WEAWEA 18:1 - ASII LAKDAP Bible (BSI)

¹ Tatiwe raq Aron ma nguto, “Ümnaq nai ümsetiim kiimaq Lewi phan raq Ngi miitu Ngi asi Tombutiip mong na jaqsham tlan kiijaq shutphit han jiila, kra mra hotlan kha ka namshiq raq mo mihohan. Shatmaq ramwe jaqsham na shut phit han jiila, ümnaq nai ümsetiim lam lam riili kriikha miitu mo mihohan.

Hawa Naga Bible 2001

¹ Yehowa rueq Arun muex ngoc, “Ngaz httax yaq Tap mungx wawc yauk shuimc nuex seng vtueq yaq gay mvrax kuex mnoz rulc vdvmz msaz hez nuiyc Lewi miqsaz htenc rueq lvp shuex, yuq muinz shomc waz yauk shuimc nuex seng vtueq yaq gay ruiux kuex msaz nuimhez rueq dvyx gurx shuinx.

WEAWEA 18:1 Referencias Cruzadas

DUNGWVNC 28:38

Aron raq ara akhakam na pachang. Raütiq Ngi, Tatiwe raq, Israilnok raq honglu ümchuwa Ngi ma kiinong kuqtlaq thun kra, mungmaiqse raq honglu thun kuqtlaq akhing na phanshi ra tiishut raü min, Ngi raq mitaoha.

ISAIA 53:11

Chamchao rilung siwan jaimaq, apaiq rilung ka chojong chise rilung miraq; apaiq chamchao wantaq kriika atu na riimak nguta apaiq raq misap wan. Iwokhong na siti ijaqshise, Ngi raq apaiq ka pinthum lung wiitiikang. Maiqse pahea raq mo howan chang ka, apaiq raq wiita miho wan. Kiimaq apaiq mang na, Ngi raq tsangshiq mra ka midiikuqha.

ISAIA 53:6

Nashiq tarü ka skuse amo arki ikha siwankai, nashiq loweatek maiqmii lampu rit siwankai. Shatmaq Tatiwe raq nashiq mo ka apaiq ma tiiho wanto, nashiq tarü raq kra mo ka howan chang wa.

EJEKIEL 4:4

“Kra laüta ümniika ümsiimpii jaq pha nü siim na bumlaq. Kiimaq Ngi raq ümkhum na Israilnok mungti ngarai homa ka ümniima mitiihoha. Ümniika kiijaq ranaiq shitsam ri raroq tiikaü misihaü. Laüta tsangshiq ngarai maaho michamchao haü. Tsangshiqnok moho ka ümchu rawii na saüli hochang wa, kra ngarai miitu, tsangshiq raq rawiishi mohochang sitlaq kra rii na, ümniiraq ranaiqshi shi moho ratlo nguta, Ngi raq kha ka toqtan kang she.

LEWI 10:17

“Riita namnai kra ngarai-honglu ngam ka asii siqlaitap maq phaq man jamto? Arka pinthum asii ngamrea. Kiimaq Tatiwe raq mungmaiqse ngarai kra tiisii wan miitu namshiq ma a kuqto.

LEWI 22:16

maiq ahinti arthun ara phaqsea thek makti ma tlomdam raüta. Kriila ngu raüla kriiwe ka ashutwe miraq kiimaq kriiwe raq mo ka miho. Ngi ka Tatiwe kiimaq honglu thun ka asii ma tiija tiikang.”

LEWI 22:9

“Ramwebi tarü raq Ngi raq akuqha thungtri raütu thun kra lang ratlo. Riimakla tsangshiq ka ashut ma mijaki. Raüta atsai miraq. Jamkhano ngukla tsangshiq raq asii thungtri raütu ka langmak jinto. Ngi ka Tatiwe. Kiimaq Ngi raq tsangshiq ka asii tiija tiikang.

WEAWEA 14:34

Namshiq ka namshiq maiqmii ngarai kra ningkhan rawii roqblai michamchao wan han. Kanan mung sisin wa raroqblai kriiwa ranaiq shi la na rawii shishi she michamchao wan han. Namshiq raq Ngi ka namshiq ngengtiwe ma tiija wan ka akhiidea shea ngutiishe misap wan han!

WEAWEA 16:10

Apaiq raq ümnaq nai Lewinok phan tlotli ma ara rahea phan jaqsham kuqto. Kra taü miisha, ümchaü ümnii riika ramwe jaqsham kriimin ümniiraq sham chang nguta phephiiq tlaü!

WEAWEA 17:13

Naishiq phongwa maiq weshi ra ka Tombutiip tho kiina waraü min, apaiq ka atsai chang she jiika, naishiq tarü arka amaa phong ikhli she sitiikai ahata!”

WEAWEA 17:3

Kiimaq Aron mang ka Lewi phan rii nyeakiiti kiijaq waiqlaq. Maiq phan aweatek welabi kra rii na nyeakii ka kiishishi miraq.

WEAWEA 17:7

Kiijiishe Mosheq raq kra nyeakii thun ka Tombutiip mong na Tongshong Tek kaü khaki na thüto.

WEAWEA 18:11

“Arthun arthaq niimin, Israilnok raq akhek atiitsang laihin jaqmiiq Ngi ma kuqtlaq thun kriika ümniirii she miraq. Kriithun ka Ngi raq ümniima, ümsetiim ma, kiimaq ümse jechak setiim ma pattup pat-sa miitu she kuq tiikang. Ümjamtitiim khum asii maq siti loweatek raq arthun ara phaqsea dam mimai.

WEAWEA 3:6

“Lewi phan ka shea wakiq. Laüta tsangshiq ka ramwe Aron jaqshisetiim miitu shonglaq.

TRI CHONGKE 10:8

Pumji maq Tatiwe raq Lewi phan maiqwere ma Tongshong Tek kra shiili jaqsham arang kuqto. Kiimaq apaiq ramwebi jaqsham miitu kiimaq apaiq mang na ram ramke wan miitu shongto. Riita ümchaü min arthun jaqsham arka tsangshiq arang na sitlo.

Hebrews 13:17

Kiimahali, namshiq ma lamsheatibi wokhong na, si lanta tsangshiq bomchong ka phaqchii nichii maq tai ronglaq. Tsangshiq raq namshiq ka, Wenyi rilung na tiichhan chhi wan miitu, naiqhü wasü hun nü wan tlo. Tsangshiq raq, Wenyi noboq jaqsham tlaq kra miitu, Shiikeawe ma heshap kewan chang asi. Namshiq ka tsangshiq wokhong na, phaqchii nichii maq tsangshiq bom tai lanta sihan jiila, tsangshiq raq shra jaqsham tlaq kra, chochikhiq maq misham. Namshiq raq tsangshiq bomchong tlea han jiila, tsangshiq ka tsan tiibishat lam miili, shra jaqsham ka misham. Kra raüka, namshiq ma jamlai achü shiiman lap chang ahü.

Hebrews 4:15

Nashiq ma Ramwe Ajong Pinthum we riika, nashiq tiinan shan tiikai kamasham ningkun ajom si tiikai thun kriika, kunkun asap siisaq. Nashiq ma Ramwe Ajong Pinthum we ka nashiq raq maitai chamchao ümtinkhan wa riihum tiikai kriika, apaiq raq kunli asap siisaq. Apaiq ka nashiq jamkho tairai tlaq, kiikha Thawe raq tairaito. Shatmiitiina, apaiq raq jamkiq min shut mak riito.

1 Peter 2:24

Khristo raq nashiq ngarai ka apaiq khum na howan raüta, pumsongkham na tübaiqto. Arka nashiq ka ngarai na tsaikai miitu. Laita nashiq ka kechu miitu lishe atra siwan miitu tsaito. Nashiq thatsi ka apaiq mopung mithun maq tiiheakuqto she.

PHOWEBI 17:12

Mika raq apaiq ka aramwe ma shongto. Kiimaq apaiq min Mika jam niishe sito.