WEAWEA 16:15 - ASII LAKDAP Bible (BSI)

¹⁵ Mosheq ka atsan khiqto. Kra ningkhan Tatiwe ma nguto, “Arwetiim raq honglu kuqtlaq thun ka ashi min naq taokiq. Ngi raq tsangshiq phong wa ju miimin ashut klomang. Ngi raq tsangshiq kumtoq kong wa kaüshi ra dongdii min lamho mang.”

Hawa Naga Bible 2001

¹⁵ Moshe kuex vthuinz khaq hvlc rvtueq Yehowa muex ngoc, “Kvruex hez rueq shomc kuy muex vwvnc kuex nauk thoz taq kaz. Ngaz rueq tsuinghez washiz muex muinz wvlc guez tvyaungc mauk doc; tsuinghez kox wawc loze vshiz doc muinz nyvlc mauk doc,” ngoz tueq jungx tvtay tueq.

WEAWEA 16:15 Referencias Cruzadas

2 SAMUEL 22:22

Ngi raq Tatiwe tri lang tiikang; ngi ka i Shiikeawe wokhong wa, ahin na juho mang.

DUNGWVNC 32:19

Ümtiikiiwa Mosheq ka piitiip tho na aje niishe saüho raüta liikiita kra saüla pongse sumla kra chhito. Kiimaq mungmaiqse ka kiijaq awiinum sea chhito. Kra chhi raüta apaiq ka pinthum amokdung dung she khiqto. Kiijaq pumji chong na apaiq raq pitlaq longpen wiinai ka hiq na riiwak baiqto. Raüta kra longpen wiinai ka tiibun baiqto.

TAKSU LAK 21:27

Ashutwe raq akuq honglu ka, Tatiwe raq tao mak. Akhek ka tsan na ajiq tiima raüta, honglu akuq kra saisitlo.

WEAWEA 12:3

(Mosheq ka tsan nin heawe, mangjong hiq na apaiq khan tsan nin pinthum ka maiq ahü.)

WEAWEA 16:16

Mosheq raq Kora ma nguto, “Anap ranaiq ümnaq kiimaq ümsengi 250 ka Tatiwe asi Tombutiip na wa ratlo. Aron min kiijaq asi miraq.

Matthew 5:22

Shatmaq, ümchaü ngi raq namshiq ma chongpha: Jurwa phunaino ma khiq riq tlaq, kriiti ka rung na mitiichap. Kiimaq jurwa phunaino ma, ‘Ümnaq ara thiihü pinthum!’ nguta sontlaq, kriiti ka Rung na mitiichap. Kiimaq jurwa phunaino ma, ‘Ümnaq ara ralang bangbang li’ nguta sontlaq, kriiti ka wamungtan na dea wan nam nam she ikha miraq.

Mark 3:5

Jesuq raq tsangshiq ka lii raüta, atsan khiq wa la riito. Shatmaq, tsanko miika, tsangshiq shut tlaq kra nai tsangshiq tsantsii wanrai tlaq kra chhi raüta, tsangshiq ma amang chan tsi wala hali riito. Kiijiishe apaiq raq maiq we kiima, “Ümjaq phi ka tlii laq,” nguta thaüto. Krai mren, apaiq raq ajaq ka tliisaq riito. Kiimaq ajaq tsi ka tiidoqra, heakisaq heakito.

1 Corinthians 9:15

Shatmaq ngi riika ara chong tiikang thun arang ara holata, jaq phi chiimshat maq jujaq wiimin jaü phaq siq mang dea. Kiimaq ara ümchaü waiq tiikang armin, ara chong kang thun arang apang, ngi raq alap chang asi, namshiq raq ngi ma kechang sitlaq kra jaüphaq sia ma nguta riimak. Ngi raq namshiq ma, ngi dung hea hekiilai kra tiiho nam miika, atsaikai riiwe rotiikang! Jurmin ngi raq arang hotiikang arka atu na tiimo baiq lot mak!

2 Corinthians 1:12

Naishiq ka phanshi miitu tiishomra wan tiikai. Riita arka tengteng chongtiikai. Shiikeawe raq jamkho lungwii tlaq, kra phan phan naishiq ka namshiq rai jaqsham kaiwa na, abom asa na tingting kiimaq tsangriri hea maq sitiikai. Naishiq hon atsii ka maiqse taksu tsii raq shun shea raüta riimak, shatmaq Shiikeawe kaphap ningkun raq shunshea raüta sitiikai.

2 Corinthians 7:2

Naishiq siwan miitu namshiq tsan nai mongjii na khok ka thüshat thü rong laq. Naishiq raq ju tsan min tiibi mai dea. Naishiq raq jumin shiithen jen mai. Kiimaq jumin nanshan wan mai.

Ephesians 4:26

Maiqse ngojai na tsankhiq chang akhing ka misaü na. Shatmaq, tsankhiq tlo nguta ngarai naq tang rongkiq. Kiimaq ranaiq minru, tsankhiq shonli rashe ka naq tiicha baiq rongkiq.

1 Thessalonians 2:10

Naishiq raq namshiq ma ara Tsütsa Ahea chongkuq kai irka, tiima tsantsii siirairai, tingting, kiimaq tsan na jamlai ajiq tiima ahü miidea shamkuqkai nguta, naishiq ma hakhi ketibi ka namshiq sitlan. Kiimaq Shiikeawe riimin achhi.