WEAWEA 19:14 - ASII LAKDAP Bible (BSI)

¹⁴ Kiimaq tombutiip mong na maiq ashi ra tsaiki raüla, kra akhing na tombutiip mong na juwa asi, riimakla juwa tiipmong na nyap watlaq, kriiti ka ramiishi na saüli ashe apii miishe mijaki.

Hawa Naga Bible 2001

¹⁴ Miq vshiz shiz kuex tap nuex thueyc kaz ruiux yuq, kvruex baunglaung tap mungx nuex vhttax miq nuiyc tap nuex nyuip waungc jix miq kuex nawk palx htungx maq raungx mvshix nuex httuiuc laz sawc muq dvyx httax tuex.

WEAWEA 19:14 Referencias Cruzadas

EJEKIEL 39:12

Kra maiq maa phong thun saiqsam miitu Israilnok ma rahiq ka jipi lümiishi miraa. Raüta Israil mung ka mitiisii wan nong.

EJEKIEL 44:26

Apaiq ka akhum tiisiilot jai min, apaiq raq ramiishi hali khenong ratlo.

LEWI 14:54

Ara thungtri raütu thun arka thabitsi na lang chang tri;

LEWI 15:32

Arthun thungtri arka maiqwere ümriiti khum niiwa haibiitsi asi riimakla maiqwe khumwa chongwa kham dongtlaq kra miitu lang wan chang thungtri.

LEWI 21:1

Tatiwe raq Mosheq ma Aron phan ramwebi ma akha chong kuq laq nguta aming kuqto, “Ramwebi wa maiq juli jiimin tati seno tsaiki raü jaq, maalap kai lomki raüta apaiq khum ka tiishe shi raamak.

LEWI 21:11

Apaiq ka Ngi ma akiinongke kun she. Kiimaq apaiq khum ka apii ashe tiija baiq mai mak. Riimakla apaiq raq ijam asii Tombutiip kiiwa kiho raüta, kiimaq maiq atsaiki jam kiijaq kiraüta asii Tombutiip ka tiishe maimak. Apaiq ma aweshaq riimakla anyung shaq li tsaiki raü min, akhum ka tiishe maimak.

WEAWEA 19:13

Jurwa maiq maa ka jaq maq shamtlaq raüta akhum ashe pii tiishimak riitlaq, kriiwe ka apii asheli riishatshat miraq. Jamkhano ngukla akhum na phum ram kham maq bat mak dea. Kra ningkhan apaiq raq Tatiwe Tombutiip ka tiishetlo. Krai mren apaiq ka Tatiwe sengi nguta wea dam mak she miraq.

WEAWEA 19:15

Kiimaq tombutiip mong na ahap ahü loweatek hamlii tsabum kiimaq apang chang ahü hamlii tak kiimin apii ashe miishe mijaki.

WEAWEA 31:20

Kiima hali namshiq raq khu akhea thun kra wiita kiimaq ngam khü maq aklo hupsam thun kra, chhechhi bin thun kra, riimakla pe maq aklo hupsam thun kra wiita tiisii ronglaq.”

WEAWEA 5:2

“Israilnok ma aming kuqlaq, namshiq piitiip mong wa maiq thabitsiti, riimakla akhumwa ashe kham dongtlaqti kiimaq maiq loweatek juwa maiq amaa dü na tiithantaqti maiq thun ka piitiip wa kinphai na jobaiq ronglaq.

WEAWEA 6:6

Apaiq khu alu thütlaq kriika apaiq raq akhum ka Tatiwe ma kiinong kuqtaq kra saqse miithii. Kra ningkhan apaiq raq akhum ka maiq maa tho na ki raüta tiishe shi baiq maimak. Awe nai anyung, kiimaq aphu ano riimakla ano jechakse tsaiki raü min kai maimak.

WEAWEA 6:9

Kiimaq apaiq Najiraiq asii khudap kra maiq ashi ra tiidong chhaq miili tsaikai kha na, apaiq ka kriiwe tho na asi, ningkhan akhu ka sheki raüla, apaiq raq ramiishi khechang. Raütiishe akhu nai anübin kra sibaiq ratlo. Kra raütiq apaiq khum ka asii she miraq.

WEAWEA 9:6

Shatmaq tsangshiq phong na maiq wiijamti ka maiq maa na tiithan kha na apii ashe riito. Kra ningkhan tsangshiq raq kra ranaiq na Tiichhiiwan Poi ka klo wan lot mak dea riito. Kra ningkhan, tsangshiq ka Mosheq nai Aron phana wato.