WEAWEA 21:18 - ASII LAKDAP Bible (BSI)

¹⁸ Hokham setiim raq athu khappong thun lei, kiimaq mungtubi raq athu thun, mungpeng chang hokham chongwai kii maq athu, kiimaq hokhambi raq nyeakii maq athu.” Tsangshiq ka bintang jüngi wang kriimaq Mattana hiq na laü wanto.

Hawa Naga Bible 2001

¹⁸ Yuix tumz kvruex hokhvmx sahez nuiyc mungx miqsaz walaungx bix rueq htuz tueq, Hokhvmx jowvyx nuiyc ngvlhtulc htenc maq Htoay mvy yaq.” Tsuingshiq kuex kvruex yaruix tvnx kvmaq Mattana nuex,

WEAWEA 21:18 Referencias Cruzadas

NEHEMIA 3:1

Riita, ara chongtiikai chela tro wa ruk thun kra, akha tiihea hai wankai. Ramwe ajong pinthumwe Eliashib nai apaiq kongtitiim riika, Sku Kilam ba kra tiiheato. Raüta kriiba ka Shiikeawe ma kiinong kuqto. Raüta kilü thun ka aheawiq she tiihongto. Tsangshiq raq khetuk long ruk Sku Kilam Chong maq phaho raüta, Shishi Longkham Tiipse nai Hananel Longkham Tiipse ba na saüli tiihea haito. Ruk kra tiihea hai lot jai she, tsangshiq raq kriiba long ruk ka achu jaü raüta Shiikeawe ma kiinong kuqto.

NEHEMIA 3:5

Kiimahali, Tekoa chela na siti nokmaiqse riika, Jadok raq haitaq kra jaqtho maq tiichap wan raüta, long khetuk kra tiihea haito. Shatmaq tiina, kra chela na siti tsangshiq welabi riika, tsangshiq rii jaqsham apheakuq kra, tsangshiq jaq miika shamki mai nguta jaqsham liiketi ashun asheatibi bom ka taimak akhü riito.

ISAIA 33:22

Kra mokkiitu thun thaq na shongtlaq khea chan chang raütu phong chantlaq kriika atuli she miraq. Khea rahai ma tiithu raüta mokkatu tiikhum chang kriimin chanlot mak she miraq! Nashiq raq renok mokkiitu wa tsiiq tum thun ka tlotli milap wan rong i. Kra sepat lopi tsiiq ka pahea kha maq aküwe rii saqseng min asi. Tatiwe apaiq kli she na mung na hokham miraq. Apaiq raq nashiq mipeng wan. Kiimaq nashiq ka mitiiwong kuq wan.

WEAWEA 21:17

Kra akhing na Israilnok raq ara shingeto: “Khappong thun lei, namshiq kham ka tiidong ronglaq. Kra riihanla naishiq raq namshiq ka ashi ange mitao wankai.

WEAWEA 21:19

Kiimaq tsangshiq ka Nahaliel hiq niishe laü wanto. Kiimaq Nahaliel hiq maq Bamoth niishe laü wanto.

John 1:17

Shiikeawe raq Thungtri ka Mosheq lümaq kuqto. Shatmaq, kaphap mangchan nai tengteng rilung ka, Jesuq Khristo lumiitiq kuqtlo.

TRI CHONGKE 33:4

Nashiq ma Mosheq raq akuq thungtri raütu kra langtiikai, arka namung ma tsiiq chong nyamchong rahea pinthum.

TRI CHONGKE 5:31

Shatmaq, Mosheq lei, ümniika, arjaq Ngi rai li si liishaq. Kiimaq Ngi raq ümniima Ngi thungtri raütu thun nai aming raütu thun ka wiita ümniima mikuq kang. Arthun ka mungmaiqse ma shrin kuqlaq. Krai mren Ngi raq tsangshiq ma hiqshong kuq tiikang kiijaq tsangshiq raq arthun aming ara lang raüta misilaq.’

James 4:12

Shiikeawe kli Thungtri keti we kiimaq phowe. Apaiq kli maiqse rilung tiichhiiketi we kiimaq maiqse miisaq tiithum baiqti we. Arkha maq, ümniiraq ümphuno we ka ajiq alam nguta chechiip lot maü.