WEAWEA 12:6 - ASII LAKDAP Bible (BSI)

⁶ Kiimaq Tatiwe raq nguto, “Ümchaü Ngi raq jamlai bom wa chongtiikang ara tai ronglaq! Namshiq phong na shammibi siraüla, Ngi ka tsangshiq rai isham ka riisham makchhi maq tiichhikuq tiikang. Kiimaq tsangshiq rai rawa ma maq riibom dam tiikang.

Hawa Naga Bible 2001

⁶ Yehowa rueq, “Majuiuc ngaz rueq jungx phaungx htenc kuex tay shuinz! Nuimshiq nuex shvmmax httax yaq ngoz ruiux ngvy shauk pumz maq tsuinghez muex romzyac maq tvkhic kuq ruiux maung maq jungx kuq shaungx rvtueq.

WEAWEA 12:6 Referencias Cruzadas

RAPHA HIQWA LAK 15:1

Arjai maq, Abram raq riisham mak maq chhito kiimaq Tatiwe raq apaiq ma bom achong ka akha taito, “Naq haikiqjo, Abram la. Ngi raq ümniika haisi rasong mong wa khup wong kuq shat mirha. Kiimaq ümniima poksi jonghea mikuqha.”

RAPHA HIQWA LAK 20:7

Shatmaq ümchaü maiq nyung ka tsangwe miishe jangkuqlaq. Apaiq ka shammiwe. Kiimaq apaiq raq ümnaq miitu achu mijaü kuq. Kra riihaüla ümniika tsaimaü mirhaü. Shatmaq ümniiraq kriinyung ka apaiq ma jangkuq maü riihaüla, Ngi raq ümniima hon lam bom chongtiikang, ümniika mitsai haü, ümnaq nai ümsenginok ka mijiimhan.”

RAPHA HIQWA LAK 28:12

Apaiq raq ama maq hiqkhuphi diim ka hiq maq riita ramungtan na saüli chhito. Kiimaq kra hiqkhu phi niika rasetiim kong ka asat kaiti kiitin khan. Ranü na düwanti kiitinkhan akiti aki awati awa chhito.

RAPHA HIQWA LAK 28:16

Jakob ka akon wa samkito. Raüta akha nguto, “Tatiwe ka arjaq asi! Apaiq ka arba arjaq asi, kiimaq ngi riika sap mang dea riikang!”

RAPHA HIQWA LAK 37:5

Rawashi Joseph raq rawa ma ashi mato. Kiimaq apaiq raq apaiq rawa ma ka aphutiim ma chongto. Kra chong kiita tsangshiq raq apaiq ka ngenghea she ngeng hoto.

RAPHA HIQWA LAK 37:9

Kra jaimiishe hali Joseph raq rawa ma ka jangshi ri hali ma nongto. Kiimaq kra aphutiim ma akha chongto, “Ngi raq rawa ma ka jangshi ri hali manong kang. Ima miika rashe kaü nai jipi kaü kiimaq raiqsaiq poroq shi ri poshi ka ikhaki na hiq na bum raüta ngi ka noqto.”

RAPHA HIQWA LAK 46:2

Kiijaq Shiikeawe raq apaiq ma rawa na riisham makchhi maq riibomto. Raüta apaiq ka heato, “Jakob lei, Jakob lei!” “Ngi arjaq lii,” nguta apaiq raq treto.

2 SAMUEL 7:4

Shatmaq kra rawa Tatiwe raq Nathan ma akha chongto,

1 HOKHVMX 3:15

Solomon ka akon maq samkito. Raüta Shiikeawe raq rawa ma maq apaiq ma chongkuqto ngutiishe takto. Kra raütiishe apaiq ka Jerusalem na wawanto. Raüta apaiq ka Tatiwe Tongshong Tek khaki niishe chapto. Raüta chaqtlii-honglu thun kiimaq rintii honglu thun ka Tatiwe ma kuqto. Kra lot jai she apaiq raq awokhong na siti ajong alabi ma phaqsea poi jonghea ashi klo kuqto.

1 HOKHVMX 3:5

Kra rawa Tatiwe ka apaiq rai rawa ma maq riibom damto. Raüta apaiq ma bom ka akha waito, “Ümniiraq ijaq wa jamlai phan wa jaüro tlaü?”

YOBA 33:15

Rawa na maiqse ka akon shon, Shiikeawe raq rawa ma maq nai riisham mak maq tiichhi kuqtlo.

YOBA 4:13

Rawa ma abi ama ikha ngi ka akon wa tiisamto.

Tvtsvmc 105:15

“Ngi raq atsea wanha ijaqshisetiim dü na jaqmiiq maimak; ishammibi dü na jaqkaiq maq sham maimak.”

Tvtsvmc 89:19

Tsapkapkap ümjaqshamti ümjaqshisetiim ma riisham bom maq rathupse niiphü akha chonglaü, “Ngi raq nolajongwe ashi ma khrum kuqkang; Ngi raq nokwe phong wa weshi tsea wan kang, lata apaiq ka hokhamwe ma shongkang.

DUNGWVNC 7:1

Tatiwe raq nguto, “Ngi raq ümniika hokhamwe man na shiikeawe ikha mitiijaha. Kiimaq ümphu Aron ka ümshammiwe ma jaraüta bom michong.

JEREMIA 23:25

Ngi raq shammibi imang shaphaq raüta arot akiq bomchongti, ngi raq chongkuq mang taü miinin chongkuqto nguta bom chongketi, kiimaq ngi raq tsangshiq ma tsütsa ka rawa ma maq tiichhikuq mang wiimin tiichhi kuqto nguta chongtibi thun ka wiita asap-ha siisaq.

JEREMIA 23:28

Ümriiti shammiwe riiwa rawama lam lamli mataq, kriiwe riika, miinan rawa mali tiina nguta ngochang. Shatmaq ümriiti shammiwe riiwa ibomchong kra taitaq, apaiq raq kra bomtsi ka tsapkapkap maq nanok ma chiiriim raüta trahoke ratlo. Tsamchhii kriika bunwong wong rai triingea chang asi sha?

EJEKIEL 1:1

Rawii roqtsam she angu na jipi lüblai liiwa rabiingi ngo ranaiq akhing riito. Ngi, ka ramwe jaqshamti. Iwe mang ka Buji. Kra akhing na ngi ka munglu shumwi ma atsuq wan Jehudinok rai Bebilon mung na, Chebar rai tan na sikang. Ramungtan ka atlin riikito. Kiimaq ngi raq riisham mak maq Shiikeawe ka chhikang.

DANIEL 10:8

Krai mren, ngi ka kiijaq ngi laqlaqseli she riikang. Lata kra awangchang riishammakchhi kra liisiq kang. Iningkun min ahü she ihü ihan jobaibai riidungtsok she ninkito. Itheaphi ka hamlak lak she mutkito. Maiq raq tiitsanglot chang min riimak she.

DANIEL 2:19

Krai mren, kra rawali kra amao chang bomtsi ka riisham mak maq, Daniel ma tiichhikuqto. Krai mren, apaiq raq ratsan ramong nyang na siti Shiikeawe ka akha tiitsam kamto:

DANIEL 7:1

Bebilon mung langti hokhamwe Belshajar raq hokham jaqsham wan apha rawii na, ngi raq rawa ma ashi makang. Kiimaq kra rawa ma riisham mak maq rawa na phanshi ra chhikang. Kra ngi raq lak na waiqthükang. Kra rawa ma maq jamlai wa chhikang kra awaiq riithükang. Kra waiqthükang raüpot ka

DANIEL 8:2

Riisham mak maq tiihanghiiqli ngi ka Elam wang nyungchong trotam maq kiitelong maq aruk Susa chela mong na riikang. Ngi ka Ulai jürai kii na chap raü riikang.

Hosea 12:11

Kra taümaq dongdii min, tsangshiq raq phra sumla, Gilead chela maq noq wanto. Kriikha na tsangshiq tsailam she mirhum wan. Tsangshiq raq minsaü pongwetiim, Gilgal chela na phra sumla ma takuq wanto. Krai mren, berong-wacha thun ka, re raq wiita mitiibunbaiq wan. Raüta longkaü rongli she miraq.”

Yoel 3:1

Tatiwe raq ngutlo, ara akhing na ngi raq Juda mungti nai Jerusalem chelati ma, arong awin maq siwan miitu achu mishman kuqha.

JEKERIA 1:8

Ngi raq Tatiwe rase ashi ka kumrang ashiikaü raikhü na chaoraü chhikang. Apaiq ka kinheawea hiq tan na martel pero na chap raü chhikang. Kiimaq apaiq jai nü niika, kumrang kong ahin asi riito. Tsangshiq khum ka ashii, tsamrü tsamra waiq, kiimaq alü riito.

WEAWEA 24:4

Jurwa mitailot Shiikeawe raq ngutlaq kra. Ngi raq riisham mak ma tiqtiq liilata chhi tiikang Ningkun Ajong Shiikeawe raq shammi mak maq atiichhikuq.

Matthew 1:20

Shatmaq, liirong laq, apaiq raq akha tiima raitlaq liipan niili, rawashi apaiq ma ama maq Tatiwe rase ashi ka apaiq phana kiraüta bom ka akha chongkuqto. “Dawit lai Joseph lei, ümniiraq Meriq lam ma naq haikiq. Meriq khum na no sitlaq kriika Asii Wenyi Se.

Matthew 2:19

Herod tsaijai she, Tatiwe rase raq Joseph ma rawa ma maq Ejip mung na kiraüta akha chongkuq kito,

Matthew 23:31

Riita ija, kra tiichong rai tlan kriili she, namshiq ka shosaü lumse phan wiidea, nguta maiqmii ngam kra tiishaphaq tiichong rai tlan!

Matthew 23:34

Ngi chong pha. Ngi raq namshiq phana shammibi kiimaq taksma maiqse kiimaq Shiikeawe bomtsi shrinketi shrabi thun kra mitiiki kang. Namshiq raq tsangshiq phong wa, wiijam ka atsea mirbaiq han; kiimaq wiijam ka pumsongkham na mitübaiq wan han; kiimaq wiijam ka sinagok maq chunpo-nyam chongwai maq ninta mitsat han. Kiimaq chela ashi maq riita chela ashi na tiikot mrot mijo jii baiq han!

Matthew 23:37

“O Jerusalem, o Jerusalem! Ümniiraq shammibi thun ka tsatbaiq wan laü. Kiimaq Shiikeawe kiimwebi thun ümniiphana atiiki thun ka long maq tiiqbaiq wan laü! Ngi raq ümse ümno thun ka ümtinkhan wa i wokhong na, wukaü raq asetiim ka wowan tlaq ikha wowan hajaq nguta tsinngin wan kang. Shatmaq ümniiraq ümsetiim ka ngi ma tiiwo wan maü riilaü!

Matthew 27:19

Pilat ka Rung na khapho ngashat liipan na, tsang-nyung raq apaiq ma bom poshi, “Apaiq ka chiisan maiqse. Jam shutmak we. Ümniika kiq naq shut kiq liijo. Apaiq ara tingkhu na ngi ümwa rawa minru rawa ma maq pinthum chamchao kang,” nguta bom ka tiichong kito.

Luke 1:11

Shiikeawe raq atiiki rase ashi ka, apaiq phana kito. Apaiq raq rase ka aluchiim maq jaqtsi nü na chap raü chhito.

Luke 1:22

Apaiq ka jam mong maq dongki raüta sanha, tsangshiq rai ka riibom lot mak she riito. Kra chhi raüta, apaiq ka Shiikeawe rai riihumto sham nguta tsangshiq raq takto. Apaiq ka abom dong mak she kha maq, nokwe miika, ajaq maq thi nam raütli she bom ka chongkuqto.

Luke 20:6

Shatmaq, nashiq raq, ‘Maiqse raq akuq,’ nguta ngu hai jiika, arjaq thung tlaq mungmaiqse raq, nashiq ka long maq mitiiq baiq. Jamkhano ngukla, tsangshiq raq Johan ka shammi we dea nguta asap.”

Acts 10:11

Apaiq raq ramungtan kilü ka atiidi riiraü chhito. Kiimaq ramungtan maq jonghea luhea adiimliim kaü ashi ka shokblai wiita maq sham raüta, mangjong hiq nü ana atiisat rea wan chhito.

Acts 10:17

Petar ka apaiq raq riisham mak maq chhitaq kriika jamlai liichum wiinya nguta, tiima rai tlaq bala kiijiili, Kornelias raq atiiki bom chong kaiti maiq wetsam kriika, Simon jam ka rit raüta, ahum wishe. Raüta, tsangtsam ka Simon kilam na chap raqraq riito.

Ephesians 4:11

Apaiq arkata, “Maiqse angu ma kongphiq pahea pheakuqto” nguta chongtliiwe kra. Apaiq raq, maiqse wiijam ka kiimwebi ma shongto; maiq wiijam ka shammibi ma shongto; kiimaq wiijam ka Tsütsa Ahea chongke wan miitu shongto; wiijam ka shrabi ma shongto; kiimaq wiijam ka ashrinketi ma shongto.

TRI CHONGKE 18:15

Shatmaq apaiq raq namshiq ma namshiq phong wa shammi weshi tsea raüta ngi akha namshiq phana mitiiki. Kiimaq namshiq raq apaiq bom ka tai ratlo.

TRI CHONGKE 18:18

Ngi raq tsangshiq phana ümnaq kiikha shammiwe ashi tsangshiq phong kiiwa tsea lata mitiikiha. Apaiq raq jamlai chongke chang wa kra ngi raq apaiq ma michongkuqha. Kiimaq Ngi raq apaiq ma aming kuqkang kra wiita apaiq raq mungmaiqse ma michongkuq.

Hebrews 1:1

Richü pat na Shiikeawe raq natitiim ma, apaiq wokhong na siwan lamlu hon atsii ka jang pahea chongkuqto she. Kiimaq ra shammibi lümaq phanrap phanrii lam na seng raüta, tsii ka chongkuqto.

Revelation 11:10

Mangjong maiqse ka, ara tsangnai tsaitaq ara ningkhan kai michochi siq. Tsangshiq liipan na khoqriiq shishiiq poi miklo. Jamkhano ngukla, ara shammi anai raq mangjong maiqse ma chamchao jonghea tiisaüto.

Revelation 11:3

Ngi raq i shammi anai, ngi miitu hakhi kekai mitiikiha. Tsangnai ka maaho maanyi miirii sam raüta miki. Tsangnai raq Shiikeawe tsütsa ka 1,260 ranaiq liipan na mangjong maiqse ma, chiiriim raüta michong kuq.”

1 SAMUEL 28:6

Kra ningkhan apaiq raq jamkho mija i nya nguta Tatiwe ma waito. Shatmaq Tatiwe raq apaiq ma, rawa ma miimin tiichhikuq mak, kiimaq Urim nai Thummin maq lang liikiimin, langkuq makshe riito.

1 SAMUEL 3:15

Samuel ka achang na ranap na saüli akon riiwato. Raütiishe apaiq ka akon maq tiidoto. Raüta apaiq raq Tatiwe jam kilü thun kra dito. Apaiq raq Eli ma riisham makchhi bom kra chongke miika ahai riito.

1 SAMUEL 3:21

Tatiwe raq apaiq ka Shilo na tiichhikuq lili riito. Kiijaq apaiq ka Samuel ma tiichhikuq kito. Raüta apaiq rai riibomto. Kra ningkhan, ümtiikiiwa Samuel raq bom chongtlaq, Israilnok mung tlotli raq apaiq bom ka taitlo.