WEAWEA 18:5 - ASII LAKDAP Bible (BSI)

⁵ Asii Khok nai berong-wacha na jaqsham chang sitlaq kriika ümnaq nai ümsetiim riili dongdii jaq ka sham chang. Kra riihan jiitiq Israilnok khuthaq na itsankhiq walü ka nyai nong mak she miraq.

Hawa Naga Bible 2001

⁵ Msaz nuimhez rueq dvyx Vsawc Baung nuiyc shomrawx nuex seng yaq yauk shuimc kuex gurc pic rax, kvkhoc ngoz ruiux jix ngaz kuex yix maq laukshiz Israel miqsaz muex khaq mauk shex.

WEAWEA 18:5 Referencias Cruzadas

1 KAÜWA WERAÜ 23:24

Lewi saüsetiim wa aweraü mang thun ka arthun ara riito. Arka aweraü phan maq nai tsangta mang kra phan phan awaiq thü. Tsangshiq atakitek mang ka maiqta mang waiqchang lakdap na waiq thüto. Asaü asetiim wa jam weatek arawii wiiroqnai nai kriima alasheti thun miika pumsiitek ma Tatiwe Shomjam na jaqsham phea kuqto.

1 KAÜWA WERAÜ 23:32

Tsangshiq ma Tatiwe asi Tombutiip kra nai Shomjam kra shiili liiwan arang kuqto. Kiimaq tsangshiq ma tanyang senobi thun, kiimaq Aron saüse phan ramwebi thun ka Shomjam na noqku akhing na jaqsham kra khrumke wan arang kuqto.

1 KAÜWA WERAÜ 24:5

Riita Eleajar saüse phan nai Ithamar saüse phan phong wa Shomjam na jaqsham liiti nai wenyi jaqsham na ajong alabi ka asisii ngokha maq, tsangshiq liipan na jaqsham ka langlii raü raüta riiphea wantlo.

1 KAÜWA WERAÜ 9:19

Shallum ka Kore se. Kiimaq apaiq ma ati ka Ebiasaph. Apaiq ka Kora weraü wa akongtibi thun kra shea raüta Tatiwe asi Tombutiip na walam kilamchong kra kheti riito. Arka tsangtitiim pat na jamkho Tatiwe piitiip khewantaq kiikha kheto.

1 KAÜWA WERAÜ 9:23

Krai mren, tsangshiq pat na nai tsangsetiim pat niimin Shomjam kilamchong thun khe kintsongti jaqsham wanto.

1 KAÜWA WERAÜ 9:33

Kiimaq Lewi phan wa maiqta wiijamti thun ka Shomjam na ashi ange kra tiihong tha arang howanto. Riita arthun maiqtatek wa akhupo nyungwere kriika Shomjam tiinap na jam thun kiijaq sito. Kiimaq tsangshiq ma laihin jaqsham mintsa ka tiisham mak. Jamkhano ngukla tsangshiq ka ranaiq rawa Shomjam na jaqsham chang riitlo.

DUNGWVNC 27:21

Aron nai asetiim raq Ngi asi Tombutiip khok na tapmong khokti Tongshong Tek tochang kra tuk chang kheathum chantlaq kra maq kin phai na lem ka tochang. Raüta kiijaq iman na lem ka raji wan tlaq kiijaq tiinyai raüta ranap na tiisaüli tiinyai chaqlili riichang. Ara aming kuq tiikang arka Israilnok raq kiimaq tsangsaü tsangsetiim raq pattup pat-sa lang wan ruq lang chang.

JEREMIA 23:15

“Riita arthun arkha na, Ngi Tati Ningkun Ajongwe raq, Jerusalem na siti shammibi miitu ara toqtan tiikang: Ngi raq tsangshiq ma akhap akhiq phan pecham mitiiphaqha kiimaq achok chang phan kham mitiinyangha, jamkhano ngukla tsangshiq raq ra weahü ngarai jaqsham maq armung ka tlotli tiinyam baiqto.”

EJEKIEL 44:15

Tati Rakaü Hiqwe raq nguto, “Shatmaq Lewi phan wa Jadok saüse weraü wa ramwebi thun riika, Israilnok mungmaiqse abiti thun raq Ngi ka miimthü raüta sumla phra shomnoqkai kihotaq akhing niimin, tsangshiq ka iwokhong na siraüta tsapkapkap maq Ngi shomnoq wan Shomjam na jaqsham wanto. Arningkhan ümchaü, tsangshiq raq Ngi ka mishlilii kiimaq ikhaki na chap raüta, Ngi ma ngampü honglu nai tiijai honglu kra wa na michaq.

EJEKIEL 44:16

Tsangshiq kli she i Shomjam mong na nyap wa raüta, Ngi ma hongluke chang berong-wacha kiijaq jaq misham wan kiimaq shomjam na noqku kra milii wan.

LEWI 10:6

Kiijiishe Mosheq raq Aron nai asenai Eleajar nai Ithamar ma nguto, “Maaho maajü tiichhi nguta namshiq khu ka thai hü maq naq thü rongkiq. Riimakla namdü wa khea kra chailanta maajo kheasam ikha naqchai rongkiq. Namshiq raq kiikha riihanla atsai mirhan. Kiimaq Tatiwe ka Israilnok tlotli ma tsankhiq miraq. Shatmaq namshiq Israilnok mungmaiqse riiwe kla ara Tatiwe raq wa tiisat raüta tiikhiim baiqtaq ara miitu maajo jümii shiri mimai.

LEWI 24:3

Rajitek na Aron raq lemsetiim ka tiinyai chaqlili miraq. Raüta anap ranap na saüli lüshat riichang. Ara lemsetiim ka Tatiwe asi Tombutiip na Asii Pinthum Khok na Tongshong Tek sitlaq kra raituk chang khea chan tlaq kriimaq kinphai khokti na totlo. Ara thungtri ka pattup pat-sa lang wan ruq riichang.

JEKERIA 10:3

Tatiwe raq ngutlo, “Isenginok pengti pongmung hokhambi ma, Itsankhiq tlo, Ngi raq tsangshiq mitiichamchao ha. Juda mungti isengi, Ngi Tati Ningkun Ajong Pinthumwe raq, tsangshiq mishliliiha. Tsangshiq ka irekhatti nolajongbi kumrang kong miraq.

WEAWEA 1:50

Kra rii na Lewi phan maiq thun miika, Ngi asi Tombutiip nai kra mong na sitlaq hupsam thun kra shiililii jaqsham arang kra kuqlaq. Tsangshiq raq tiip nai kiijaq sitlaq hupsam thun kra mihopi wan. Raüta kra tiip mong wa jaqsham thun kra misham laq. Raüta tsangshiq tiip thun ka tombutiip tro na mitei wan laq.

WEAWEA 1:53

Shatmaq Lewi phan raq tsangshiq piitiip ka Tombutiip tro na tei wan ratlo. Raüta Tombutiip kra khe ratlo. Kriika maiq ahinti jumin kra tho na wamak chang miitu. Kiimaq itsan tiikhiq raüta Ngi raq Israilnok ka jiipbaiq mang chang miitu khe wan ratlo.”

WEAWEA 16:46

Kiimaq Mosheq raq Aron ma nguto, “Üm wapin ka ümjaq na shamtlolaq. Laüta berong-wacha kiiwa wachan wiiwatam maq kiijaq tso laüta thiilaq. Laüta homseng honglu wiijam ka wapin na thiilaq. Laüta kra ümjaq na doshat maq jaqlo thit thit mungmaiqse khum kra tiisii wan mro ka chhikuq tlolaq. Kotsi jaqlo! Tatiwe tsankhiq walü ka anyai wan kun she. Thabi tsi ka adong wan kun she.”

WEAWEA 18:4

Tsangshiq ka ümniirai adam maq jaq sham dam chang. Raüta Tombutiip miitu tsangshiq raq jaqsham chang holai ümchu wa sitlaq kra khaq khaq sham ratlo. Shatmaq tri maq tseatsiiq wanhüti riika, ju riimin ümniirai jaqsham dam maimak.

WEAWEA 4:18

“Kohath weraü phan wa maiq ka

WEAWEA 8:19

Kiimaq Ngi raq Lewi phan ka Aron nai asetiim ma Israilnok raq akuq kongphiq ma kiinong kuq tiikang, tsangshiq ka Israilnok miitu Tombutiip na jaqshamke ma kiimaq Israilnok ka Asii Khok tho jehea na warai raüjaq, phiiptsi jiiptsi tsai rai chang wa tiiwongke wan miitu shong wan tiikang.”

WEAWEA 8:2

“Aron ma chonglaq, ümtiikiiwa apaiq raq lem setiim miishi kra atochang khamchong kiijaq totlaq akhing na lem li raq khaki nü siim kra liliim chang mitiinyailaq.”

1 Timothy 1:18

I se Timothi lei, ngi raq ara arang arka ümjaq niishe thaq tiikang. Arka Shiikeawe shammibi raq man na, ümniimiitu riisham bom maq chongkuqtaq kra tiiphanphan, ümchaü ara ümjaq niishe likuq wan tiikang. Riita kra ümniima kuq wantaq bomtsi thun ka, ümniiraq chuntsi nyiimwin ma shiitai laüta srea nola ikha re ka khat wan lili riilaq.

1 Timothy 3:15

Kiimaq, ngi ka ümkhiimiiwa jaqlo kiina saüthin wan mang la tiihit rotki ha jiila, ara lak na nashiq Phungmaiqse ka jamkhii singa chang wa, kra miitu tsii chongkuq tiikang ara lang rong laq. Nashiq ka Shiikeawe setiim. Jamshiti. Ara jamshiti ngutiikai arka, Shiikeawe setiim phungtu sitlaq kra ngo nangnga chongtiikang. Shiikeawe ka pattup pat-sa siwan ruq li. Shiikeawe manphan tengteng bomtsi ka, phungtuti raq thüda wan tlo. Kiimaq tum akhiiq na saiqsam wan tiikai ikha, kai shreng laita ahea wiq, tsapsaü kapse maq thü wan tiikai.

1 Timothy 5:21

Ngi raq arthun aming ara Shiikeawe man na, Jesuq Khristo man na, kiimaq asii rasetiim man na, ramram lata, ümniima arthun arang ara kuq tiikang. Ju miimin tiishaü tiiji naq riikiq. Wiitarü ka maklii shi maq peng laq.

1 Timothy 6:20

Timothi lei, ümjaq na jamlai phan wa tiisham kuqtaq, kriika samhea wiq maq shiikum pan laüta saiqsam laq. Asii bomtsi tiisheshi chang bom tlaq kriika, naq tre damkiq. Kriijaq ümniika naq lom wan damkiq.