WEAWEA 13:20 - ASII LAKDAP Bible (BSI)

²⁰ Kiimaq hiq ka hiqpo hiq win sha, kiimaq kra mung na pechong wiirü rum ka asi sha. Kiimaq kra mung na petsi tsingo tlaq kriiwa panho lanta lamho ka naq laq rongkiq.” (Kra akhing ka spiqtsi manchoji riito.)

Hawa Naga Bible 2001

²⁰ Kvruex mungx kuex ghaq vbur shuex bur muq lac, rumz vhtvy shuex vwarx lac htenc kvmuinz helc roalc wvnc luit. Kvruex mungx wawc vdung pulx thuey waqthuimx wvyvmc kvmuinz lvmz wvnc luit,” ngoz tueq nvr tueq. (Kvtanc jauz kuex svpiq thuey muinx phaungc yaq baunglaung rvtueq.)

WEAWEA 13:20 Referencias Cruzadas

1 KAÜWA WERAÜ 22:11

Dawit raq chongkuqto, “Riita ümchaü min, ise lei Tatiwe, üm Shiikeawe ka ümniirai nongnong misilaq. Kiimaq apaiq raq apaiq kiqkham khakuqtaq kra phan phan ümniima apaiq Shomjam kra hai miitu ong wan tlii mishman kuq laq.

NEHEMIA 9:25

Ümsengi nok raq long maq aruk chela thun wiita khat wan raüta jii wanto; hiqpo hiqwin hiqshong ramsea asi, jam awak chaq nai seng tum aphong, jamkea na khappong theje, Olip petsi ro chhije, petsi wiqtsam ro aphong, kiimaq spiqro aphong chhije kuq wan laü. Krai mren, tsangshiq ka wok phetak tak maq, rongboq phaqsiq wanto. Ümtin khan wa ümniiraq ahea awa phan, tsangshiq ma kuq wan laü, tsangshiq raq polokhiq phaqsiq wanto.

NEHEMIA 9:35

Ümramkham maq tiibok kuq laü, hokhambi raq ümsengi ahea maq peng wanto. Tsangshiq ka tümlüm tümli, hiqpo hiq win tan, ümniiraq akuq haü hiqshong na shongto. Shatmaq tsangshiq ngarai lamphan thaq mak riito. Raüta Tisho ümnaq shomnoq alaq riito.

EJEKIEL 34:14

Ngi raq skukong ka pum thun na nyiimlung rü wak ram heahea kiimaq jükhü hiqwii hiq thung tan thun na misheahoha kiimaq Israil mung na nyiim lung ram thun wiita na nyiim mitiiphaqha.

DANIEL 11:24

Apaiq raq maiqmung chiithejong jong mungti ka, tiihanghiiq hiiq miili mikhat. Raüta atitiim raq klo mak phan ashut miklo wan. Raüta kra mungwa tsiiq nai nyam sepat lopi tsuq wantaq kra, asengi liipan na mipheakuq. Apaiq raq phentiip kiitelong maq aruk thun kra khat wan miitu chiqchap rechap misürii wan. Shatmaq apaiq ma akhing ka atiitoq she mirbaiq.

Mikha 7:1

Miqkang she! ahü miqkang she! Ngi ka ram raq ahaü apit wan, Petsiro na petsi ritkikang min ahüshe, Spiqtsiro niimin atsi ahü she. Waitsi asumwiq tsihea thun nai, phupmuptsi hea hea thun, rangran kang ka apansea wishe.

WEAWEA 13:19

Lanta hü ahiq ka jamkhiiwa, ahea sha abi wa, kiimaq maiq ka chela thun ruk-hü niisha sitla, shea peruk weshaü chela thun mong niiwa sitla.

TRI CHONGKE 1:24

Tsangshiq ka ku akin tonglong mung kiina wato, Eshkol Hiq thungtan wang kiina saüli wato. Raüta hiqkhu rakhu ka sisin wato.

TRI CHONGKE 1:25

Raüta tsangshiq raq kiiniiwa petsi tu kaütiim min wiijam pihoto. Kiimaq Tatiwe nashiq Shiikeawe raq nashiq ma kuqtlaq mung ka pinthum hiqpo hiqwin hiq nguta tsütsa ka chonghoto.

TRI CHONGKE 31:23

Kiijiishe Tatiwe raq Nun se Joshua ma chongto, “Ümtsan na kamto maq silaq. Kiimaq jaq khon tiipha shatmaq silaq. Ümniiraq Israilnok ka Ngi raq tsangshiq ma mikuqha nguta kiq kham kuqkang mung na mishea wan haü. Kiimaq Ngi ka ümniirai lomdam shat mirha.”

Hebrews 13:6

Ningkun shoq laita akhiili ngu i na, “Ngi liiti Tatiwe ri asi, Ngi ka hai mang; Maiqse raq ngi ka jamkho miraq?”

JOSHUA 1:6

Ningkun shoqwiishoq maq srea nola ma jalaq. Ümwokhong maq tsangshiq shea laüta, ngi raq tsangtitiim ma kiq akhamkuqha, ara mung ara mijii wan han. Lanta misiq wan han.

JOSHUA 1:9

Ngi raq ümchaü ümniima aming kuq tiikang. Ümniika ningkun shoqwiishoq maq srea nola ma jalaq; ümtiikiimin naqhaikiq kiimaq ümtsaiji naqtrankiq. Tatiwe üm Shiikeawe ka ümnaq ümbano kitlaü, kiijaq ümnaq rairai.”

JOSHUA 2:1

Raütiishe Joshua raq Shittim hiq maq Kanan wang binjü kra kiimaq akhek ka Jeriko chela kra ahukse maq walanta sisin liiwa rongkiq nguta siwe anai tiiwato. Tsangnai ka Jeriko chela na saü raüta, kra rawa ka mephe nyung Rahab jam na jap wan nguta düwato.

JOSHUA 2:3

Kra tairaüta, “Ümjam na wanwenai wataq kriika namung ara sisin wan nguta wato! Tsangnai ka ana sheaho laq!” nguta raq Rahab ma bom ka tiichongkito!