WEAWEA 11:1 - ASII LAKDAP Bible (BSI)

¹ Mungmaiqse raq Tatiwe ma tsangshiq chamchao tiikai ngutiishe bottsaü phahoto. Tatiwe raq tsangshiq bottsaü trang ka taito. Kra ningkhan apaiq ka tsangshiq ma atsan khiqto kiimaq tsangshiq khuthaq na wa tiisatto. Kra wa ka tsangshiq phong mong na nyai wanto raüta tsangshiq ka khumto. Raüta tsangshiq piitiip siimko na sitibi maiq thun ka tiithen khiimbaiqto.

Hawa Naga Bible 2001

¹ Miq htenc rueq miqmac rvhumc wvnc yaq vkuilc vdaz htenc kvruex ningkhvnc nuex Yehowa muex kvbot nyvnx wuez tueq. Yehowa rueq tay vtueq, vthuinz khvy thuiuz muex tsuingshiq htauk nuex wvr tvdvy tueq. Tsuingshiq phungc nuex khamc gay vtueq jerak tvsuip wawc baungshiz kuex tvbac gay tueq.

WEAWEA 11:1 Referencias Cruzadas

RAPHA HIQWA LAK 38:10

Apaiq raq kra klotlaq kra chhi raüta Tatiwe ka kai tsan hea mak riito. Kra ningkhan Tatiwe raq apaiq kiimin tsat baiqto.

2 SAMUEL 11:27

Riita wulum tiijü maaho akhing kra thumjai she, Dawit raq kriinyung ka hokhamwe jam kiijii she tiisheakito. Kiimaq kriinyung ka Dawit riishe rom wanto. Kiimaq ase ka maiqwe se ashi chiito. Shatmaq Dawit raq jamlai wa kiimungtaq kra chhi raüta, Tatiwe ka Dawit ma atsan heamak she riito.

2 HOKHVMX 1:12

Kiijiishe, “Ngi ka Shiikeawe maiqse dea jiila, ramungtan wa sat raüta, ümnaq nai ümsengi maiq thun kra wa raq ümkhiim baiq laq. Raüta ümnaq nai ümsengi kong kra mitsat baiq laq!” nguta Elija raq treto. Krai mren tiihanghiiq miili ra wa Shiikeawe watu satto. Raüta kra ajongwe nai asengikong kra tsatbaiqto.

YOBA 1:16

Apaiq bomchong ka mithum shaq niili, jaqshi se weshi hali saüki nongto. Raüta akha nguto, “Rathaiq wan raüta rachhiqto. Rachhiq raq sku kong nai sku riimtikong ka wiita khiim baiqto. Ngi lamlam seli she lunkang ümniima tsasoqho miitu.”

Tvtsvmc 106:18

tsangnai jaiphantibi thaq na ra wa watu satto raüta kra abi maiqkong kra khiimbaiqto.

Tvtsvmc 78:21

Kiimaq Tatiwe kra tsangshiq bot nyan kra taito raüta atsan khiqto; apaiq raq asenginok ka wa tiidong raüta longto, kiimaq atsankhiq tsangshiq thaq na tiihengto,

Tvtsvmc 78:63

Jerobi thun ka re na jiimto, krai mren junriire kong ka alamti ahü she riito.

DUNGWVNC 16:7

Ranap na Tatiwe asi makse chat-hit chhai-nyii kra michhi han. Namshiq raq apaiq ngeng bot nyan lan kriika apaiq raq taito she. Tengto, namshiq raq apaiq ngeng bot-nyan lan. Jamkhano ngukla nainai raq jaqsham tiikai kriika apaiq raq achong chong kli shamtiikai.”

DUNGWVNC 16:9

Kiimaq Mosheq raq Aron ma nguto, “Mungmaiqse kunli ma chonglaq, tsangshiq ka waraüta Tatiwe khaki na michaplaq. Jamkhano ngukla apaiq raq tsangshiq bot nyan trang ka taito she.”

ISAIA 10:17

Shiikeawe, Israilnok ma rawüli kriika wa miishe mijaki. Israilnok asii Shiikeawe ka walütu kaü miishe mijaki. Raüta ranaiqshi liipan niili wiita tiihihut, kiida shukrü thun nai chokmun rü thun kriimin wiita hihut mikhiimbaiq.

ISAIA 30:33

Man na rathup raphaji niiphü, ara Asiria mung hokhamwe ara chaq chang wacha ka jonghea hiq bashi na tiijethüje dongdii riito. Kra khobok kaü ka jonghea kiimaq tsaühea. Raüta chin ka pahea ratsan na saüli aphongthü wishe. Tatiwe raq atsitsü ka hea raüta walütu thun ka riijang wantlii mitiidong. Raüta kra chinphong kra mitiinyai chaq.

ISAIA 33:14

Ngaraibuli sitlaq Jajon chelati ka haisitsi ma atiikhairokrok she sitlo. Tsangshiq raq ngutlo, “Shiikeawe raq khapho ka pattup pat-sa walü nyai raitlaq raüta khiimtlaq ikha. Nashiq phong wa maiq weshi ra ka ara wamong wa milun lot rong i shea?”

AJONJÜ 3:39

Arningkhan, nashiq shut kha, sintsang hohai jiika, abatbu chang lam asi shea?

EJEKIEL 20:36

Ngi raq namwetiim ka jamkho Sinai Kumtsaiphii mung na shrabaiq wan kang, kiikhiisii hali, ümchaü Ngi raq namshiq kiimin mitiishut baiqha,” nguta Tati Rakaü Hiqwe raq ngutlo.

LEWI 10:2

Tiihanghiiq miili Tatiwe raq wa tiisatto. Raüta wa raq tsangnai ka kiijaq Tatiwe man na tiikhiqlaq chut khiimbaiqto.

NAHUM 1:5

Tatiwe man na pum thun ka, tiikhai banban she riitlo, Ku-akin thun ka, ajam riiwan tlo. Tatiwe chhi raüta, mangjong hiqdiim tiikhai tlo, kriithaq na siti maiqse kunli hanghun wanto.

HABAKUK 3:5

Apaiq khaki na lamsheati ka, sawa thawa ajong tiiwa tlo. Kiimaq apaiq jai niika, tsailam kiishe tiiwa tlo.

WEAWEA 10:33

Riita Israilnok ka asii Sinai pum wa tiido wanto, raüta tsangshiq ka ranaiqtsam tinkhit wawanto. Tatiwe Tongshong Tek ka jang wrapshe tsangshiq ma lam shea sinkhu na wawan lili riitlo. Raüta tsangshiq ma lamjap chang piitiip tei wan chang hiq ba kra rit wan litlo.

WEAWEA 11:18

Riita ümchaü mungmaiqse ma chonglaq, ‘Anap ranaiq miitu namkhum ka atiisii ronglaq. Namshiq raq ngam miphaq han. Tatiwe raq namshiq honyi trang ka taito she. Kiimaq namshiq raq ngam phaq rohea nguta bottrang lan kiimaq namshiq ka man na Ejip mung na siji niika ümchaü arnam ma apeolin silan nguta ngulan kra taito she. Riita ümchaü min Tatiwe raq namshiq ma ngam she mikuq. Kiimaq namshiq raq phetak she miphaq siq han.

WEAWEA 12:2

Tsangnai raq nguto, “Tatiwe riika Mosheq lamlam lü miili sha bom ka chongtla? Apaiq riika naishiq lü miimin bom ka chong kuqtlo riimak sha?” Tsangshiq raq jamlai wa nguta kra Tatiwe raq taito.

WEAWEA 14:2

Tsangshiq raq Mosheq nai Aron tiishaü bomto. Kiimaq akha nguto, “Nashiq ka Ejip mung niili tsai hai jaq riiwe ka ahea riichang wa. Riimakla ara rumnyangkhi binjü arjaq tsairai hai riiwe ka ahea riichang wa!

WEAWEA 14:22

arnok arwa maiq weshi ra riimin kra mung na saüwan li chang atra silot mak miraq. Tsangshiq raq Ngi asi makse chathit chhainyiitlaq walü kra kiimaq Ngi raq Ejip mung na awang chang jaqsham wan kang thun kra kiimaq rumnyangkhi kumtsaiphii mung na awang chang jaqsham wan kang thun kra wiita chhi wanto she. Kiitinkhan tiichhike wan taü miimin, tsangshiq raq Ngi raq anin wan tsantsii rümtiikang kra bliiq kiki maitai wantlo. Kiimaq tsangshiq raq ibom tai mak maq ikiq khiitlo.

WEAWEA 14:27

“Ara abi pinthumnok ariiraq Ngi shra bottsaü arka ümtincho na saüli wa mibot nyan trang wan? Ngi raq tsangshiq bottsaü trang ka pahea achan she tai tiikang!

WEAWEA 14:28

Ümchaü tsangshiq ma ara bomtre arli she chongkuq ronglaq: ‘Ngi ka atiitum lata chongtiikang, Ngi ka atra sishat wiiwii, namshiq raq jamlai wa jaü tlan kriishe miklo kuqha. Arka, Ngi, Tatiwe raq toqtan tiikang.

WEAWEA 16:11

Ümtiikiiwa ümniiraq Aron ngeng bom bomtlaü, kriika riikhaqli maq ümniiraq nai ümsenginok raq Tatiwe ngeng bom bom tlan.”

WEAWEA 16:35

Kiijiishe Tatiwe raq watu tiikito. Raüta kra walü nyai hengtlaq kriiraq maiqwere 250 homseng honglu berong-wacha na kewati kra tiihihut khiimbaiqto.

WEAWEA 17:5

Krii phong kiiwa Ngi raq juwa shong wan kang kriiwe nyeakii kra acham raüta aküsetiim asi miraq. Akha klo lata Ngi raq ara Israilnok raq ümnaq ngeng bom bot wan ruq bottlaq kra tiikaiqshak she mitiikaiq baiqha.”

WEAWEA 21:5

Raüta Shiikeawe ngeng nai Mosheq ngeng bom bomto. Tsangshiq raq akha bottrangto, “Ümniiraq naishiq ka Ejip mung wa tsuq wan laüta ara bintang jüngi kumtsaiphii mung na jaram wa tiitsai tlaü? Arjaq aphaq asea chang min ahü. Anyang chang kham min ahü? Naishiq ka ara aphaq asea chang min riimak manna ariiraq achok she!”

1 Corinthians 10:10

Tsangshiq phong wa maiq wiijamti raq abot atsaü riiwanto. Kiikha hali nashiq riimin abot atsaü ka raa mak. Tsangshiq bot tsaü wantaqti thun ka Maiqtseati Rase raq jiip baiqto.

TRI CHONGKE 25:18

Tsangshiq raq Shiikeawe ma haisong tsantsii thü mak riito. Tsangshiq raq ümniika anü maakaiq kiimaq ngi la nguraü akhing na jai nü maq jowan raüta khatto. Raüta jaiti maiq ümchuwa ngi la nguraü awa rai kiiwa tsatbaiqto.

TRI CHONGKE 32:22

Itsan khiq walü ka amok dung dung michaqha, lata mangjong hiq wa phanrap wiita wa maq michaq baiqha Kra walü ka wulum mung na misaü, kiimaq pum thun rang chong thun wiita mikhiim.

TRI CHONGKE 9:22

“Namshiq raq Tatiwe namshiq Shiikeawe tsan ka Tabera hiq maq, Masa hiq maq, kiimaq Kibroth Hattaawa hiq maq min tiikhiq wan lan.

Hebrews 12:29

Jamkhano ngukla, nashiq Shiikeawe ka bunlak buncha khiim chaqti watu.

James 5:4

Namshiq raq namwak na ningchang tham phaqti, tsamhan jaq maq kampho ka kuq man maq haihii lan. Tsangshiq raq aholülü maq tiipaiqnea jaü tlaq kra tai man sha! Tsangshiq hoq trang tlaq kra Tatiwe, Ajong Shiikeawe raq taito she.

Jude 1:16

Tsangshiq riika wranaiqshe, abot atsaü wa trangli, kiimaq maiqse maiqtsiiq wa trang tiimin li sitlo. Tsangshiq ka tsangshiq hon atsii abi rüm tlaq kra lamphanti. Tsangshiq ka maiqmii tiishomra sea wa tiimin li. Kiimaq maiq ka shomrasiq raüta, tsangshiq wok tiipaü wan, nanok ka hirii raüta mopsiq tlo.