WEAWEA 12:11 - ASII LAKDAP Bible (BSI)

¹¹ Apaiq raq Mosheq ma nguto, “O, Shiilangwe lei, ajiq dea shutraikai, kriikha na akhii lang lang mo ka naq tiihokiq.

Hawa Naga Bible 2001

¹¹ piq rueq Moshe muex ngoc, “Jiyungx waz lex, nuiyshiq yaq ngaz gay tiq mvrax ningkhvnc nuex murx nauk tvrvhumc vkueq.

WEAWEA 12:11 Referencias Cruzadas

2 SAMUEL 19:19

Raüta nguto, “Chaü lei, ngi raq ümnap ümji ümniika Jerusalem maq akaiho na, ngi raq jamlai wa shutkang kra ümtsan na naq tiitsangkiq. Kra ngi mra ka naq thiikiq she. Kiimaq tsan na naq tiimakiq she.

2 SAMUEL 24:10

Shatmaq Dawit raq maiqwea jaqsham kra lot jai she, atsan na kra jaqsham ka ashut klo kang nguta tsihea she tiido wanto. Kra ningkhan apaiq raq Tatiwe ma akha nguto, “Ngi raq ara ashut pinthum ngarai tang kang! Ingarai ka mangchan laüta diikuq laq! I mra diikuqlaq. Ngi raq angi nola jaqsham kang.”

1 HOKHVMX 13:6

Kiijiishe Hokhamwe Jeroboam raq shammiwe kiima, “Mangchan laüta ngi miitu üm Tatiwe üm Shiikeawe jaq wa achu jaülaq kiimaq apaiq ma ijaq ara tiiheakuq laq nguta achu jaükuq laq!” nguta tiipaiq neato. Krai mren shammiwe raq Tatiwe jaq wa achu jaüto. Kiimaq hokhamwe jaqtsi ka tiidoq ra heakito.

2 KAÜWA WERAÜ 16:9

Tatiwe raq mangjong tlotli ka tro tri raüta kheshat liitlo. Raüta ju tsantsii wa apaiq rai riipona tlii maq sitlaq kriiti ma ningkun shoqke miitu khekham maq sitlo. Shatmaq ümniiraq ashut angi jaq sham klo laü. Kra ningkhan ümchaü sanha ümniika chiq are rai li she mirkhat siq haü.”

DUNGWVNC 12:32

Namshiq skukong, chhechhikong, kiimaq minsaü kong thun kra tsuqho lanta laü wan ronglaq. Lanta ngi miitu ri achu shiiman lap ma achu jaükuq thü ronglaq.”

TAKSU LAK 30:32

Ümniidea ajong nguta kumrong tlaü, kiimaq ajiq kiimung tiima tlaü jiila, kra athaq riilaq. Laüta phanshi atiima riilaq!

JEREMIA 42:2

ngi ma chongto, “Mangchan laüta naishiq raq jamlai wa jaütiikai kra shamkuqlaq! Nashiq Tati Shiikeawe jaq wa, naishiq miitu achu jaü laq. Naishiq re jaq song ümchuwa tiichongkaiti thun tlotli miitu achu jaü kuq laq. Man na nashiq ka maiq pahea riikai. Shatmaq ümchaü sanha atsapseli she tiichongkai. Arka ümniiraq ümmak maq achhihaü.

WEAWEA 11:2

Mungmaiqse ka Mosheq phana waraüta khrum kuqlaq nguta hoq trangto. Kiimaq apaiq raq Tatiwe jaq wa achu jaüto. Krai mren wa khiim dong ka amat she riikito.

WEAWEA 12:12

Apaiq ka anyung puk mong maq amaa she ami atsi tamli tha raq aphaq wan wi rawü chhitlaq ikhiika naq tiijakiq.”

Acts 8:24

Kiijiishe, Simon raq, “Phuno we nai lei, mangchan lanta, ngi miitu Tatiwe jaq wa achu jaükuq ronglaq. Ümchaü namnai raq jamlai wa chong lan kra manson ka i dü na nimak chang miitu,” nguta Petar nai Johan ma chongto.

Revelation 3:9

Tai rong laq! Kiijaq siti Thawe sengi arot kong raq, tsangshiq ka Jehudinok nguta tiichong tlo. Shatmaq, arot. Ngi raq tsangshiq ka namshiq jichong na mitiibum ha. Raütiq tiina, tsangshiq raq, namshiq ka ngi raq lungwii tiikang dea nguta misap.

1 SAMUEL 12:19

Kiimaq tsangshiq raq Samuel ma akha nguto, “Shiilangwe lei, mangchan laüta, Tatiwe üm Shiikeawe jaq wa naishiq tsaiki maichang miitu achu jaü laq. Ümchaü naishiq raq, naishiq ngarai ümtinkhan wa sitlaq kra thaq na hokhamwe shongkuq laq nguta jaü kai ngarai kra hali tiitsuq nongkai nguta sapkai.”

1 SAMUEL 2:30

Ngi, Israilnok Tati Shiikeawe raq, man na ümta nai ümwe raü raq, pattup iramwebi ma ja lanta, ngi mishiili wan han nguta kiq khamkuq kang. Shatmaq ümchaü, ngi raq namshiq ka ramwe jaq tiisham mangshe! Kra rii na, jurwa ngi shreng tlaq kriiti ka mishrengha, kiimaq jurwa ngi shummiitlaq, kriiti ka ngi riimin thophi riiqphi misaisiha.