WEAWEA 16:9 - ASII LAKDAP Bible (BSI)

⁹ Israilnok Shiikeawe raq namshiq ka Israilnok phong wa pong na tsea wanto, raüta namshiq raq apaiq tho na wa lanta, Tatiwe Tombutiip na apaiq shiikum pan jaqsham arang kuqto, kiimaq mungmaiqse miitu shomnoq jaqsham kuqto kiimaq tsangshiq shiikum pan jaqsham kuqto, arka hiqtilise kuqto ngutiisha tiima tlan?

Hawa Naga Bible 2001

⁹ Israel Tishox rueq nuimshiq kuex vpiq kox nuex tvnvp vtueq Yehowa Tap nuex yauk shuimc tvkoc nuiyc miq kung lotlaz laung yauk shuimc tvkoc pungx thvl taq kv-phuinx. Kvruex kuex yauk shuimc vruinx saz ngoz tueq haz tvmaung vshuinx?

WEAWEA 16:9 Referencias Cruzadas

RAPHA HIQWA LAK 30:15

Kiijiishe Lea raq treto, “Riita ümniiraq iwese nyeaho laü kra riimin hongmak shea? Kriithaq na hali ümchaü ümniiriika ise raq alam wan juni pe mandrek thun kriimin nyeaho dan tlaü nya.” Kiijiishe Rechel raq nguto, “Ümniiraq ümse raq alam wan tsairai pü kra ngi ma kuq haü jiika, athi rawa ka Jakob namnai kon mimai na.”

2 SAMUEL 7:19

Riishatmaq min, O, Tati Rakaü Hiqwe lei, ümchaü hali ümniiraq kriithaq niimin jonghea apashe hali shamkuq wan nongtlaü. Ümniiraq rawiichii pat achat na ilai ila thun jonglu wan miitu kiqkham raüpot thun khakuq wan laü. Tati Rakaü Hiqwe lei, ümniiraq maiq weshi ma arthun ara tiichhi kuq laü she!

2 KAÜWA WERAÜ 35:3

Kiimaq apaiq raq Israilnok ma shrinketi shrabi, Lewinok ma, tsangshiq khum ka Tatiwe ma kiinong ketibi ma akha tsü chongkuqto: “Dawit se Hokhamwe Solomon raq raq ahai Shomjam mong na asii Tongshong Tek ka thü ronglaq. Namshiq kriika bashi na piho piho ka raamak she. Shatmaq namshiq raq Tatiwe, namshiq Shiikeawe nai asengi Israilnok kra shiikum pan chang she.

NEHEMIA 12:44

Kra akhing na, Shomjam na lang miitu mungmaiqse raq lungwii honglu, aroqkhu honglu, tsamnye ajut honglu, rawiitek petsi wiqtsam honglu, thüchang tsamtiip khok thun kra liiko wanti, cherewetiim tsea raüta shongto. Tsangshiq raq chongtiikai honglu thun ka, Thungtri na chongtlaq kra phanphan, ramwebi nai Lewinok dunghea miitu, chela thun tro na wak ram kiiwa riichom raüta, saiq sam wan arang ka tsangshiq ma kuqto. Kiimaq Juda wangti mungmaiqse kunli, ka ramwebi nai Lewinok ma, khoqriiq shishiiq maq siwanto.

ISAIA 7:13

Kiijiishe Isaia raq treto, “Tailaq, ümchaü, Dawit Hokhamwe saüse phan lei. Ümniiraq maiq ma tsütsa tiisitlaü shatmaq maiqse raq laa maq anin riiwantlaq, riita ikhla Shiikeawe raq ninrattlaq kra thittlaiphok shea miniqsiqhaü?

EJEKIEL 34:18

Namshiq phong wa wiijamti ka nyiimlung rü ahea pinthum kra phaq lan tiimin, namtsan ka heamak sitlan. Namshiq raq phaqlot man achan ana nyiimlung rü kriimin hok maq nishishi nilanta tiibibaiqtlan! Kiimaq namshiq raq khamchum khangriri hea kra nyangtlan. Shatmaq namshiq raq nyang man she kham ka hok maq nishishi lanta wiita atiingi riibaiq tlan!

EJEKIEL 44:16

Tsangshiq kli she i Shomjam mong na nyap wa raüta, Ngi ma hongluke chang berong-wacha kiijaq jaq misham wan kiimaq shomjam na noqku kra milii wan.

WEAWEA 1:53

Shatmaq Lewi phan raq tsangshiq piitiip ka Tombutiip tro na tei wan ratlo. Raüta Tombutiip kra khe ratlo. Kriika maiq ahinti jumin kra tho na wamak chang miitu. Kiimaq itsan tiikhiq raüta Ngi raq Israilnok ka jiipbaiq mang chang miitu khe wan ratlo.”

WEAWEA 16:13

Riita ümniiraq naishiq ka hiqpo hiq win hiq Ejip mung wa arjaq tsuq wan laüta, ara bintang jüngi mung arjaq tseabaiq ma tsuq wan laü armin hong mak dea ngutiisha tiima tlaü? Kriithaq niimin ümniika naishiq khuthaq na dü laüta naishiq ka kai jamshaha jaq ngutiisha tiima tlaü?

WEAWEA 16:8

Mosheq raq Kora ma akha nguto, “Tai ronglaq! Namshiq Lewi phan raq!

WEAWEA 3:6

“Lewi phan ka shea wakiq. Laüta tsangshiq ka ramwe Aron jaqshisetiim miitu shonglaq.

WEAWEA 3:9

Lewi phan raq jaqsham chang akhek ka Aron nai asetiim kra shiikum panke ratlo kriili akhek.

Acts 13:2

Tsangshiq ka Shiikeawe shomnoq, amang maq achu jaü sitlaq liipan na, “Barnabas nai Saul ka ngi miitu pong na raithü ronglaq. Tsangnai ka i jaq sham miitu, ngi raq ashong kun she,” nguta Asii Wenyi raq tsangshiq ma chongkuqto.

1 Corinthians 4:3

Krai mren, ngi raq ara traho bomchong tiikang arka, namshiq riilo, kiimaq nanok maiq ahinti riilo, ahea abi nguta chechiip tlan sha, chechiip man wa, kra miitu ka akhiismin brorii mang. Ngi raq ngi nai ngi santla tiisai ran mang.

TRI CHONGKE 10:8

Pumji maq Tatiwe raq Lewi phan maiqwere ma Tongshong Tek kra shiili jaqsham arang kuqto. Kiimaq apaiq ramwebi jaqsham miitu kiimaq apaiq mang na ram ramke wan miitu shongto. Riita ümchaü min arthun jaqsham arka tsangshiq arang na sitlo.

1 SAMUEL 18:23

Krai mren, tsangshiq raq kra tsütsa ka Dawit ma chongto. Kiimaq apaiq raq akha treto, “Hokhamwe chaiwe ma ja ka pinthum shreng jonghea. Ngi akhnok jehin nore wepuq wese miika jonghea thekmak.”