WEAWEA 20:8 - ASII LAKDAP Bible (BSI)

⁸ “Tongshong Tek kaü khaki na nyeakii tiithütlaq kra lam laq. Laüta ümnaq nai Aron raq mungmaiqse kunli ka adam na tiithung ronglaq. Kiijaq mungmaiqse tlotli makki na iniikiijaq longraq kaü jonghea kriima bomlaq. Raüla, kiiwa kham ka aphok alok miphok. Akha kra longraq kaü mong wa ümniiraq kham ka mitiidong haü. Raüta mungmaiqse nai tsangshiq jam nyamsekong raq minyang.”

Hawa Naga Bible 2001

⁸ “Bomkhvrc Jep khaungkac nuex httax yaq ngvlhtulc kuex lvmz shuiuz, raz tueq Arun nuimnueyc rueq Israel miqsaz htenc kuex rvtuimx tvkoc jungx shuiuz. Tsuingshiq khaungkac nuex httax yaq lung rauk kvwawc yuix dungc tvkoc nvr shuiuz. Tsuingshiq nuiyc tsuingshiq nyvmx saz htenc rueq nuingc juing yuix kuex lung rauk kvwawc dung tuex,” ngoz tueq jungx tueq.

WEAWEA 20:8 Referencias Cruzadas

RAPHA HIQWA LAK 18:14

Tatiwe raq lot mang chang phan ka asi shea? Ngi ngutiikang ara phan han, ümchaü armaq jipi lütiikaü silata Ngi ka ana mijangkiha. Kiimaq Sara raq ase maiqwe se ashi mihum.”

NEHEMIA 9:15

“Tsangshiq ramtsi na tsangshiq ma, ramungtan wa manna dung, tiidea kuq laü. Kiimaq tsangshiq khamnyang tsi na, longkaü wa kham, tiiphok kuq wan laü. Ümniiraq mikuq kang nguta kiq akham kuq haü, mungtan ashi kiimin, tsangshiq ma, ‘Siq wan rong liishe,’ nguta, chongkuq wan laü.

Tvtsvmc 105:41

Apaiq raq longkaü koqhok linto, raüta khamrai phokto, kumtsaiphii binjü na jürai ikha ashi tiisaüto.

Tvtsvmc 114:8

longraqkam wa khamrai tiidongtiwe kiimaq longraq khukin ka khamraisetiim ma tiijabaiqtiwe man na.

Tvtsvmc 33:9

Ümtiikiiwa apaiq kiq tiideataq, mangjong hiq ka dungto; apaiq aming maq phanrap dongto.

DUNGWVNC 14:16

Laüta ümnyeakii ka ra na dolaq. Kiimaq khamjong chum khuthaq kiina tiinyi laüta doshat maq shamlaq. Raüla khamjong chum ka mannai ma mitiipheaki. Kiimaq khamjong chum phii ka shinriiqriiq mishinki. Kra shinriiqriiq khamhü phii lam kriimaq Israilnok ka aheawiq miwa wan.

DUNGWVNC 17:9

Kiimaq Mosheq raq Joshua ma nguto, “Maiq wiijam ka tsea laq. Laüta Amalakaiqnok ka anap ranaiq khatkikiq. Ngi ka hiq lam thaq na michapha. Lata Shiikeawe raq chongtaq kra phan phan nyeakii kra sham lata ra na doshat maq michapha.”

DUNGWVNC 4:17

Ara nyeakii ara ümjaq na shamholaq. Ara nyeakii maq awang chang jaq pahea misham haü.”

DUNGWVNC 4:2

Kiijiishe Tatiwe raq apaiq ma waito, “Ümjaq niika jamlai wa shamtlaü?” “Nyeakii shamtiikang,” nguta apaiq raq treto.

DUNGWVNC 4:20

Krai mren Mosheq raq achak nai asetiim ka kumtoq raikhü na tiingato. Raüta tsangshiq rai Ejip mung na, Shiikeawe raq shamholaq nguta chongtaq nyeakii kra ajaq na shamraü kihoto.

DUNGWVNC 7:20

Kiijiishe Mosheq nai Aron raq tsangnai ma Tatiwe raq aming tattaq kra phan phan kloto. Hokhamwe makki na nai asenginok ajong alabi thun makki na, Aron raq anyeakii ka ra na doto. Raüta jürai wa kham ka riihot bukto. Kiimaq kiiwa kham tlotli ka wiita tiijai miishe jakito.

ISAIA 43:20

Rum ngamsekong raq dongdii min Ngi mishreng; miikakoi kong nai wuthon kong raq Ngi mitiitsam; Ngi raq kumtsaiphii binjü na jurai thun tiidong wan hajaq; Ngi raq atsea wanha isenginok ma tiinyang wan miitu.

ISAIA 48:21

Man na Tatiwe raq asenginok ka akewiq, shinriiqriiq kumtsaiphii lam maq tsuq wantaq akhing na, tsangshiq ka khamnyang tsi raq chamchao mak riito. Apaiq raq kham ka longraq wa tsangshiq miitu tiidongkuqto; apaiq raq longraq ka tiikholiiq tiikhobaiqto, raüta kiiwa kham ka tiidongto.

WEAWEA 20:11

Kra ngu raütiishe Mosheq raq anyeakii ka ra nü na do saq riito. Raüta kriimaq longraq na jangnai hot hot bukto. Kiimaq kham rai ashi ajongwiq kra longraq mong kiiwa phok saq li phok wanto. Kiimaq mungmaiqse kunli raq nai nyamsekong kunli raq kham ka nyangto.

WEAWEA 20:7

Kiijiishe Tatiwe raq Mosheq ma nguto,

WEAWEA 21:15

kiimaq hiq thung tan na sat hotlaq lam hong thun kra Ar chela na saüli kiimaq Mob mung hiq rai nü na saüli.”

WEAWEA 21:18

Hokham setiim raq athu khappong thun lei, kiimaq mungtubi raq athu thun, mungpeng chang hokham chongwai kii maq athu, kiimaq hokhambi raq nyeakii maq athu.” Tsangshiq ka bintang jüngi wang kriimaq Mattana hiq na laü wanto.

Matthew 21:21

Kiijiishe Jesuq raq treto, “Ngi raq chong tiikang arka tengteng. Namshiq raq rang ra man maq kamhan jiila, ngi raq phupmup chong ara jamkho tiitsai baiq kang, akhiisii hali namshiq riimin milot han. Ara lamlam li ka riimak. Namshiq riika arthaq niimin, ara hiqlam kaü arma, ‘Tiikoq wan laq. Laüta, sammoktra jü mong na tiingok wan laq’ nguta thaü han jiila, hiqlam kaü ka mikü wan.

Luke 11:13

Namshiq ka maiqbi ngikhi kong. Kra taü maq santla, namshiq raq namsetiim ma, ahea awa phan kene chang ka asap han. Ikhiijiika, ramungtan na siti Awejong jaq wa jaü tlaqti miika, Asii Wenyi ka ümtinkhan showo she wa kuq wan jiiq riila!”

John 16:24

Ümchaü niitaq, namshiq raq i mang na jamlai phan min jaü man shaqli. Jaürong laq, namshiq raq milap han. Krai mren, namshiq chochi kiimin, alüm alei she mima wan.

Acts 1:14

Tsangshiq ka akhing khing na adam na achu jaü, jechakre re rai kiimaq Jesuq ma anyung Meriq nai anotiim thun kra riito riitamtlo.

JOSHUA 6:20

Krai mren ramwebi raq lerong ka tsütrangto. Sreabi raq lerong tsüwa trang kra tai raüta, tiihong raüta gitrangto. Krai mren, chela tro ruk ka riidungtsok tham wanto. Kiijiishe Israilnok rewebi raq, lamha kra dürang raüta chela mong na khat wanto. Raüta chela ka jiiwanto.

JOSHUA 6:5

Kiijiishe, tsangshiq raq lerong ka adam na tiihong raüta dang alu maq tsü chang. Namshiq raq kra tairi, maiqwere tarü raq tiihong lanta gitrang ratlo. Kra raüla, chela tro wa ruk ka wiita mithamki. Kiijiishe nolabi kunli ka chela mong na phongtsok she khat wan chang.”

Revelation 22:1

Rase raq ngi ma atra rilung tsitsü khamrai kiimin tiichhikuqto. Kra khamrai ka longseng chhai rai tlaq ikha wüjangjang hea achhai anyii. Kiimaq kra khamrai dong chang kuk kriika, Shiikeawe nai Skuse hokham ngachang ngacho takiq na.

Revelation 22:17

Asii Wenyi nai junrii Nyung raq heatlo, “Kira!” Ara tsütsa ara taiti loweatek raq ngo raa tlo, “Kira!” Juwa khamnyangtsi, warong ra! Rilung tsitsü kongphiq kham ka, jurwa ro tlaqti raq, nyang ronglaq!