kiina she hali laüho nongkai. Laita Tatiwe raq aming kuqtaq kra phan phan Agaba khamjong chum nong mung nü niishe laü wan kai. Laita nashiqnok ka rahiq luhea ku akin tonglong Edom mung na miishmii laüsiq wankai.

PHOWEBI 11:18

Kra ningkhan she Israilnok ka kumtsaiphii mung lam kra phanphan she laü wanto. Raüta Edom mung nai Mob mung kra ashüp riiwan raüta, lamtiikon lam miishe wawanto. Raüta Mob mung maq shedong nünü wang binjü lam miishe laü wanto. Raüta Arnon Rai maq konü jüreko lam nünü kiiniishe laü wanto. Raüta tsangshiq raq kiijaq piitiip tei wanto. Shatmaq tsangshiq raq Arnon Rai ka jin mak dea riito. Jamkhano ngukla kriika Mob mung hiqrai binjü ba riito.