WEAWEA 18:21 - ASII LAKDAP Bible (BSI)

²¹ Tatiwe raq nguto, “Israilnok raq Ngi ma aroq khuwa honglu kuqtlaq thun ka Ngi raq Lewinok miishe kuqbaiq kang. Arka tsangshiq raq Ngi asi Tombutiip shiili liitlaq kra miitu tsangshiq jaq maq she kuq tiikang.

Hawa Naga Bible 2001

²¹ Yehowa rueq, “Israel miqsaz rueq mvnrok shiz wawc mvnshiz ngaz muex kuq yaq kuex ngaz rueq Lewi miqsaz muex kuq tauk. Vruex kuex ngaz httax yaq Tap kvyuq shuimx kaz yaq hez tvkoc yauk mauk rvtueq.

WEAWEA 18:21 Referencias Cruzadas

RAPHA HIQWA LAK 14:20

Ratsan Ramong Nyang Na Siti Shiikeawe, ümniima ümjaqtinok tiitang ketiwe, kriili tiisamlaq!” Kiimaq Abram raq sepat lopi lap wantaq hupsam tlotli kiiwa roqshi khu wa manshishi ka lam raüta Melkijedek ma kuqto.

RAPHA HIQWA LAK 47:24

Tsamjut tum na namshiq raq hokhamwe ma tsam ka man biingi wa manshi ka keraatlo. Kriiwa chantlaq tsam ka alai ma nai namshiq jamkun wa maiqmii saü ase thun kra dung miitu thü ronglaq.”

RAPHA HIQWA LAK 47:26

Kiimaq Joseph raq Ejip mung miitu tri she thüto, rawiitek tsam juttlaq kiiwa man biingi wa manshi ka hokhamwe rii she nguta. Ara thung tri arka ümchaü niitaq langtlo. Ramwebi hiq thun kli hokhamwe rii riimak.

2 KAÜWA WERAÜ 31:12

Raüta kongphiq thun nai aroq khu wa honglu thun ka kra khok thun na aheawiq saiq samto. Kra liiko wanti tsangshiq raq Lewi phan maiq weshi amang Konania nguta kriiwe ma arang kuqto. Kiimaq ano Shimei ka apaiq jaq thüti miitu thüto.

NEHEMIA 10:29

ümchaü ranaiq na, naimung shun shea wanti welabi rai adam maq, Shiikeawe raq, adise Mosheq lümaq naishiq ma Thungtri kuqtaq, kra lang wan laita, Thungtri khong niishe mishong nga wan rong i nguta, kiimaq apaiq tri ka jin wan hai jiila, manson miho wan rong i, nguta atum riiwan laita, ara kiqkham raüpot ara kha wan tiikai. Riita, ümchaü sanha, Tati, nashiq Tatiwe raq nashiq ma aming ümchuwa kuqtaq kra, lang wan laitiishe mishong nga wan rong i. Kiimaq Tatiwe thung tri ka, tsapkapkap maq lang wan laitiishe, mishong nga wan rong i, nguta ara kiqkham raüpot kha wan tiikai.

NEHEMIA 10:37

Kiimaq, nashiq raq, tsamnye apha shaq shaq jut siq wan tiikai kiiwa, hai awong kra, kiimaq winsii lum laita, kiimaq laihin honglu, che, olip tai, kiimaq phanphan petsi pan wan tiikai kriiwa, kra thun ka Shomjam na hupsam thü wan chang khok kiijaq adam na lamho lili laita, ramwebi jaq na kuq wan lili mirii rong i. Kiimaq, nashiq raq, nashiq wak ajam na dong man wantlaq tü atsam kriiwa, honglu hiwanti Lewinok watlaq kra jaq na, aroqkhu wa kra kuq wan lili mirii rong i.

NEHEMIA 10:38

Riita, Lewinok raq mungmaiqse jaq wa, aroqkhu wa hiwan tlaq kra akhing na, Aron weraü phan wa ramwebi kriimin, Lewinok rai kongshi maq waraüta, honglu ka hiwan lili riichang. Raüta, aroqkhu wa ümchuwa honglu riichom wantaq kra Shomjam na lang miitu, Lewinok kra honglu thun ka shomjam tsamtiip khok thun kiina hoholili riichang.

NEHEMIA 12:44

Kra akhing na, Shomjam na lang miitu mungmaiqse raq lungwii honglu, aroqkhu honglu, tsamnye ajut honglu, rawiitek petsi wiqtsam honglu, thüchang tsamtiip khok thun kra liiko wanti, cherewetiim tsea raüta shongto. Tsangshiq raq chongtiikai honglu thun ka, Thungtri na chongtlaq kra phanphan, ramwebi nai Lewinok dunghea miitu, chela thun tro na wak ram kiiwa riichom raüta, saiq sam wan arang ka tsangshiq ma kuqto. Kiimaq Juda wangti mungmaiqse kunli, ka ramwebi nai Lewinok ma, khoqriiq shishiiq maq siwanto.

NEHEMIA 12:47

Arka Jerubabel pat na nai Nehemia pat niimin, Israilnok raq, ranaiqtek honglu kra kuq wan lili riitlo. Raüta, Shomjam na ashi angeti nai shomjam kheti hokranok kra tiichamchao mak maq dunghiq wanto. Mungmaiqse riika, Lewinok ma asii, aram ari honglu kra kuq wan lili riitlo. Kiimaq, kra honglu kiiwa, ramwebi rii ka Lewinok raq ramwebi ma pheakuq wan lili riitlo.

NEHEMIA 13:12

Kra riikang tiishetiq, Israilnok wiita raq Shomjam na rai awong, spiqtai, kiimaq olip tai kra honglu na kuq wan nongto. Raüta, honglu thüchang khok thun kiijaq thüto.

NEHEMIA 13:5

Apaiq raq Shomjam mong na khok ajong pinthum ashi, kra khok kriika, honglu kuq wantlaq tü atsam, kiimaq homseng, kiimaq Shomjam na lang chang huk nai sam ja nai piq thun, ramwebi ma akuq honglu thun, kiimaq aroqkhu wa akuq honglu piiwong, spiqtai, kiimaq Lewinok ma akuq olip petsi tai thun, kiimaq Shomjam na ashi ange wanti ma akuq honglu, kiimaq Shomjam kheti hokranok miitu akuq honglu thun kra saiq sam chang khok kriika Tobia raq lang miitu kuq baiqto.

MALAKI 2:4

Kra riiha jiitiq, namshiq raq ara aming arka ngi riidea akuqha nguta misap han. Krai mren ngi raq Lewi saüse phan ramwebi rai tongshong kang kra raükha ka tiipanki mak she miraq.

MALAKI 3:10

Namshiq aroqkhu honglu ümchuwa sitlaq kra, kunkun Shomjam na kuq ronglaq. Krai mren, kiijaq aphaq asea chang phan ka chamtraq ama miraq. Namshiq raq ngi maitai rong laq, ngi raq ramungtan kilü ka linham linhok lata miraü kuq ha. Phanrap phanrii achu shiiman phongtsoktsok she mikuq ha.

WEAWEA 18:6

Ngi raq ümta ümwii Lewi phan ka Israilnok phong wa ümniima kongphiq akuq ikha tsangshiq ka tsea wan lata ümniima kuqkang. Tsangshiq ka Ngi ma akiinongke wan wishe. Krai mren, tsangshiq raq Tombutiip na jaqsham chang sitlaq kra sham miitu tseatsiiq wan kang.

WEAWEA 3:6

“Lewi phan ka shea wakiq. Laüta tsangshiq ka ramwe Aron jaqshisetiim miitu shonglaq.

WEAWEA 31:28

Phenlabi rii kriiwa, Tatiwe ma kechang phunta ka maiq shumwi kong shibiingi wa shumwi ashi shi lamthü ronglaq. Kiimaq kiikhiisii hali minsaü kong, kumtoq kong, sku kong, kiimaq chhechhi kong kra wiimin lamthü ronglaq.

Galatians 6:6

Jumiiwa, Shiikeawe tsütsa shrin kuq tlaq, kriiwe riika, ajaq na jamlai phan wa asi, apaiq ma tsütsa shrinketi we rai, riiphea riinyin raüta siwan chang.

TRI CHONGKE 18:8

Apaiq riimin ramwebi ahinti raq lap phaqsiqtlaq kiikhiisii apaiq riimin, mren chhaq phaq nai sea thun ka lap phaq sea ratlo. Kiimaq apaiq jamtitiim raq tiihohotlaq kriika apaiq rii athü mimai.

Hebrews 7:5

Kiimaq Shiikeawe raq, Mosheq lümaq akuq thü thungtri aming miika, Lewi saüse phan raq ramwe jaqsham tlo. Raüta, tsangshiq ramwebi raq, Israilnok raq tsangshiq raq ümchuwa lap tlaq kiiwa, manroqshi khu wa manshi manshi ka, Shiikeawe ma honglu na kuq tlo. Kra honglu ka ramwebi raq jaütlo. Riita, kriika tsangshiq maiqmii nok jaq wiili jaü tlo. Riita, tsangshiq Israilnok kriika Abraham lai ala wa apu wan siisaq riishatmaq jaü tlo.