WEAWEA 15:15 - ASII LAKDAP Bible (BSI)

¹⁵ Pattup pat-sa miitu, namshiq ma kiimaq pong mungti namshiq rai sidamtlaqti ma, thungtri ka raütu ka ashili. Namshiqnok nai tsangshiqnok ka Tatiwe maklii na adam siili.

Hawa Naga Bible 2001

¹⁵ Nuimshiq muinz nuimshiq rulc httaz naungc jix pungnuk miqsaz rueq muinz tvrac vruex kuex pat vjat phvnc rax. Nuimshiq nuiyc tsuingshiq kuex Yehowa htumc nuex vshiz dvyx yaungx vtuinx ningkhvnc nuex,

WEAWEA 15:15 Referencias Cruzadas

ESTHAR 9:27

Jehudinok mungmaiqse raq, ara chong tiikai akhing ranaiqnai arka, tsangshiq Jehudinok raq, kiimaq saüpat sepat na saüli, kiimaq maiq ahinti phan juwa Jehudinok khü maq tiihong raüta sitlaq kriiti thun kunli raq, rawiitek akhing khaq khaq na jamkho chongkuq wantaq, kra phanphan Purim Poi ka klo wan raa tlo, nguta tri atsin maq kha thü wanto.

DUNGWVNC 12:14

Namshiq raq ara ranaiq arka, Ngi Tatiwe raq jamlai wa shamkuq kang kra tsan na tiitsang wan miitu kamtsantsii poi ma seng lanta lang wan ratlo. Arka Ngi Tatiwe raq namshiq miitu jamlai jaqwa shamkuq kang kra nam tsan na tiitsang shat miitu akam alam poi nguta lang wan ratlo. Arka pattup pat-sa langruq ronglaq.”

DUNGWVNC 12:24

Namshiq nai namsetiim raq ara tri raütu arka pattup pat-sa lang ratlo.

DUNGWVNC 12:43

Tatiwe raq Mosheq nai Aron ma akha nguto, “Tiichhii Wan Poi thungtri ka arthun ara: Pongmungti raq ara Tiichhii Wan Poi dung ka phaqsea dam maimak.

DUNGWVNC 12:49

Kra tri ka Israilnok phan noktiwe miitu min kiimaq namshiq rai pongmungti ashong wan wanwe kriiti miitu min adam siili.”

DUNGWVNC 28:43

Aron nai asetiim raq wranaiqshe arthun rohun ara sam raütiitiq, tsangshiq ka Ngi asi tombutiip na wachang riimakla Asii Khok na berong-wacha na honglu kewa ramwe jaqsham wa chang. Kra raütiq tsangshiq sham ka tiichhi wa kha na tsangshiq ka tsatbaiq mak miraq. Arka pattup thungtri raütu, Aron nai asaü asetiim raq lang chang.

LEWI 24:22

Ara thungtri ka namshiq tarü miitu. Israilnok miitu kiimaq wanshawe pong mungti namshiq rai shongti miitu. Jamkhano ngukla Ngi ka Tatiwe namshiq Shiikeawe.”

WEAWEA 10:8

Kra lerong wiinai ka Aron setiim, ramwebi raq tsü chang. “Arthun thungtri raütu arka pattup lang wan ruq riichang.

WEAWEA 15:14

Kiimaq, ümra akhing niili jiimin, maiq weshi ra pong mungti namshiq rai sidamti, alo se miitu lo, riimakla pattup miitu lo, shongtlaq kriiraq phaqsea-honglu kuqtlaq khiimtsang ka, Tatiwe ma tsan tiiheali miraq, kra akhing na apaiq raq thungtri ka kriisiili lang chang.

WEAWEA 15:29

Kra thungtri ka maiq loweatek miitu jurwa hemak lam maq ngarai klotlaq, Israilnok phan noktiwe jiimin kiimaq pong mungti wanshawe raq klo raü min kiikhiisii klo wan chang.

WEAWEA 18:8

Tatiwe raq Aron ma nguto, “Tsan na tiitsanglaq, Ngi ma kuqtlaq honglu thun wa na chaq chang riimak tlotli akhek jaqmiiq thun kriika, Ngi raq ümniimiishe kuqtiikang. Ngi kriithun ka ümniima nai ümsaü ümsetiim rii pattup pat-sa miitu saqseng athiiq ikha kuqtiikang.

WEAWEA 9:14

“Kiimaq namshiq phong na pong mungti sitlaq kriiraq Tiichhiiwan Poi ka lang wan lungwiitlaq jiila, apaiq raq thungtri na chongtlaq kiimaq aming thun na chongtlaq kra phan phan klo ratlo. Tri ka wiitarü miitu adamli. Noktiwe lo kiimaq pong mungti lo.”

Galatians 3:28

Krai mren, ümchaü sanha, nashiq liipan na, arka Jehudinok phan, arka Pongnok phan nguta, rairii wan chang lam ka ahü she. Di ama phan nai chiisan maiqse phan, nguta tiikhothiq wan chang min ahü she. Kiimaq jechak nai maiqwe nguta, tiikhothiq wan chang min ahü she. Namshiq wiitarü Jesuq Khristo rai pumshi hanshi she jawan lan, krai mren, namshiq wiitarü ka weshi ikhli she sitlan.

Colossians 3:11

Riita, arka pum anye miishe songkuq tlaq krai mren, ümchaü sanha, Pongnok phan maiqse nai Jehudinok phan liipan na lo, kiimaq athohanjeti lo, atho hanhüti lo, pongnok pongta phan lo, tawesang phan lo, di ama lo, kiimaq akimiikiim phan lo, arthun ara liipan na, ajong phan, aran phan nguta jamlai tiikhothiq kai chang min ahü she. Shatmaq, namshiq wiitarü khum na, Khristo sitlaq kriili she hongjiiq. Apaiq ka namshiq rilung na asi jiika hongjiiq she. Khristo kli wiitarü, kiimaq Khristo ka wiitarü khum na sitlo.

JOSHUA 8:33

Israilnok ka tsangshiq sheati tuwebi, siihiipbi, kiimaq phowebi, kiimaq tsangshiq rai siti pongmungti, thun ka Tongshong Tek siimhapri na len nai na chapto. Tsangshiq ka kra piti lewinok ramwebi ka tsangshiq khaki nü na tiihong raüta chapto. Nokwe khoko kong riika, Gerijim Pum ka tsangshiq jai nü na tiinyi raüta chapto. Kiimaq khoko kongshiti riika, Ebal Pum ka tsangshiq jai nü na tiinyi raüta chapto. Arka, Tatiwe jaqshise Mosheq raq, tsangshiq ma, achu shiiman lap akhing na, akha klo chang nguta aming kuqthütaq kra phan phan klotlo.

1 SAMUEL 30:25

Dawit raq arka tri miishe thüto. Krai mren, kra akhing miiphat she, Israil mung ara tri arka jaqkhon tiipha raüta lang wanto.