WEAWEA 14:8 - ASII LAKDAP Bible (BSI)

⁸ Tatiwe raq nashiq ma lungwiitsii thü raüla, apaiq raq nashiq ka kra mung na mishea wan. Raüta kra hiqpo hiq win mung ka nashiq ma mikiinong kuq.

Hawa Naga Bible 2001

⁸ Yehowa rueq naungshiq kuex raungc raq ruiux yuq, naungshiq kuex kvruex mungtan kvyuq shvlx wvnc vtueq, vrungx vwanx nuiyc ghaq vbur mungx kuex naungshiq muex kuq phuex.

WEAWEA 14:8 Referencias Cruzadas

2 SAMUEL 22:20

Apaiq raq ngi ka thiikhobok wa, tiidong wanto. Apaiq ka ngi ma atsan ahea kha maq, ngi tiikhup wongkuqto.

1 HOKHVMX 10:9

Üm Tatiwe üm Shiikeawe kli tiitsam i! Apaiq ka ümniima kai khoqriiqtlo, kriikha maq ümniika Israil mung thaq na hokham ma shongto. Jamkhano ngukla apaiq raq Israilnok mangchan tlaq kriika pattup pat-sa thumki mak phan. Krai mren apaiq raq ümniika tsangshiq hokhamwe ma shongto. Kriika ümniiraq mungmaiqse ka riikhaqli tri kappe maq shiiting shrai milang wan laq nguta shongto.”

2 HOKHVMX 18:32

Raüta ajong hokhamwe raq namshiq ka mung ashi aheawiq ümchaü ara nammung akha, spiqtai nyang miitu spiqro asi, winsii phaq miitu püwong kham ra jangphaq chang hiq asi. Olip pero tonglong mung, olip tai ka chamtraq, kiimaq ngiqngu chamtraq asi, mung na mitiisi wan. Namshiq raq apaiq aming kra tai han jiila, namshiq ka tsai man mirhan. Shatmaq atra misihan. Hejekia raq namshiq ma Tatiwe raq mitiichhiikuq nguta tsaiji tlam bom chongtlaq kriima naqshon rongkiq. Namshiq ka anginok ma naqja rongkiq.

Tvtsvmc 22:8

Tsangshiq raq ngutlo, “Ümniika Tatiwe ma kamlaü ihata, riita apaiq raq ümniika jamto tiichhiikuq mak? Tatiwe raq ümnaq rotlaq jiika, apaiq raq ümnaq jamto khrum mak?”

DUNGWVNC 3:8

Kra ningkhan Ngi ka tsangshiq kra Ejip mungti jaqkhon mong wa tiichhiike kai satki kang. Lata tsangshiq ka Ejip mung wa tsuq wan lata binlu binli hiqshong rahai, hiqpo hiq win mung na, ümchaü Kanannok, Hitaiqnok, Amoraiqnok, Perijaiqnok, Hiwaiqnok, kiimaq Jebusaiqnok sitlaq mung niishe mitsuq wanha.

ISAIA 62:4

Ümniika “Amiim arbaiq,” ngutiika ngumak she miraq, Riimakla üm mung ka “Junshu Nyung,” nguta ngumak she miraq. Ümmang anye ka, “Shiikeawe Ka Arnyung Rai Tsanhea,” ngutiishe mingu. Üm mung ka, “Chochikhiq Shongnga Wanto” ngutiishe mingu. Jamkhano ngukla Tatiwe ka ümniirai tsanhea Kiimaq apaiq ka üm mung ma awese ikha miraq.

JEREMIA 32:41

Ngi ka tsangshiq miitu shamhea kaiwa shamke wan niilishe mikhoq riiq siq wanha. Lata Ngi raq tsangshiq ka armung arjaq pattup miitu she mitiishong nga wanha.

JEPHANIA 3:17

Tati üm Shiikeawe ka, ümniirai asi. Apaiq ningkun jong maq ümniima, rekhat mitiitangkuq. Tatiwe ka ümniima michochi, Kiimaq apaiq lungwii wokhong maq, ümniima rilung anye she mikuq. Apaiq ka ashi ange miraq, kiimaq ümniima pinthum michochi,

WEAWEA 13:27

Raüta tsangshiq raq Mosheq ma akha nguto, “Naishiq raq mung ka liiwakai. Laita mung ka chiithe jong hiq kiimaq hiqpo hiq win mung chhiwakai. Arjaq lamhokai petsi wiq tsam tu thun arli liimanta.

WEAWEA 16:14

Ümniiraq naishiq ka hiq po hiq win mung na shea wan maü shaq li. Riimakla naishiq ma wak ajam kiimaq spiqtsi ro sunruk thun ka naishiq ma tachong hupsam kuq maü shaq li. Kiimaq ümchaü ümniiraq naishiq ka alao riiha jaq nguta dan tlaü. Naishiq ka ümphana wamai!”

Romans 8:31

Riita, arthun chong wan kai arthaq na seng laita, nashiq raq jamlai she wa mingu rong i? Nashiq raq ong wan tiikai arka achong lot mai pahea she sitlo! Shiikeawe ri nashiq rai she jiika, nashiq ngeng wanti ka jushe wa misi? Ahü she!

TRI CHONGKE 10:15

Shatmaq namtitiim miitu Tatiwe lungwiitsii ka pinthum jonghea kha maq, nanok maiq mung ahinti ka tsea wan la na apaiq raq namshiq ka tseatsiiq wanto. Krai mren, ümchaü li jiimin namshiq ka apaiq raq atsea wan asenginok sitlan.

JOSHUA 14:12

Riita, ümchaü min, ikongtitiim nai ngi raq kra tsütsa chongkuqho kai akhing na, Tatiwe raq ngi ma mikuqha nguta kiqkham kuqtaq, krai mren, ara ku akin binjü thun arka ngi rii chumkuq laq. Kiitiikaq naishiq raq ümniima kra binjü na sitinok ka Anakim phan, jonghea luhea phan sitlo nguta chonghokai ihata. Kiimaq tsangshiqnok sichang chela thun ka, ajong min jong hea, trotam maq long maq aruk nguta chonghokai ihata. Li jiimin, Tatiwe ka ngi rai asi miraq. Tatiwe raq ngi ma jamkho kiqkham khuqtaq kra phanphan, ngi raq tsangshiq ka khat lata, chela thun ka mijii wanha,” nguta Kelib raq Joshua ma chongto.