WEAWEA 14:10 - ASII LAKDAP Bible (BSI)

¹⁰ Shatmaq mungmaiqse tlotli raq tsangshiq ka long maq tiitsailaq tiiqbaiq rong i nguta danto. Shatmaq tiihanghiiq miili mungmaiqse raq Tatiwe asi makse chathit chhainyii raitlaq kra Tombutiip khuthaq na chhito.

Hawa Naga Bible 2001

¹⁰ Miq htenc rueq kvruex kvjaz kuex tay vtueq, tsuingnueyc kuex lung maq tuip thvy gay tvkoc hunglaungx wuez tueq, yuq muinz kvkaq yauk lox nuex dvyx Yehowa ngauz vngax kuex vpiq httax yaq tap htauk nuex phelez yaq kuex tsuingshiq rueq khiz tueq.

WEAWEA 14:10 Referencias Cruzadas

DUNGWVNC 16:10

Aron raq mungmaiqse kunli ma bom chong kuqtaq krai mren, tsangshiq raq kumtsaiphii rumnyangkhi wang nü kiina liito. Kiimaq tiihanghiiq miili Tatiwe chhainyii makse chat-hit kra phumda dashi mong na chhai wanto.

DUNGWVNC 16:7

Ranap na Tatiwe asi makse chat-hit chhai-nyii kra michhi han. Namshiq raq apaiq ngeng bot nyan lan kriika apaiq raq taito she. Tengto, namshiq raq apaiq ngeng bot-nyan lan. Jamkhano ngukla nainai raq jaqsham tiikai kriika apaiq raq achong chong kli shamtiikai.”

DUNGWVNC 17:4

Kiijiishe Mosheq raq Tatiwe jaq wa kai tsan tiitsi raüta achu jaüto. Raüta akha nguto, “Ngi raq arnok ara jamkho mirha? Tsangshiq raq ngi ka long maq tiiq baiq she dantlo?”

DUNGWVNC 40:34

Kiijiishe Tombutiip ka phumda raq pang wanto. Kiimaq Tatiwe asi makse chathit chhainyii liliim raq Tombutiip ka mong wanto.

LEWI 9:23

Raüta Mosheq nai Aron ka Tatiwe asi Tombutiip mong niishe nyap wato. Kiimaq tsangnai ka tiipmong maq kinphai na dongkito. Raüta tsangnai raq mungmaiqse ka shiiman kuqto. Kiimaq Tatiwe asi makse chathit chhainyii liliim ka mungmaiqse ma tiichhi kuqto.

WEAWEA 16:19

Kiijiishe Kora raq asengi kong ka wiinoktam kiijaq tiithungto. Raüta tsangshiq ka Mosheq nai Aron rai khariire na Tombutiip kilamchong na chapto. Kiijiishe tiihanghiiq miili makse chathit achhai anyii Tatiwe asi chhainyii ka tlotli mungmaiqse mak ki na saükito.

WEAWEA 16:42

Tsangshiq ka Mosheq nai Aron tiishut ma adam na kunli riitam wan jai she, tsangshiq ka Tombutiip nü na liito. Kiimaq tsangshiq raq phumda kaü ka satki raüta tiip ka pang wanto. Kiimaq Tatiwe asi makse chathit chhainyii liliimtlaq ka kiijaq chhairaitlaq kra chhito.

WEAWEA 17:7

Kiijiishe Mosheq raq kra nyeakii thun ka Tombutiip mong na Tongshong Tek kaü khaki na thüto.

WEAWEA 20:6

Kiijiishe Mosheq nai Aron ka mungmaiqse phong wa tiisot wanto. Raüta Tombutiip kilam chong na chap wato. Raüta tsangnai ka hiq na bum rang bumkito. Kiimaq makse chat-hit Tatiwe chhainyii liliim kra tsangshiq makki na chhai wanto.

Matthew 23:37

“O Jerusalem, o Jerusalem! Ümniiraq shammibi thun ka tsatbaiq wan laü. Kiimaq Shiikeawe kiimwebi thun ümniiphana atiiki thun ka long maq tiiqbaiq wan laü! Ngi raq ümse ümno thun ka ümtinkhan wa i wokhong na, wukaü raq asetiim ka wowan tlaq ikha wowan hajaq nguta tsinngin wan kang. Shatmaq ümniiraq ümsetiim ka ngi ma tiiwo wan maü riilaü!

Acts 7:52

Riita, namtitiim raq, shammibi ka wiitarü tiichamchao wan je siisaq riito. Shiikeawe raq apaiq kechu Kolise tiikitlaq kra tsütsa chongke miitu, man na rathup rapha ji niiphü, apaiq tsütsa chongke wanti shammibi ümchuwa tiikitaq thun kriika, tsangshiq raq wiita tsatbaiq wanto. Krai mren, ümchaü namshiq riimin, apaiq luqkhapse ka tiishaü baiq lan. Lanta, apaiq ka tsatbaiq lan.

Acts 7:59

Tsangshiq raq apaiq ka long maq thong tlaq liipan na, Stephen raq Tatiwe jaq wa, “Tati Jesuq Khristo lei, i tsai ji ara ümniiraq tao laq!” nguta achu jaüto.

1 SAMUEL 30:6

Dawit miika pinthum chamchao chapa jonghea akhing ashi riito. Jamkhano ngukla asengibi thun ka tsangchak tsangsetiim re raq tsuq wan kiita, tsangshiq tsankhiq bisi tsi miishe, Dawit apaiq kriimin long maq tiiq raüta tseabaiq wan ngutiishe tankhanto. Shatmaq Dawit Tatiwe, apaiq Shiikeawe raq, Dawit ma ningkun shoqkuqto.