WEAWEA 17:5 - ASII LAKDAP Bible (BSI)

⁵ Krii phong kiiwa Ngi raq juwa shong wan kang kriiwe nyeakii kra acham raüta aküsetiim asi miraq. Akha klo lata Ngi raq ara Israilnok raq ümnaq ngeng bom bot wan ruq bottlaq kra tiikaiqshak she mitiikaiq baiqha.”

Hawa Naga Bible 2001

⁵ Ngaz rueq thvl wvnc shaungx kvruex waz ngvlhtulc kuex vsung dung tuex. Vkhoc maq raz tueq Israel miqsaz rueq mnoz muex yauk lox, yauk lox kvbot nyvnx vtueq mvrax tvgurc kv-phux rvmuq shex,” ngoz tueq jungx tueq.

WEAWEA 17:5 Referencias Cruzadas

2 KAÜWA WERAÜ 26:16

Shatmaq Hokhamwe Ujjia ka aningkun chaq wan kiita ashkong she riikito. Kra ningkhan apaiq ka dea wanto. Apaiq raq Tatiwe apaiq Shiikeawe tri jin raüta Shomjam berong-wacha na homseng honglu chaq wa danto.

Tvtsvmc 105:26

Kiijiishe apaiq raq ajaqshi se Mosheq tiikito, kiimaq Aron, apaiq raq atsea wan kra tiikito.

DUNGWVNC 16:7

Ranap na Tatiwe asi makse chat-hit chhai-nyii kra michhi han. Namshiq raq apaiq ngeng bot nyan lan kriika apaiq raq taito she. Tengto, namshiq raq apaiq ngeng bot-nyan lan. Jamkhano ngukla nainai raq jaqsham tiikai kriika apaiq raq achong chong kli shamtiikai.”

ISAIA 11:1

Dawit hokham weraü saüse phan ka pechong ashi adaq arbaiqrat ikha. Shatmaq achongkhuk kiiwa asongsetiim song wantlaq ikha Dawit weraü phan asaü asetiim phong wa hokham weshi midong wan.

ISAIA 13:11

Tati raq ngutlo, “Ngi raq mangjong hiqraikhü na chamchao jonghea mitiisaüha. Lata abi kloti thun ma tsangshiq ngarai kha miitu mo mitiihoha. Ngi raq shiikong miilongti thun loweatek ka aranse ma mitiijaha. Kiimaq wanshak shakti nai maiq ka jimaq nishishiti thun ma mo mitiihoha.

ISAIA 27:6

Rawiichii saü wantlaq akhing ranaiq na, Israilnok ka, Jakob saüse phan ka, pechong rangtu hiq mong na tsaühea cham wan tlaq ikha micham wan. Raüta tsangshiq ka apü alü waheala miraq. Raüta amak potsetiim midong wan. Raüta atsi ango phong raq mangjong hiq na hiqham raham ama miraq.

ISAIA 5:24

Kriikha na ümchaü min, tsamkü dap nai sangphii shinriiqriiq shinkitlaq raüta wa na phongchaq tlaq ikha michaqbaiq. Nam rangchong thun ka anam she mirki. Raüta namshiq pülii rai tlan ka ashin she mirki. Raüta rahai raq mipan wan. Jamkhano ngukla, Ajong Pinthum Tati, Israilnok asii Shiikeawe raq nashiq ma jamlai wa shrin kuqtaq kra namshiq raq no na tsuqbaiqlan.

EJEKIEL 16:41

Tsangshiq raq ümjam thun kra wa maq michaqbaiq. Raüta maiq jechakre kong pahea ma ümniiraq mo hotlaü kra mitlii. Ngi raq ümniika mephe nyung ma tiija mang she mirha. Kiimaq ümkongtiwetiim ma kongphiq kuqtlaü kra tiikuq mang she mitiithaqha.

EJEKIEL 23:27

Ngi raq ümniiraq ümtinkhan wa sethoq sepii jasha tlaü kiimaq khaiqhü naiqhü maq tiichan netlaü kriimin atiitsaq she mirbaiqha. Arthun arka man na Ejip mung na siji niiphü dongdii klowan laü. Ümniiraq sumla phra thun ka mak maq lii min maimak she. Kiimaq Ejip mung miitu ka tsan na tiima maimak she.”

Hosea 14:5

Tsamjang maimak longkaü ikha kealoklok. Ra mitiijun ha Israilnok ma. Khiqra wak tsamhea ikha Israilnok mijong wan. Lebanon pum wa pero ikha, arang phataqtaq micham wan.

WEAWEA 1:51

Ümtiikiiwa namshiq ka lamjap piitiip kiiwa laüwan nong tlan, Lewi phan raq Tombutiip kra arun miraq. Raüta piitiip anye kiijaq hali tiip ka mihai wan nong. Juwa kra Tombutiip tho na wajiiq, kriiti ka tiitsailaq atsea baiq chang.

WEAWEA 11:1

Mungmaiqse raq Tatiwe ma tsangshiq chamchao tiikai ngutiishe bottsaü phahoto. Tatiwe raq tsangshiq bottsaü trang ka taito. Kra ningkhan apaiq ka tsangshiq ma atsan khiqto kiimaq tsangshiq khuthaq na wa tiisatto. Kra wa ka tsangshiq phong mong na nyai wanto raüta tsangshiq ka khumto. Raüta tsangshiq piitiip siimko na sitibi maiq thun ka tiithen khiimbaiqto.

WEAWEA 16:11

Ümtiikiiwa ümniiraq Aron ngeng bom bomtlaü, kriika riikhaqli maq ümniiraq nai ümsenginok raq Tatiwe ngeng bom bom tlan.”

WEAWEA 16:5

Kra raütiishe apaiq raq Kora nai asenginok ma akha nguto, “Anap ranap Tatiwe raq nashiq ma, apaiq rii maiq ka juwa tsea wantaq, kriiwe ka nashiq ma mitiichhikuq. Apaiq raq juwa ajaqshi ma shongtaq, kriiwe ka apaiq phana mitiiwa. Raüta berong-wacha na honglu ka mitiikuq wa.

WEAWEA 17:10

Kiijiishe Tatiwe raq Mosheq ma nguto, “Aron nyeakii ka Tongshong Tek kaü khaki na thüwa nongkiq. Arka Israilnok phongwa Ngi ngengtibi thun miitu tsangshiq raq bot nyantlaq kra tsaq mak lila siraüla, tsangshiq ka atsai miraq nguta hon chong bomtsi khake ma misilaq.”

WEAWEA 17:6

Akha Mosheq raq Israilnok ma chongto. Kiimaq tsangshiq raq maiq phan wela aweatek raq apaiq ma maiqmiimii phan nyeakii ka achhuq chhuq kuqto. Tsangshiq nyeakii tlotli ka roqshiri anai. Kiimaq Aron nyeakii kiimin tsangshiq nyeakii phong krai adam na thüdamto.

WEAWEA 17:8

Kriimaq napjai niishe, Mosheq ka Tombutiip mong na wato. Raüta apaiq raq liikiita Lewi phan rii Aron nyeakiiti kriika aküsetiim chamto. Raüta apü setiim ka dongto. Raüta Almon petsi posetiim ka aman she riito!

1 Corinthians 10:10

Tsangshiq phong wa maiq wiijamti raq abot atsaü riiwanto. Kiikha hali nashiq riimin abot atsaü ka raa mak. Tsangshiq bot tsaü wantaqti thun ka Maiqtseati Rase raq jiip baiqto.

JOSHUA 4:7

Namshiq raq tsangshiq ma, Tatiwe Tongshong Tek raq Jordan rai jin wan kiita, Jordan rai kham ka süroq rükito nguta michongkuq han. Ara longkaü phong arka Israilnok ma pattup miitu ümchaü akhing na Jordan rai ka jamkho jin wantaq kra manphan tiitsang chang manphan miraq.”