WEAWEA 13:3 - ASII LAKDAP Bible (BSI)

^3-15 Mosheq raq kra aming ka taito. Raüta Paran wang rumnyangkhi binjü maq, apaiq raq welabi arthun ara tiiwato: Maiq phan Welawe Reuben phan wa Jakur se Shammua Simeon phan wa Hori se Shaphat Juda phan wa Jephunne se Kaleb Isakar phan wa Joseph se Igal Ephraim phan wa Nun se Hoshea Benjamin phan wa Raphu se Palti Jebulun phan wa Sodi se Gaddiel Manase phan wa Susi se Gaddi Dan phan wa Gemalli se Ammiel Ashar phan wa Mikel se Sethur Naphtali phan wa Wophsi se Nahbi Gad phan wa Machi se Geuel

Hawa Naga Bible 2001

^3-15 Moshe rueq muinz nvr tueq rulc rv-ngvlc walaungx bix htenc kuex lvmx kaq nuex kvkhoc Paran maq tvkaz tueq. Phvnx Walaungx Ruben Zakur saz Shammua Simeon Hori saz Shaphat Yuda Jephunne saz Kaleb Issakar Yosep saz Egal Ephraim Nun saz Hoshea Benjamin Raphu saz Palti Zebulun Sodi saz Gaddiel Manase Susi saz Gaddi Dan Gemalli saz Ammiel Asher Michael saz Sethur Naphtali Wopsi saz Nabi Gad Makhi saz Geuel

WEAWEA 13:3 Referencias Cruzadas

WEAWEA 10:12

Krai mren, Israilnok raq tsangshiq ka Sinai Kumtsaiphii wang wa tiido wanto. Raüta laü wanto. Kriimiishe tsangshiq ka Paran kumtsaiphii wang na saüto. Kiijaq phumda kaü ka Tombutiip khuthaq na satki raüta khingkito.

WEAWEA 12:16

Kra raütiishe, tsangshiq ka Hajeroth hiq kiiwa laü wanto. Raüta Paran rumnyangkhi wang niishe tsangshiq piitiip ka tei wanto.

WEAWEA 13:2

“Maiq phan phan roqshi ri phan nai kiiwa wela weshi shi tsealaq. Laüta tsangshiq ka Ngi raq Israilnok ma kuqtiikang Kanan mung kra aheawiq misi sin walaq.”

WEAWEA 13:26

Mosheq, nai Aron, kiimaq Israilnok mungmaiqse tlotli phana Paran rumnyangkhi mung na Kadesh wang na janghoto. Raüta tsangshiq raq jamlai wa sisin wataq tsütsa ka chonghoto kiimaq petsi tu tsangshiq raq pihotaq kra tsangshiq ma tiichhi kuqto.

WEAWEA 32:8

Namwetiim raq Kadesh Barnea wang maq mung ka sisin wa rongkiq nguta tiiwa kangta manla, akhiisii riitaq.

WEAWEA 34:17

“Ramwe Eleajar kiimaq Nun se Joshua raq hiq ka mungmaiqse ma michum kuq.

TRI CHONGKE 1:19

“Nashiq ma Tatiwe nashiq Shiikeawe raq jamlai aming wa kuqtaq kra klokai. Nashiq ka Sinai Pum wa tiido wankai. Laita kra mung jonghea kiimaq maiqhai asi kumtsaiphii mung lam kriimaq laü wan kai. Laita ku akin tonglong mung Amoraiqnok mung niishe wawankai. Riita ümtiikiiwa nashiq ka Kadesh Barnea wang niishe saü wankai,

TRI CHONGKE 1:23

“Kriidea ahea mirsham nguta tiima kai. Lata ngi raq maiq roqshi ri wenai tseakang, maiq phantek wa weshi shi.

TRI CHONGKE 9:23

Kiimaq apaiq raq namshiq ka Kadesh Barnea hiq maq, aming kuq raüta apaiq raq namshiq ma Kanan mung kuqtlaq kra wa lanta jiiwan ronglaq nguta namshiq tiiwataq akhing niimin namshiq raq apaiq aming ka akhü riilan. Namshiq apaiq ma kamtsan tsii thü man riilan. Kiimaq apaiq aming kiimin lang man dea riilan.

1 SAMUEL 25:1

Samuel ka tsaito. Kriikha na Israil mung tlotli ka adam na thungto. Raüta apaiq miitu maaho manyi hoqtrangto. Raüta tsangshiq raq amaa ka apaiq sichang hiqshong Rama chela na lapto. Arjai maq Dawit ka bintang jüngi kumtsaiphii Paran wang niishe kihoto.