WEAWEA 21:34 - ASII LAKDAP Bible (BSI)

³⁴ Kiijiishe Tatiwe raq Mosheq ma nguto, “Apaiq ma naq haikiq. Ngi raq ümniima apaiq ka, asenginok tlotli, kiimaq apaiq mungtan kra wiita mitiitang kang. Ümniiraq Sihon hokhamwe Heshbon chela pengtiwe ka jamkho riilaü, ikha apaiq kiimin kiikhiisii tiibiilaq.”

Hawa Naga Bible 2001

³⁴ Yehowa rueq Moshe muex ngoc, “Piq muex nauk hiz kaz. Piq maq raz tueq mungx miqsaz htenc kvmuinz, piq mungtan kvmuinz m-yauk nuex ngaz rueq lekuq phaungx. Mnoz rueq Heshbon nuex httax tueq Amori hokhvmx waz Sihon khvt toq kvkhoc piq kvmuinz khvt shuiuz,” ngoz tueq jungx tueq.

WEAWEA 21:34 Referencias Cruzadas

2 SAMUEL 5:19

Kiijiishe Dawit raq Tatiwe ma akha waito, “Ngi raq Philistainnok ka mikhatkiha shea? Ümniiraq tsangshiq ka ngi ma mitiitangkuq haü shea?” “Kilaq ahea! Laüta khatkikiq,” nguta Tatiwe raq treto. “Ngi raq ümniima tsangshiq ka mitiitang kuq kang!”

1 HOKHVMX 20:13

Kra bala liipan niili shammiwe ashi ka Hokhamwe Ahab phana wato. Raüta akha nguto, “Tatiwe raq ngutlo, ‘Ümniika ka rekong phenlabi pahea hiq ma ra ma kra chhilaüta naqhaikiq! Ngi raq ümchaü ranaiq arthun ara ümniima mitiitangkuq kang. Krai mren ümniiraq Ngi ka Tatiwe dea nguta misap haü.’”

1 HOKHVMX 20:28

Shammiwe ashi ka Hokhamwe Ahab phana wato. Raüta akha nguto, “Tatiwe raq akha ngutlo: ‘Sirianok raq Ngi ka pum na siti phrakaü, hiq thung na siti phrakaü riimak. Arningkhan Ngi raq ümniima Sirianok phenlabi pahea ra ma hiq ma kra ümniima mitiitang kuqha. Krai mren ümniiraq nai ümsenginok raq Ngi ardea Tatiwe nguta misap han.’”

2 HOKHVMX 3:18

Kiimaq Elisha raq bom ka akha tiitsuq chongkuqto, “Shatmaq arthun arka Tatiwe raq jeriiqriiq heali mishamkuq. Apaiq raq namshiq ma Moabnok kiimin jeriiqriiq heali mitiikhatkuq. Raüta mitangkuq.

ISAIA 41:13

Ngi ka Tatiwe üm Shiikeawe; ngi raq üm ningkun shoqkuq tiikang, lata ümniima akha ngutiikang, ‘Naqhaikiq; ngi raq ümnaq mikhrumkang.’”

WEAWEA 14:9

Tatiwe kiq ka naq khii rongkiq. Kiimaq kra mung na siti maiqse miika naqhai rongkiq. Nashiq raq tsangshiq ka jeriiq riiqli khat laita mitang rong i. Tatiwe ka nashiq rai asi. Krai mren, tsangshiqnok phra kong tsangshiq tiikhup wongti thun ka apaiq raq khat raüta wiita tangto she. Kra ningkhan ahai ka naqhai rongkiq.”

TRI CHONGKE 2:30

“Shatmaq Sihon Hokhamwe raq nashiq ka apaiq mungtan lam maq tiiwa mak tangtahoto. Tatiwe namshiq Shiikeawe raq apaiq tsantsii ka atiitsin riibaiqto. Kiimaq khiilataq she sru wanto. Kriika nashiq raq apaiq ka khat laita tang wan miitu kiimaq amungtan kra jiiwan laita shong wan miitu riito. Nashiq ka ümchaü min kiijaq shongruq li sitiikai ahata.

TRI CHONGKE 20:3

‘Israilnok lei, tiitsang taironglaq! Ümchaü ranaiq namshiq ka rekhat kai kitlan. Namshiq jaqti renok ma naqhai rongkiq. Riimakla tsaiji naq tran rongkiq. Riimakla naq kiinyii rongkiq.

TRI CHONGKE 3:1

“Kra jai maq, nashiq ka shekhu nü na Bashan wang niishe laü wankai. Kiimaq Og Hokhamwe ka asengi sreabi thun kunli sheaho raüta nashiq khatkai Edrei chela tho niishe saükito.

TRI CHONGKE 3:11

(Hokhamwe Og ka Rephaim phan wa atiithum hokhamwe riito. Apaiq maa thü chang ka longtek kaü riito. Kriika alu nü na mitar blai kiimaq ajong nü na mitar nai riito. Arka kriipat na langtlaq shinchang maq chongtlo. Kriika ümchaü min Ammoraiqnok hiq Rabba chela na sishat li.)

TRI CHONGKE 31:6

Namshiq ka jaq khon tiipha tiipha lanta sironglaq. Kiimaq kamto maq sironglaq. Tsangshiq ma akhiismin naqhai rongkiq. Nam Shiikeawe, Tatiwe ka apaiq pumsii maq namshiq rai nongshnong miraq. Apaiq raq namshiq ka tiishaü mak miraq. Kiimaq miimbaiq mak miraq.”

TRI CHONGKE 7:17

“‘Namshiq liipan na arnok arka maiq pahea. Namshiq raq tsangshiq ka jobaiq wan lot mai ngutiika naq tiingo rongkiq.

TRI CHONGKE 7:18

Tsangshiq ma naqhai rongkiq. Namtsan na wranaiqshe tiitsang shat ronglaq kiimaq ümtiikiimin naqlaq rongkiq, Tatiwe namshiq Shiikeawe raq Ejip mung hokhamwe nai asenginok ka jamkho riitaq ira.

TRI CHONGKE 7:21

Kra ningkhan arnok miitu namshiq naqhai rongkiq. Tatiwe namshiq Shiikeawe ka namshiq rai. Apaiq ka ajong Shiikeawe kiimaq apaiq miika ahai chang akhek sitlo.

TRI CHONGKE 7:24

Apaiq raq tsangshiqnok hokhambi ka namshiq jaqkhon mong na mikuq baiq. Namshiq raq tsangshiq ka mijiip baiq han. Kiimaq tsangshiq ka maiq raq alaq she mirbaiq. Namshiq ka juwe riimin tangtalot mak miraq. Namshiq raq maiq ka wiita mijiipbaiq han.

JOSHUA 10:25

Kiijiishe Joshua raq asengi siihiipbi ma akha nguto, “Namshiq ka akhiisiimin naqhai rongkiq. Ningkun tiijom maimak. Ningkun shoqwiishoq ronglaq. Kiimaq srea nola jaronglaq. Jamkhano ngukla, Tatiwe raq, namshiq jaqtibi thun ka wiita akhiisii mikhat kuq.”

JOSHUA 10:8

Kiitiikaq Tatiwe raq Joshua ma akha nguto, “Ümniika tsangshiq ma akhiisiimin naqhaikiq. Ngi raq rekhat ka ümniima atiitangke wishe. Weshi ra min ümman na chap wanlot miraq.”

JOSHUA 8:7

Kiijiishetiq, namshiq ka bom mong kiiwa dong rang lantiishe, chela ka long ronglaq. Lanta chela ka jii ronglaq. Tatiwe namshiq Shiikeawe raq chela ka namshiq ma mikuq.

PHOWEBI 11:30

Jephtha raq Tatiwe ma bom akha khamkuqto: “Ümniiraq ngi ma Ammonnok ka tiitangkuq haüla,

1 SAMUEL 23:4

Kriikha Dawit raq thongshi ri hali Tatiwe ma wainongto. Kiimaq Tatiwe riimin apaiq ma, “Kilaq. Laüta Kaila ka khatki kiq. Jamkhano ngukla ngi raq ümniima Philistainnok ka miitiitang kuqkang.”