WEAWEA 11:23 - ASII LAKDAP Bible (BSI)

²³ Kiijiishe Tatiwe raq treto, “Riita Ngi ningkun jong ka achuli she riichang nguta mishangbaiq lot sha? Ngi raq chongtiikang kra miku wan sha ku wan mak wa, kra ümniiraq jaqlo liipan niili she ümmak maq michhi haü!”

Hawa Naga Bible 2001

²³ Yehowa rueq, “Ngvy luimc vkawc maq lot laungc mauk phvnx vhttax haz? Ngaz rueq nvr phaungx rulc rv-ngvlc yaungx tuex shuex yaungx muq lac kuex mnoz rueq mtanc httax muq nuex khiz shuiux!” ngoz tueq tvralc tueq.

WEAWEA 11:23 Referencias Cruzadas

RAPHA HIQWA LAK 18:14

Tatiwe raq lot mang chang phan ka asi shea? Ngi ngutiikang ara phan han, ümchaü armaq jipi lütiikaü silata Ngi ka ana mijangkiha. Kiimaq Sara raq ase maiqwe se ashi mihum.”

2 HOKHVMX 4:43

Shatmaq apaiq raq, “Riita ümniinga arse armaq maiqkong shishi arma hongli miraq ngutiisha tiima tlaü?” nguta treto. Elisha raq treto, “Tsangshiq ma kra pheakuq laq. Tsangshiq raq miphaq laq. Jamkhano ngukla Tatiwe raq ngutlo, tsangshiq raq wok phetak phaqsea jai min achan ana abung mitiichong nguwa.”

2 HOKHVMX 7:2

Kra tai raüta hokhamwe shiiliti jaqshise raq Elisha ma nguto, “Kriika riimak. Jamwo kiikhiika misaü. Tatiwe apaiq raq ajaq maq tlothit rai awong kra pheakuq raümin hong mak miraq!” “Ümniiraq ümmak maq michhi haü. Shatmaq kra phaq nai sea ka ümniiraq ümnii na telap maü mirhaü,” nguta Elisha raq treto.

Tvtsvmc 78:41

Tsangshiq raq Shiikeawe ka niqruqruq jang pahea niqsiq wanto raüta Israilnok Asii Shiikeawe tsan tiitsi wanto.

DUNGWVNC 6:1

Kiijiishe Tatiwe raq Mosheq ma nguto, “Ümchaü Ngi raq hokhamwe khuthaq na jamlai jaq wa mishamha kriishe ümniiraq michhi haü. Ngi raq apaiq ka shiitep lata isenginok ka mitiiwa baiqha. Atiiwa baiq siika jawa michong. Ngi raq apaiq ka tiichop lata isenginok ka amungtan wa atiijo mirbaiqha.”

ISAIA 50:2

“Isenginok raq ibom jam nguto tremak, Ngi ka tsangshiq phana tsangshiq tiichhiikekai kikang ta? Ngi raq tsangshiq hea kang ta, tsangshiq raq ibom jamto tremak? Ngi ka ningkun jomhea tsangshiq tiichhiikuqlot mang shea? Ngi raq khamjong chum ka bom tsishi miili trübaiqlot tiikang, kiimaq khamrai thun ka kumtsaiphii wang ma mitiijabaiqlot ha, krai mren kiijaq siti ngiq ka kham ahü kha maq wiita mijiim.

ISAIA 59:1

Tatiwe ka ningkun jomhea namshiq tiichhiilot mak, riimakla nitang biila namshiq raq apaiq jaq wa khrum jaütlan ka trelot mak nguta namshiq raq naq tiima rongkiq!

JEREMIA 14:9

Jam nguto ümniika maiqwe ashi tiihanghiiq maq atiihangrat ikha jam nguto jaki laü? phenla weshi ningkun ahü maiq khrum kuqlot mak ikha jam nguto jaki laü? Tengteng, Tatiwe lei, ümniika naishiq rai asi! Naishiq ka ümsenginok; naishiq ka naqbaiqthükiq.’”

JEREMIA 32:17

“Tati Rakaü Hiqwe, ümniiraq ra nai hiq ka ümningkun jonghea kriimaq phansang laü. Kiimaq ningkun henghea maq tiiq laü. Ümniiraq lot maü chang ka jamlai phan min ahü.

JEREMIA 32:27

“Ngi ka Tatiwe, maiqse angu tarü ma Shiikeawe. Ngi miika jamlai phan min ahawiq ngutiika ahü.

EJEKIEL 12:25

Ngi, Tatiwe raq tsangshiq ma michongkuqha. Kiimaq Ngi raq jamlai wa chongtiikang kra miku wan. Ümchaü ka tiijai mak she miraq. Namshiq ikiqkhii sruti rilung niili, Ngi raq kriithun jaqsham kra miklo wanha. Ngi raq namshiq ma jamlai jaq mishamha ngutiiwa honlam bom chongkang, kriika misham wanha dongdii. Arka ibomtsi,” nguta Tati Rakaü Hiqwe raq toqtan tiikang.

EJEKIEL 24:14

Arka, Ngi, Tati Rakaü Hiqwe raq ngutiikang. Ngi raq jaqsham chang akhing she saüto. Ngi raq üm ngarai phong ka achhi ikha chhimang ikha ümtum ümmai ka simang she, riimakla mangchan tiitsi mang she, riimakla tiihang kuq mang she. Ümniiraq jamlai wa ashut klo laü kriikha na ümniika ma mo mitiihoha.” Arka, Tati Rakaü Hiqwe raq toqtantlo.

DANIEL 6:20

Apaiq ka kiijaq saü wa raütiishe, kiinyiikhiq maq, “Daniel, atra Shiikeawe jaqshise lei! Ümniiraq apaiq rai tiipumtlii laüta shomnoq tlaü Shiikeawe raq ümniika hangsikong nübok wa tiichhiikuqto dea nya?” nguta Daniel ma riimto.

Mikha 2:7

Israilnok ka Tatiwe manson ho raüta sitlo ngutiisha tiima tlaü? Tatiwe raq abi jaqsham ka ninlot mak she ngutiisha tiima tlaü? Tatiwe raq atinkhan abi kiimung ka miklo wandea shea? Tatiwe raq athuk atsom kloti lungwiitlo riimak shea?”

WEAWEA 11:22

Riita minsaü kong nai sku kong ka pahea tsangshiq sükhatsi kra tiingiili chang take chang ka asi shea miraq? Khamjong chum na ngiq sitlaq kra lamki raü min tsangshiq wok ka pheli chang shea miraq?”

WEAWEA 23:19

Shiikeawe ka maiq ikha riimak, arot chong ma; Apaiq ka maiqse ri riimak, atsantsii klai ma. Apaiq raq jamlai kiq wa khamtlaq, apaiq raq klotlo; Apaiq raq bomtlo, kra sham kuqtlo.

Matthew 19:26

Jesuq raq tsangshiq pha nü na tiqtiq lii raüta, “Maiqse raq maiqmii ka tiichhii wan lot mak. Shatmaq Shiikeawe riika phanrap milot siisaq,” nguta treto.

Matthew 24:35

Ra nai hiq ka athum mirki. Shatmaq i bomchong arka poimak phan.”

Luke 1:37

Krai mren, Shiikeawe raq lot mak chang ngutiika, jamlai phan min ahü.”