WEAWEA 15:9 - ASII LAKDAP Bible (BSI)

⁹ ariirai ka wong-honglu ka bunwong win kilogram atsam kriika oliptai litarnai rai adam na shot raüta honglu na kedam chang.

Hawa Naga Bible 2001

⁹ olip puiz liter 2 maq vshot wungwanx kilogram 3,

WEAWEA 15:9 Referencias Cruzadas

1 KAÜWA WERAÜ 21:23

“Lamho laq. O Chaü lei,” nguta Arauna raq nguto. “Laüta ümniiraq jamlai klo wa tiima tlaü kra klo laq. Berongwacha na wiipumtam maq wa na chaqtlii take miitu min ara minsaü pongwetiim arjaq ara. Kiimaq tsambuk chang pepen thun min asi wa chaq chang chin miitu. Kiimaq honglu kechang bunwong min arjaq ara. Ara wiita ngi raq ümniima kiinong kuq tiikang.”

NEHEMIA 10:33

Kiimahali, nashiq raq Shomjam na Shiikeawe noq wan miitu, huk asam arthun ara mikuq wan rong i: asii winsii kra, ranaiqtek rai awong honglu na kewan chang kra, ranaiqtek wa maq chaq raüta nyamse take wan chang raa wan tlaq kra, Asii Niitiitsak Ranaiq ranaiq akhingtek na asii honglu kewan chang kra, kiimaq Jipi Jinye Dong Poi na kewan chang honglu kra, kiimaq Poi ahin sitlaq akhing na kewan chang honglu thun kra, kiimaq laihin asii honglu kewan chang sitlaq kra, kiimaq Israilnok ngarai tiikhoi miitu honglu kewan chang sitlaq kra, kiimaq arthun thaq niimin, Shomjam na lang wan miitu jamlai huk sam wa rongraa tlaq kra michom kuq rong i.

EJEKIEL 42:13

Kra maiqwe raq ngi ma nguto, “Ara jam wiinai arka asii. Ara jam wiinai arjaq Tatiwe man na chap wati, ramwebi raq asii pinthum honglu thun kra phaqsiq tlo. Ara khok thun arka asii, kha maq ramwebi raq asii pinthum ngam rea thun ka arjaq thütlo: rai awong honglu thun nai ngarai miitu honglu ngam thun kra, riimakla thiitham honglu akuq thun kra thütlo.

EJEKIEL 46:11

Phaqsea poi ranaiq thun akhing na kiimaq kukkuk memei poi akhing ranaiq na wong-honglu ka litar roqshi ri miishi ri athiq riichang. Kriika loweatek minsaü pongwe ashi riimakla sku ala ashi kuqtlaq kriirai kechang. Kiimaq skuse aransetiim kuqtlaq kriirai ka honglu kewantiwe apaiq raq aroro ke wan chang. Olip petsitsai ka litar tsam, ara chongtiikai wong-honglu kuq wantlaq ariirai kewan chang.

EJEKIEL 46:15

Skuse, bunwong wongwin, kiimaq oliptsai honglu ka Tatiwe ma wranaptek pattup pat-sa kuq wan ruq riichang.”

EJEKIEL 46:5

Apaiq raq sku ala kaüshi honglu kuqtlaq kriirai püwong win ka litar roq hi ri miishi ri athiq kiimaq skuse aranse kuqtlaq kriirai skuse loweatek khum na apaiq raq jamlai phan kewan rowa kra kewan chang. Apaiq raq ara wong-honglu kuqtlaq tek kriirai ka olip tsai litar tsam ke wan chang.

EJEKIEL 46:7

Minsaü saüre pongwe ashi kiimaq sku ala ashi honglu kuqtlaq kriirai ka, püwong win ka litar roqshi ri miishi ri athiq, kiimaq skusetiim kuqtlaq kriirai ka sku loweatek rai mungtuwe apaiq raq aroro kra ke chang. Ara wong-honglu kuqtlaq kra aweatek na olip tsai ka litar tsam ke chang.

Yoel 1:9

Tatiwe jam na wongrai honglu nai spiqtai honglu, kewan chang min ahüshe. Kriikha na Tatiwe jaqshamti ramwebi hoqtrang tlo.

Yoel 2:14

Jursap namshiq Tati Shiikeawe raq, apaiq tsantsii kiiwa klai wan jiiq riila, Raüta namshiq ka rongboq jawan miitu, ramram jaqsham misham kuq wan. Kriishe nguraü ka namshiq raq apaiq ma, tü atsam honglu mikuq wan han.

LEWI 14:10

Ratiichat ngo ranaiq na apaiq raq wiishi sku pongse arese nai anai kiimaq skuse are se skushii akhum nyeajokjok, jamlai ami atsi ahü, kiimaq bunwong win kilogram atsam ka olip tai rai shot raüta lam wan chang, kiimaq olip tai ka litar shi wa mantsam na tiikho raüta manshi kra lam wan chang.

LEWI 6:14

Wong-honglu thungtri raütu ka arthun ara. Aron phan ramwe raq wong-honglu ka Tatiwe ma berong-wacha khaki na kechang.

LEWI 7:37

Riita arthun thungtri raütu ka chaqtlii-honglu thun kuqtlaq akhing na, wong-honglu thun kuqtlaq akhing na, ngarai-honglu thun kuqtlaq akhing na, thiitham-honglu thun kuqtlaq akhing na, ramwe-shong-honglu thun kuqtlaq akhing na, kiimaq rintii-honglu thun kuqtlaq akhing na lang wan ratlo.

WEAWEA 15:10

Arka spiqtai litarnai krai adam na kechang. Ara honglu khiimtsang ka Tatiwe ma tsan tiiheali miraq.

WEAWEA 15:8

Ümtiikiiwa minsaü pongwe ka Tatiwe ma chaqtlii-honglu na kuqtlaq riimakla sinkham tiikhoi honglu na kuqtlaq riimakla rintii-honglu na kuqtlaq,

WEAWEA 28:12

Wong-honglu niika bunwong win olip tai rai shot laüta kuqlaq: minsaü pongsetiim loweatek rai, bunwong win kilogram atsam tsam chhaq; sku pongre se krai ka bunwong win kilogram anai kuqlaq;

WEAWEA 28:14

Riikhaqli spiqtai-honglu ka minsaü pongwe ashi rai spiqtai ka litar nai nai kechang, kiimaq skupongse rai ka spiqtai ka litar shi ri litar thiq thiq kechang, kiimaq skuse loweatek rai ka spiqtai ka litar shishi kechang. Ara tri arka jipi jiha ranaiq shi angu na jipi lütek na rawii tiithumli lang chang.

WEAWEA 29:6

Arthun arka, tri na chongtlaq kra phan phan jipi jinye ranaiq na chaqtlii-honglu kuqtlaq kiimaq, kriirai wong-honglu kuqtlaq, kiimaq akhingtek na chaqtlii-honglu kuqtlaq kiimaq kriirai wong-honglu kuqtlaq, kiimaq spiqtai-honglu kuqtlaq, kriithun kriithaq na kuqtlo. Ara phaqsea-honglu thun ara khiimtsang ka Tatiwe ma tsan tiiheali miraq.

1 SAMUEL 1:24

Apaiq raq no ma pünyang ka tiipan lot jai she, apaiq raq no ka Shilo na sheahoto. No rai wiitsam minsaü pongse ashi, kiimaq bunwong wongwin tok roqshi kiimaq spiqtai ka ngamkhü khiiq ashi mali hoho raüta kito. Apaiq raq Samuel ka nonose niili Tatiwe jam Shilo na sitlaq kiijaq shea thükito.