WEAWEA 17:10 - ASII LAKDAP Bible (BSI)

¹⁰ Kiijiishe Tatiwe raq Mosheq ma nguto, “Aron nyeakii ka Tongshong Tek kaü khaki na thüwa nongkiq. Arka Israilnok phongwa Ngi ngengtibi thun miitu tsangshiq raq bot nyantlaq kra tsaq mak lila siraüla, tsangshiq ka atsai miraq nguta hon chong bomtsi khake ma misilaq.”

Hawa Naga Bible 2001

¹⁰ Yehowa rueq Moshe muex ngoc, “Arun ngvlhtulc kuex Bomkhvrc Jep khaungkac nuex tvyez taq shuiuz. Vkhawc vlvlc jix Israel miqsaz rueq mvrax tvgurc kvbot nyvnx ruiux yuq, vthueyc rvhumc tuex lvmz honc tvsvmz kuy muex yaungc tvkoc Arun ngvlhtulc kuex kvyuq dvyx tvy rax,” ngoz tueq jungx tueq.

WEAWEA 17:10 Referencias Cruzadas

Tvtsvmc 57:4

Ngi ka ijaqti raq tiikomtam maq komwanto, tsangshiq ka maiqphaqti hangsi kong ikha. Tsangwi phong ka piq khu ikha kiimaq liqsin ikha sihea; tsangtili thun ka jasai phong sihea ikha.

DUNGWVNC 16:32

Mosheq raq nguto, “Tatiwe raq nashiq ma aming kuqto, rawiichii pat na nasetiim ma tiichhike miitu manna wiijam ka aheawiq saiqsam ronglaq nguta aming tatto. Krai mren tsangshiq raq nashiq ka Tatiwe raq Ejip mung wa tsuq wantaq akhing na kumtsaiphii rumnyangkhi mung maq jamlai wa phaqsiq wan kai kra dung ka tsangshiq riimin michhi.”

DUNGWVNC 16:34

Tatiwe raq Mosheq ma aming kuqtaq kra phan phan, Aron raq kra tsabum chii manna thütaq kriika Tongshong Tek kaü khaki na tothüto. Raüta kiijaq aheawiq saiqsam thüto.

ISAIA 1:2

Tati raq nguto, “Ra nai hiq lei, Ngi raq jam lai wa chongtiikang kra taironglaq! Nosere Ngi raq atiijonglu wanha thun raq ikiq khiitlo. Raüta iwokhong wa donghotlo.

Hosea 10:9

“Gibea chela maq ngarai tang pha wan, O, Israilnok lei. Ümchaü min tangruq li tang tlan. Re raq Gibea chela miishe mikhat pha wan.

WEAWEA 14:5

Kiijiishe Mosheq nai Aron ka mungmaiqse khaki na hiq na bumki tlii bumkito.

WEAWEA 16:21

“Namshiq ka arkong tho wa jai na tiijin tlo ronglaq. Kiimaq Ngi raq tsangshiq ka ümchaü tlothit mitiijiim baiqha.”

WEAWEA 16:38

Kra wawinpin thun ka ümtiikiiwa Tatiwe berong wacha na kuqtaq kriikha maq asii she jakito. Kra ningkhan tsangshiq ngarai tang kha na tsaitaq wetiim wa winpin thun kra adam na riichomlaq. Laüta pisaisai diimsetiim ma tiiqlaq. Laüta kra diimsetiim maq berong-wacha kra joblaq, kriika Israilnok miitu tsii lam chang saqse misilaq.”

WEAWEA 16:40

Arka Aron saüse phan riimakti raq, juli jiimin berong-wacha tho na Tatiwe ma homseng honglu chaq wa maimak nguta, Israilnok miitu honlam bomchong ashi riito. Kriiti ka Kora nai asenginok khiimbaiqtaq kiikha wa raq apaiq kiimin mikhiimbaiq. Arthun jaqsham klo wantaq arka Tatiwe raq Mosheq lümaq aming kuqtaq kra phan phan Eleajar raq kloto.

WEAWEA 17:11

Tatiwe raq aming kuqtaq kra phan phan Mosheq raq jaq ka shamto.

WEAWEA 17:4

Laüta kra nyeakii thun ka Ngi asi Tombutiip mong na Tongshong Tek khaki na, Ngi raq ümniirai riihumtiikang ba kiijaq thülaq.

WEAWEA 17:9

Mosheq raq kra nyeakii thun ka wiita lam hoto. Raüta Israilnok ma tiichhito. Kiimaq tsangshiq raq kra jamkho jataq kra chhito. Kiimaq maiq phan welatek raq maiqmiimii nyeakii kra jang rang she janghoto.

WEAWEA 20:9

Kiimaq Mosheq ka Tombutiip mong na wato. Raüta Tatiwe raq aming kuqtaq kra phan phan kra nyeakii kra lam wato.

WEAWEA 4:18

“Kohath weraü phan wa maiq ka

1 Corinthians 10:10

Tsangshiq phong wa maiq wiijamti raq abot atsaü riiwanto. Kiikha hali nashiq riimin abot atsaü ka raa mak. Tsangshiq bot tsaü wantaqti thun ka Maiqtseati Rase raq jiip baiqto.

Ephesians 5:6

Krai mren, namshiq ka arot akiq, joksaü liiqse bom na naqshon bii rongkiq. Ara chongtiikai ngarai thun arkha na, Shiikeawe tsankhiq walü ka, jurwa apaiq aming lang mak shishe tlaq, kriiti thun thaq na misaüho.

TRI CHONGKE 9:24

Ngi raq namshiq rai mang riisap wan li maq, namshiq raq Tatiwe kiq khü sru wan kra chhi wan kang.

TRI CHONGKE 9:7

“Namshiq raq Tatiwe namshiq Shiikeawe tsan ka kumtsaiphii bintang jüngi mung maq tiikhiq wan lan ira ümtiikiimin naq laq rongkiq. Namshiq raq Ejip mung wa laü wan ranaiq maq pha lanta, namshiq ka arjaq saü wan lan ranaiq na saüli, namshiq raq apaiq kiq khii wan lan.

Hebrews 9:4

Kra khok mong niika, chaq ngam maq lo raüta ajop, homseng win honglu chaq chang beongwacha asi. Kiimaq kiijaq Tongshong Tek kra thü tlo. Tongshong Tek kriimin chaq ngam maq ajop raüta ahai. Kra Tongshong Tek mong niika, chaq ngam maq ahai tsabum chü ashi asi. Tsabum mong niika man niiwa, mana athü asi. Kiimaq Aron nyeakii acham arki ka wiijaq tam maq athü asi. Kiimaq longpen kiimin anai asi. Kra longpen kaü nai niika, Shiikeawe raq akuq Aming Roqshi kra waiq raüta athü asi.

1 SAMUEL 2:12

Eli senai ka haibihiiti. Tsangnai raq Tatiwe ma tsantsii kuq mak.

1 SAMUEL 30:22

Shatmaq Dawit rai kongshi maq rekhatkai damti phong kriiwa, maiq wiijam ahon atsii atoqti, kiimaq maiqjiq ngamphiqti raq, Dawit nangnga, “Tsangshiq ka nashiq rai rekhatkai santla kidam mak. Kriikha na nashiq raq sepat lopi ka tsangshiq ma pheakuq mai. Tsangshiq raq maiqmii chak asetiim thun kriili tsuq wan raüta, miwa wan laq,” nguta bompai shun bomto.