WEAWEA 13:17 - ASII LAKDAP Bible (BSI)

¹⁷ Ümtiikiiwa Mosheq raq tsangshiq ka tiiwataq, apaiq raq tsangshiq ma akha chong kuqto, “Armaq shekhu nü nü na walanta, Kanan mung shemai nü nü wang kiina waronglaq. Kriimiishe ku akin tonglong wang kiiniishe waronglaq.

Hawa Naga Bible 2001

¹⁷ Moshe rueq tsuinghez kuex max tvkaz nuex tsuinghez muex jungx kuq tueq kuex, “Nuimhez kuex vruex maq kaz wvnc vtueq Kanaan mungx ghaqyaz kox maq nyuip ruiux kankhux htauk nuex duiz kuinz.

WEAWEA 13:17 Referencias Cruzadas

RAPHA HIQWA LAK 12:9

Kriimiishe hali apaiq ka bashi na shonghoho maq laühoto. Raüta Kanan mung maq shemai nü nü mung kiiniishe laühoto.

RAPHA HIQWA LAK 13:1

Abram ka Ejip mung maq shekhu nü nü na Kanan mung maq shemai nü na tsang-nyung nai ahup asam kunli nong nong maq wawanto. Kiimaq Lot kiimin apaiq rai wawanto.

RAPHA HIQWA LAK 13:17

Riita ümchaü min, kilaq, Laüta armung ara tlotli binhot jühot khum kikiq. Jamkhano ngukla armung ara kunli, Ngi raq ümniimiishe mikuqha.”

RAPHA HIQWA LAK 13:3

Raütiishe apaiq ka kriimaq wawan raüta bashi na siwan wan raüta Bethel chela nü nü niishe wawanto. Raüta apaiq ka Bethel nai Ai chela heawea binjü niishe kongkhuji na apaiq raq piitiip teitaq

RAPHA HIQWA LAK 14:10

Kra hiqthung tan niika kaichang boq hiq khobok pahea asi riito. Kiimaq Sodom hokhamwe nai Gommora hokhamwe ka rekhat lam maq aju riiwan i nguta tanto. Shatmaq tsangnai ka kra khobok thun na thap wato. Shatmaq ahinti hokhambi wetsam ka pum thun kiiniishe ju raüta lunto.

WEAWEA 13:18

Lanta kra mung ka jamkhiiwa kra sisin wa rongkiq. Maiq ka apa sha atsap wa sitla; kiimaq tsangshiq ka ümtinkhan hong alanok wa.

WEAWEA 13:29

Kiimaq Amalakaiqnok ka Kanan mung shemai nü wang na shongtlo. Kiimaq Hitaiqnok, Jebusaiqnok, kiimaq Amoraiqnok thun ka ku akin tonglong wang kiina shongtlo. Kiimaq Kanannok ka Mediterenian khamjong kii wang na nai Jordan rai khü phan phan na shongtlo.”

WEAWEA 14:40

Anap ranaiq na ranap chu maq li she tsangshiq ka ku-akin tong long wang kra khat walai nguta akha nguto, “Ümchaü nashiq ka Tatiwe raq chongtaq hiqshong kiina wa ma khekham she. Nashiq ka shutkai dea. Shutmai ka ngumai.”

TRI CHONGKE 1:44

Kra ningkhan she kra ku akin tonglong mung na siti Amoraiqnok ka namshiq khat kai ngiq lii tu atiipin buk ikhiishe namshiq ka bok wan tlii maq khat wanto. Tsangshiq raq namshiq ka Horma chela na saüli johoto. Raüta tsangshiq raq namshiq ka ku akin tonglong Edom mung kiijaq khat-ho raüta namshiq ka tangto.

JOSHUA 10:40

Joshua raq kra mung ka kunkun khat raüta jiiwanto. Apaiq raq kin na siti thun hokhambi kra, shedong nü wang wa kinjam na siti thun kra, kiimaq shenyap nü wang wa, kinjiji na siti thun kra, kiimaq shemai nü wang wa, hiqshin wang na siti thun kra, thumthum khat raüta jiito. Apaiq raq jumin atra tiichong mak; maiqse angu wiita tiimiqchup jiipbaiqto. Arka Israilnok Tati Shiikeawe raq aming akuq kra phan phan kloto.

JOSHUA 15:3

Akrabbim Pumchit kriimaq shemai nü nai shenyap nü kiina rai wanto. Raüta Jin kumtsaiphii wang binjü kiina saüli raiwanto. Raüta Kadesh Barnea chela maq shemai nünü maq rai wan raüta, Hajron chela kra tiiham wan raüta, Addar chela kiina tiiham wanto. Raüta, Karka chela nünü kiina rai wanto.

JOSHUA 2:1

Raütiishe Joshua raq Shittim hiq maq Kanan wang binjü kra kiimaq akhek ka Jeriko chela kra ahukse maq walanta sisin liiwa rongkiq nguta siwe anai tiiwato. Tsangnai ka Jeriko chela na saü raüta, kra rawa ka mephe nyung Rahab jam na jap wan nguta düwato.

PHOWEBI 1:15

Kiijiishe ase raq treto, “Ngi ma khamchum wiijam ratlo. Ümniiraq ngi ma kuq laü wakram kriika shinram shinriiq binjü ba na chato.” Krai mren, Kelib raq ase ma lamthaq nü khamtsiim raisetiim kra nai lamkiq nü wa khamtsiim raisetiim kra kuqto.

PHOWEBI 1:9

Arjai miishe tsangshiq ka Kanannok ku akin tonglong wang na siti, kiimaq kinjiji thun wang na siti, kiimaq shemai nü na shinram shinriiq wang na siti thun kriishe khat wanto.