WEAWEA 2:2 - ASII LAKDAP Bible (BSI)

² Ümtiikiiwa Israilnok raq piitiip tei wantlaq akhing na, maiqmii phan alan khea chantlaq nai maiqmii ata alan tanglap shongtlaq wokhong na tei wan ratlo. Piitiip thun ka Tombutiip trotam na tei wan chang.

Hawa Naga Bible 2001

² Israel miqsaz rueq jerak tec ruiux yuq, miqmac nuex seng yaq gongx nganc dvmx nuiyc miqmac waruiuz nuex seng yaq nganc dvmx hep kvyuq tvhungx rax. Jerak kuex Tap tvroz nuex tvhungx rax.

WEAWEA 2:2 Referencias Cruzadas

Tvtsvmc 74:4

Ümjaqtinok raq üm Shomjam maq rekhat tang raüta gitrangto; tsangshiq raq tangkai she nguta tiichhi ma kiijaq tsangshiq tanglap thun shongto.

Tvtsvmc 76:11

Tatiwe üm Shiikeawe ma, jamlai mikuqha ngutiiwa kiqkham laü; kra kuqlaq; namshiq atro na siti maiq mung thun raq kongphiq thun howan lanta apaiq ma kuqwa rongkiq. Shiikeawe raq maiqse ka apaiq ma tiihaishat maq tiisitlo.

ISAIA 12:6

Jajon na siti wiitarü raq rütrang ronglaq, lantea shi ronglaq! Israilnok asii Shiikeawe ka jonghea, kiimaq apaiq ka asenginok rai sitlo.”

ISAIA 18:3

Taironglaq, mangjong hiq na siti maiqse angu wiita raq! Pumkaütiim thaq na miithii tanglap ashi she mishong wan! Tiitsang taishat maq rekhat ho ma aranphan paison lerong tsütlo she!

EJEKIEL 43:7

“Maiqse lei, Ngi hokham ngacho ka arjaq. Ngi ka arjaq Israilnok rai misiha. Lata tsangshiq ka pattup pat-sa miitu she mipeng wanha. Israilnok mungmaiqse raq kiimaq tsangshiq hokhambi raq jiimin, i mangchong asii arka ahin phra thun shomnoq raüta riimakla, tsang hokhambi maa thun ka lap raüta tiishe shi mak she miraq.

JEKERIA 9:16

Kra akhing saü wan raüla, Sku rümti raq skukong asea phong wa, tiichhiikuq tlaq ikha, Tatiwe raq asenginok mitiichhiikuq, raüta tsangshiq ka amung na hokham khuphok na, longseng liliim tlaq ikha michhai.

WEAWEA 1:50

Kra rii na Lewi phan maiq thun miika, Ngi asi Tombutiip nai kra mong na sitlaq hupsam thun kra shiililii jaqsham arang kra kuqlaq. Tsangshiq raq tiip nai kiijaq sitlaq hupsam thun kra mihopi wan. Raüta kra tiip mong wa jaqsham thun kra misham laq. Raüta tsangshiq tiip thun ka tombutiip tro na mitei wan laq.

WEAWEA 10:14

Kiimaq tsangshiq laü wantlaq akhingtek na apha na jamkho tiido pha wantaq kra phan phan laü wan lili riitlo. Juda phan lan khea chan wokhong na siti maiq phan thun ka awe raü ka akong akong maq, Juda phan ma lam tiishea raüta laü wantlo. Tsangshiq sheati tsangwe lawe Amminadab se Nashon wokhong maq watlo.

WEAWEA 10:18

Kra jai niishe, Reuben phan alan khea chan wokhong na siti awe raü thun ka, akong akong maq, Shedeur se Elijur raq shea raüta laü wan lili riitlo.

WEAWEA 10:22

Kra jai niishe, Ephraim phan alan khea chan wokhong na aweraü thun ka akong akong maq, Ammihud se welawe Elishama raq shea raüta laü wantlo.

WEAWEA 10:25

Atiisup niishe, ka Dan phan alan khea chan wokhong na siti aweraü thun ka akong akong maq, Ammishaddai se Ahiejar raq shea raüta, kongkhu na maiq phan ümchu kong wa wawantaq kra jai tiisup na nokwe hup rekheti kong kriishe watlo.

WEAWEA 2:1

Tatiwe raq Mosheq nai Aron ma akha tsii chongkuqto.

WEAWEA 2:10

Kiimaq shemai nü siim niika, Reuben phan alan khea chantlaq wokhong na siti weraü thun ka akong akong maq, maiqmiimii welabi wokhong na, tsangshiq piitiip thun ka akha mitei wan: Maiq phan aphan welawe maiqwea Reuben phan wa Shedeur se Elijur 46,500 Simeon phan wa Jurishaddai se Shelumiel 59,300 Gad phan wa Deuel se Eliasaph 45,650 Maiq tlotli ka 151,450 Alaü wan wawantlaq akhing na Reuben phan alan kheachan wokhong na siti ka kongnai ngoja na miwa.

WEAWEA 2:3

Tombutiip maq shedong nü siim niika, Juda phan alan khea chantlaq wokhong na siti weraü thun ka akong akong maq, maiqmiimii welabi wokhong na, tsangshiq piitiip thun ka akha mitei wan: Maiq phan aphan welawe maiqwea Juda phan wa Amminadab se Nahshon 74,600 Isakar phan wa Juar se Nethanel 54,400 Jebulun phan wa Helon se Eliab 57,400 Maiq tlotli ka 186,400 Alaü wan wawantlaq akhing na Juda phan alan khea chantlaq wokhong na siti raq lamshea sinkhu na miwa.

WEAWEA 24:2

Kiimaq Israilnok ka aphan aphan maq piitiip thun hai raüta sitlaq kra chhito. Kriimaq Shiikeawe wenyi raq apaiq ka wiita rom wanto.

1 Corinthians 14:33

Ara jamkhano chongtiikang ngukla, Shiikeawe raq nashiq ka brak biishaq, branrok rai trang ka romak. Ahea wiq maq tsangriri hea kiimaq sanglili hea maq, tiitho tiipha raüta tsütsa chongke raa tlo. Riita Shiikeawe sengi phungtu thun na lang tlaq kiikhiisii,

1 Corinthians 14:40

Phanrap jaqsham kaiwa ümchuwa sham tlan kra, alam alam maq, tiitho tiipha lanta sham rong laq.

Philippians 1:27

Riita, ümchaü namshiq ma akhek pinthum ka, namshiq rilung ka Khristo Tsütsa na jamkhiiwa chong tlaq, kra phanphan singa chang. Krai mren, ngi ka namshiq liiwa wakang lo, kiimaq walap mang lo, li jiimin, ngi raq namshiq ka miitung ashi niili, pharang rang maq chap tlo nguta mitaiha. Kiimaq kra rekhu ashi jaqsham kra ningkhan li, reraüshi maq, Tsütsa Ahea chongke wan jaqsham na misi wan han.

Colossians 2:19

Kiimaq krai mren, tsangshiq riika Khristo ma kam mak she. Tsangshiq raq phungtu ma akhupo Khristo miika kam mak she. Khristo raq apaiq wokhong na siti, apaiq khum phungtu ka, apaiq raq tiichhan chhi tlo. Kiimaq apaiq riili Phungmaiqse sitlaq kunli kra, atsiq akiq maq, arok arii thun kra triiche raüta, atra Jesuq Khristo khum na riitu raüta, Shiikeawe raq thi tlaq kra phanphan tiijonglu tlo.

JOSHUA 3:4

Namshiq ka ana ümtiikiimin waman shaq. Kriikha na tsangshiq raq lam mishea. Shatmaq, namshiq ka Tongshong Tek tho na tiinap hea naq khum rongkiq. Namshiq ka Tongshong Tek jai na kilomitar shi tiihea lanta khum ronglaq.”