WEAWEA 16:42 - ASII LAKDAP Bible (BSI)

⁴² Tsangshiq ka Mosheq nai Aron tiishut ma adam na kunli riitam wan jai she, tsangshiq ka Tombutiip nü na liito. Kiimaq tsangshiq raq phumda kaü ka satki raüta tiip ka pang wanto. Kiimaq Tatiwe asi makse chathit chhainyii liliimtlaq ka kiijaq chhairaitlaq kra chhito.

Hawa Naga Bible 2001

⁴² Tsuingshiq kuex Moshe nuiyc Arun muex mvrax tvgurc tvkoc rvtuimx kaz vtueq Tap kox kvyuq lawc koq tueq, phuemx rueq tap kuex puingc wvnc vtueq Yehowa httax yaq ngauz vngax phelez yaq kuex khiz wuez tueq.

WEAWEA 16:42 Referencias Cruzadas

DUNGWVNC 16:10

Aron raq mungmaiqse kunli ma bom chong kuqtaq krai mren, tsangshiq raq kumtsaiphii rumnyangkhi wang nü kiina liito. Kiimaq tiihanghiiq miili Tatiwe chhainyii makse chat-hit kra phumda dashi mong na chhai wanto.

DUNGWVNC 16:7

Ranap na Tatiwe asi makse chat-hit chhai-nyii kra michhi han. Namshiq raq apaiq ngeng bot nyan lan kriika apaiq raq taito she. Tengto, namshiq raq apaiq ngeng bot-nyan lan. Jamkhano ngukla nainai raq jaqsham tiikai kriika apaiq raq achong chong kli shamtiikai.”

DUNGWVNC 24:16

Kiimaq Tatiwe asi makse chat-hit chhainyii ka pum thaq na saükito. Israilnok maklii niika kra walü li chhaitlaq kriika pum khuthaq na walütu kaü nyairaitlaq ikha riito. Phum raq pum ka ratrok na saüli pangbaiqto. Kiimaq ramiishi ranaiq she angu na Tatiwe raq phum mong maq Mosheq ka heato.

LEWI 9:23

Raüta Mosheq nai Aron ka Tatiwe asi Tombutiip mong niishe nyap wato. Kiimaq tsangnai ka tiipmong maq kinphai na dongkito. Raüta tsangnai raq mungmaiqse ka shiiman kuqto. Kiimaq Tatiwe asi makse chathit chhainyii liliim ka mungmaiqse ma tiichhi kuqto.

WEAWEA 14:10

Shatmaq mungmaiqse tlotli raq tsangshiq ka long maq tiitsailaq tiiqbaiq rong i nguta danto. Shatmaq tiihanghiiq miili mungmaiqse raq Tatiwe asi makse chathit chhainyii raitlaq kra Tombutiip khuthaq na chhito.

WEAWEA 16:19

Kiijiishe Kora raq asengi kong ka wiinoktam kiijaq tiithungto. Raüta tsangshiq ka Mosheq nai Aron rai khariire na Tombutiip kilamchong na chapto. Kiijiishe tiihanghiiq miili makse chathit achhai anyii Tatiwe asi chhainyii ka tlotli mungmaiqse mak ki na saükito.

WEAWEA 16:43

Kiijiishe Mosheq nai Aron ka wa raüta Tombutiip rinkea kiijaq chap wato.

WEAWEA 20:2

Kiijaq tsangshiq piitiip teitaq ba niika kham ahü riito. Kra ningkhan mungmaiqse ka Mosheq nai Aron tro na riitamto.

WEAWEA 20:6

Kiijiishe Mosheq nai Aron ka mungmaiqse phong wa tiisot wanto. Raüta Tombutiip kilam chong na chap wato. Raüta tsangnai ka hiq na bum rang bumkito. Kiimaq makse chat-hit Tatiwe chhainyii liliim kra tsangshiq makki na chhai wanto.