WEAWEA 18:19 - ASII LAKDAP Bible (BSI)

¹⁹ “Israilnok raq akhek atiitsang kongphiq thun ümchuwa Ngi ma kuqtlaq, kriithun ka Ngi raq ümniima, ümsetiim ma, kiimaq ümsetiim jechaksere ma kuq tiikang. Arka pattup pat-sa miitu she kuq tiikang. Israilnok raq Ngi ma akhek atiitsang jaqmiiq kuqtlaq thun tlotli ka ümniirii siisaq she. Arka Ngi raq ümnaq rai kiimaq ümsaü ümsetiim rai tiipanki mak phan tongshong ramkham maq atiibok jaqkhaq raü tiipa kuq tiikang.”

Hawa Naga Bible 2001

¹⁹ “Israel miqsaz rueq ngaz muex yauk noalc htep kuq yaq htenc kuex mnoz nuiyc msaz hez muex pat vjat nuex httuiuc laz kuq vphaungx. Bomkhvrc vruex kuex ngaz rueq mnoz nuiyc msuiuz msaz hez rulc vtvhungx pattup phaungx ngaungx yaq rvtueq,” ngoz tueq jungx tueq.

WEAWEA 18:19 Referencias Cruzadas

2 HOKHVMX 12:16

Kiimaq atham jangke honglu akuq wan nai ngarai honglu akuq wan thun kriika tek mong na thü wan mak. Kriithun ka ramwebi rii.

2 KAÜWA WERAÜ 13:5

“Namshiq raq, Tatiwe, Israilnok Shiikeawe raq Dawit rai tiipanki mak phan tongshong wanto ngutiika sap man shea? Raüta apaiq ma nai asaü asetiim ma Israil mung thaq hokham jaqsham ka pattup pat-sa miitu kuqto ngo ka sap man shea?

2 KAÜWA WERAÜ 31:4

Arthaq niimin, hokhamwe raq Jerusalemti ma ramwebi nai Lewinok rii honglu kechang thun kra kuqho rong laq nguta chong kuqto. Kra kuqho raütiq ramwebi nai Lewinok raq Tatiwe Thungtri na chongtlaq kra phan phan tsangshiq raq jaqsham ka tsapkapkap maq tsantsii kuq raüta misham lot.

DUNGWVNC 29:27

“Kiimaq ümtiikiiwa ramwe ka shongtlaq, sku pongwe khuk ngam kiimaq awütong ngam thun ramwe shong ngam rea phu thun kriika atiitsang kongphiq miitu kiimaq ramwe rii ngamrea nguta Ngi ma kiinongke chang.

EJEKIEL 43:24

Laüta kra wiinai ka ikhaki na milam wan haü. Ramwebi raq kra ngam thaq na shumtai maq mibat. Raüta wa na Ngi ma honglu na wa maq michaq.

LEWI 2:13

Wong-honglu kuq tlan tek na shum ka tiinang ruq ronglaq. Jamkhano ngukla shum ka ümnaq nai Shiikeawe liipan na tongshong wan lan kra la na sitlo. (Ümniiraq shum ka honglu kuqtlaü tek na tiinang ruq riilaq.)

LEWI 21:22

Akhnok maiq riika Ngi ma phaqsea honglu na akuq kriika phaqsea mimai. Phan nai wiita asii phaqsea-honglu akuq kra nai asii pinthum phaqsea-honglu akuq kra phaqsea mimai.

LEWI 7:14

Apaiq raq ara chongkai winsii phan phan kriiwa manshishi lam raüta Tatiwe ma akhek atiitsang jaqmiiq ma mang raüta kechang. Ara honglu thun arka kiijaq ramwe jaqshamti jurwa ngam tiijai ka berong-wacha na wantlaq kriiwe riishe.

WEAWEA 18:11

“Arthun arthaq niimin, Israilnok raq akhek atiitsang laihin jaqmiiq Ngi ma kuqtlaq thun kriika ümniirii she miraq. Kriithun ka Ngi raq ümniima, ümsetiim ma, kiimaq ümse jechak setiim ma pattup pat-sa miitu she kuq tiikang. Ümjamtitiim khum asii maq siti loweatek raq arthun ara phaqsea dam mimai.

WEAWEA 18:8

Tatiwe raq Aron ma nguto, “Tsan na tiitsanglaq, Ngi ma kuqtlaq honglu thun wa na chaq chang riimak tlotli akhek jaqmiiq thun kriika, Ngi raq ümniimiishe kuqtiikang. Ngi kriithun ka ümniima nai ümsaü ümsetiim rii pattup pat-sa miitu saqseng athiiq ikha kuqtiikang.

WEAWEA 31:29

Lanta kriithun ka ramwe Eleajar ma kuq ronglaq. Arka Tatiwe rii akhek atiitsang jaqmiiq.

WEAWEA 31:41

Kiimaq Mosheq raq ara phunta thun Eleajar ma kuqto Tatiwe ma akhek atiitsang jaqmiiq na kuqto. Arka Tatiwe aming kutaq kra phan phan kloto.

TRI CHONGKE 12:26

Namshiq raq honglu kechang thun nai akhek atiitsang kongphiq thun mikuqha nguta Tatiwe ma kiqkham kuqlan thun kra wiita atiitsang noqku hiq ba kriijaq lamho lanta kuqholili ronglaq.

TRI CHONGKE 12:6

Kriiba kiijaq namshiq raq wa na chaq chang honglu takuq tlan thun kra mikuq han, kiimaq namshiq raq ahin honglu kuqtlan thun kra, namshiq raq aroq khuwa kuqtlan honglu thun kra, kiimaq namshiq raq honglu thun kuqtlan kra, kiimaq namshiq raq Tatiwe ma mikuqha nguta kongphiq akha han thun kra, kiimaq namshiq tsantsii maq honglu kuqtlan thun kra, kiimaq nashiq nyamse minsaü nai skukong raq chhikhu anyung chhikhu-honglu kuqtlan thun kra hiq bashi niili kewan chang.