WEAWEA 18:23 - ASII LAKDAP Bible (BSI)

²³ Ümchaü armiiphat sanha Tombutiip liikoti ka Lewinok lam lam li she miraq. Kiimaq Tombutiip miitu sham akai kunli ka tsangshiq riili she arang miho. Ara thungtri arka pattup miitu she. Ümsaü ümsetiim riimin arthun tri ara lang raüta jaqsham chang. Israil mung na Lewinok miitu tachong hupsam ka ahü miraq.

Hawa Naga Bible 2001

²³ Majuiuc vmaq phaungc vtueq Lewi miqsaz rueq dvyx Tap kuex httuiyq httvmx ruiux, kvyuq seng yaq shuimc vkay httax yaq htenc kuex khauk gurc pic wuez rax. Tvrac vruex kuex msuiuz msaz pat vjat rueq phvnc rax. Lewi miqsaz rueq Israel mungtan wawc hup vsvmx kuex guimz muq,

WEAWEA 18:23 Referencias Cruzadas

DUNGWVNC 27:21

Aron nai asetiim raq Ngi asi Tombutiip khok na tapmong khokti Tongshong Tek tochang kra tuk chang kheathum chantlaq kra maq kin phai na lem ka tochang. Raüta kiijaq iman na lem ka raji wan tlaq kiijaq tiinyai raüta ranap na tiisaüli tiinyai chaqlili riichang. Ara aming kuq tiikang arka Israilnok raq kiimaq tsangsaü tsangsetiim raq pattup pat-sa lang wan ruq lang chang.

EJEKIEL 44:10

Tatiwe raq ngi ma nguto, “Lewi phan wa juju riiwa, Israilnok abiti thun rai adam maq Ngi ka miimthü raüta sumla phra thun shomnoq wantaq, kriiti thun ka Ngi raq mo mitiihoha.

WEAWEA 18:1

Tatiwe raq Aron ma nguto, “Ümnaq nai ümsetiim kiimaq Lewi phan raq Ngi miitu Ngi asi Tombutiip mong na jaqsham tlan kiijaq shutphit han jiila, kra mra hotlan kha ka namshiq raq mo mihohan. Shatmaq ramwe jaqsham na shut phit han jiila, ümnaq nai ümsetiim lam lam riili kriikha miitu mo mihohan.

WEAWEA 18:20

Tatiwe raq Aron ma nguto, “Ümniiraq Israil mung wa tachong hupsam hiqphu ka ümniirii ka phushi min chum kuqmak ahü miraq. Ngi, Tatiwe sitiikang arli ümnii rii ka. Ngi arli she ümniima hongli.”

WEAWEA 19:21

Namshiq raq ara thungtri ka pattup pat-sa lang wan ratlo. Jurwa arewe khum na phumram kham maq bat kuqtlaq, kriiwe riimin, apaiq düwa akhu akhea thun kra kham maq heraatlo. Kiimaq jurwa kra kham ka ajaq maq shamtlaq, kriiwe kiimin raji na saüli apaiq khum ka ashe apii misi.

WEAWEA 26:62

Lewi phan wa maiqwesere jipi lüshi shi maiq, riimakla kriithaq na ala sheti thun ka 23,000 riito. Tsangshiq ka mangwea raüpot pong na waiq thüto, Israilnok mungmaiqse rai maiq wea na shotdam mak. Jamkhano ngukla tsangshiq miika Kanan mung Israilnok ma hiqshong chum kuqtaq kiikha hiqshong chumkuq mak.

WEAWEA 3:7

Tsangshiq raq Ngi asi Tombutiip na jaqsham chang thun kra misham kiimaq ramwebi miitu nai Israilnok tlotli miitu jaq misham.

WEAWEA 35:29

Ara thungtri arka namshiq miitu kiimaq namsaü namsetiim miitu. Namshiq ka ümriiba niili sihan jiimin, ara tri arka lang wan ruq riichang.

TRI CHONGKE 10:9

Arningkhan tiina maiq phan ahinti ma hiqshong phea kuqtaq kiikha Lewi phan ma hiqshong ka chumkuq mak dea riito. Tsangshiq miika Tatiwe ramwe jaqsham arang kra kiinong kuqto. Kriika tsangshiq kiim riito. Arka Tatiwe namshiq Shiikeawe raq kiqkham kuqtaq kra phan phan kuqto.)

JOSHUA 13:14

Mosheq raq Lewi phan ma tsangshiq rii tachong hiqshong ka chumkuq mak dea. Jamkhano ngukla, Tatiwe raq Mosheq ma tsangshiq riika, tsangshiq rii tachong hupsam ka, Israilnok raq Israilnok Tati Shiikeawe ma honglu kuqtlaq kiiwa pheake raa nguta aming kuqto.