WEAWEA 1:53 - ASII LAKDAP Bible (BSI)

⁵³ Shatmaq Lewi phan raq tsangshiq piitiip ka Tombutiip tro na tei wan ratlo. Raüta Tombutiip kra khe ratlo. Kriika maiq ahinti jumin kra tho na wamak chang miitu. Kiimaq itsan tiikhiq raüta Ngi raq Israilnok ka jiipbaiq mang chang miitu khe wan ratlo.”

Hawa Naga Bible 2001

⁵³ Yuq muinz vshiz shiz kuex Tap hep kvyuq kvnvp kaz itueq ngoz ruiux yuq, ngvy thuinkhaq vtueq Israel miqsaz lotlaz htauk nuex murx tvgurc shaungx, kvkhoc ningkhvnc nuex Lewi phvnx kuex Tap kvruex lawc mawc tvkoc kvruex tvroz kvyuq httaz rax,” ngoz tueq jungx tueq.

WEAWEA 1:53 Referencias Cruzadas

1 KAÜWA WERAÜ 23:32

Tsangshiq ma Tatiwe asi Tombutiip kra nai Shomjam kra shiili liiwan arang kuqto. Kiimaq tsangshiq ma tanyang senobi thun, kiimaq Aron saüse phan ramwebi thun ka Shomjam na noqku akhing na jaqsham kra khrumke wan arang kuqto.

2 KAÜWA WERAÜ 13:10

“Shatmaq naishiq riika ümchaü niitaq Tatiwe naishiq Shiikeawe kriili shomnoq tiikai. Kiimaq naishiq raq apaiq ka miimbaiq mai. Aron saüse phan wa ramwebi raq tsangshiq jaqsham tlo. Kiimaq Lewinok raq tsangshiq ka khrumtlo.

2 KAÜWA WERAÜ 13:11

Ranaptek kiimaq rajitek na tsangshiq raq homseng honglu nai nyamse honglu wiipumtam maq wa na chaqtlii chang kra takuqtlo. Tsangshiq raq winsii honglu thun kra chamrii asii kra thaq alu kuqtlo. Kiimaq rajitek tsangshiq raq lem thun kra tiinyai chaq raüta chaq lem tochang kham kiijaq totlo. Naishiq riika Tatiwe raq jamlai aming wa kuqtaq kra phan phan li klo tiikai. Shatmaq namshiq apaiq ka miimbaiq lan.

JEREMIA 23:15

“Riita arthun arkha na, Ngi Tati Ningkun Ajongwe raq, Jerusalem na siti shammibi miitu ara toqtan tiikang: Ngi raq tsangshiq ma akhap akhiq phan pecham mitiiphaqha kiimaq achok chang phan kham mitiinyangha, jamkhano ngukla tsangshiq raq ra weahü ngarai jaqsham maq armung ka tlotli tiinyam baiqto.”

JEREMIA 5:31

Shammibi raq arot akiq kriili chongtlo. Ramwebi raq mung ka shammibi aming kra phan phan pengtlo. Kiimaq isenginok raq tsangshiq kiq ka khii wan tsü mak. Shatmaq arthun ara athum riiwantlaq kiijaq tsangshiq raq jamlai she wa miraq?”

LEWI 10:6

Kiijiishe Mosheq raq Aron nai asenai Eleajar nai Ithamar ma nguto, “Maaho maajü tiichhi nguta namshiq khu ka thai hü maq naq thü rongkiq. Riimakla namdü wa khea kra chailanta maajo kheasam ikha naqchai rongkiq. Namshiq raq kiikha riihanla atsai mirhan. Kiimaq Tatiwe ka Israilnok tlotli ma tsankhiq miraq. Shatmaq namshiq Israilnok mungmaiqse riiwe kla ara Tatiwe raq wa tiisat raüta tiikhiim baiqtaq ara miitu maajo jümii shiri mimai.

WEAWEA 1:50

Kra rii na Lewi phan maiq thun miika, Ngi asi Tombutiip nai kra mong na sitlaq hupsam thun kra shiililii jaqsham arang kra kuqlaq. Tsangshiq raq tiip nai kiijaq sitlaq hupsam thun kra mihopi wan. Raüta kra tiip mong wa jaqsham thun kra misham laq. Raüta tsangshiq tiip thun ka tombutiip tro na mitei wan laq.

WEAWEA 1:54

Krai mren, Tatiwe raq Mosheq ma jam kho aming tattaq kra phan phan Israilnok raq kloto.

WEAWEA 16:46

Kiimaq Mosheq raq Aron ma nguto, “Üm wapin ka ümjaq na shamtlolaq. Laüta berong-wacha kiiwa wachan wiiwatam maq kiijaq tso laüta thiilaq. Laüta homseng honglu wiijam ka wapin na thiilaq. Laüta kra ümjaq na doshat maq jaqlo thit thit mungmaiqse khum kra tiisii wan mro ka chhikuq tlolaq. Kotsi jaqlo! Tatiwe tsankhiq walü ka anyai wan kun she. Thabi tsi ka adong wan kun she.”

WEAWEA 16:9

Israilnok Shiikeawe raq namshiq ka Israilnok phong wa pong na tsea wanto, raüta namshiq raq apaiq tho na wa lanta, Tatiwe Tombutiip na apaiq shiikum pan jaqsham arang kuqto, kiimaq mungmaiqse miitu shomnoq jaqsham kuqto kiimaq tsangshiq shiikum pan jaqsham kuqto, arka hiqtilise kuqto ngutiisha tiima tlan?

WEAWEA 17:7

Kiijiishe Mosheq raq kra nyeakii thun ka Tombutiip mong na Tongshong Tek kaü khaki na thüto.

WEAWEA 2:17

Kra raütiishe kongkhu na lamsheati kongnai wawantlaq kra heawea niika kiimaq jai na atiisup kongnai watlaq heawea niika Lewi phan raq Tombutiip haichang hupsam thun kra piraüta wa wan chang. Maiq phan kong thun kriika tsangshiq piitiip tei wantlaq na jamkho aphan alan khea chantlaq wokhong na siwantlaq kra tiiphan phan, alaü wan lam maq miimin kra phan phanli wawan ruq riichang. Maiq phan aweatek ka maiqmiimii phan alan khea chan wokhong na wawan chang.

WEAWEA 3:23

Ara tsangshiq weraü phan ka Tombutiip maq shenyap nü siimjai na tsangshiq piitiip ka tei wan chang riito.

WEAWEA 3:29

Ara weraü phan arka Tombutiip maq shemai nü siim na tsangshiq piitiip ka haiwan chang riito.

WEAWEA 3:35

Ara weraü phan raq tsangshiq piitiip ka Tombutiip maq shekhu nü siim na tei wan chang riito. Kiimaq tsang welawe ajongwe ka Abihail se Juriel riito.

WEAWEA 3:38

Kiimaq Mosheq nai Aron nai asetiim riika Tombutiip khaki nü na shedong nü siim na tsangshiq piitiip ka tei wan chang riito. Tsangshiq ma jaqsham ka Asii Khok na Israilnok miitu jaqsham chang ümchuwa sitlaq kra liiwan chang riito. Maiq ahinti jurwa ara tsangshiq jaqsham kra sham lai nguta danjiiq, kriiti ka tiitsailaq atsea baiq chang riito.

WEAWEA 31:30

Mungmaiqse ma kuq lan rii kra wiika, shumwi kong roqbiingi kiiwa shumwi ka ashi shi lam thü ronglaq. Kiimaq kra niq ri ri sii hali minsaü kong, kumtoq kong, sku kong, kiimaq chhechhi kong kra wiimin lamthü ronglaq. Lanta kriithun ka Tatiwe Tombutiip kheti Lewinok ma kuq ronglaq.”

WEAWEA 31:47

Ara saq seng arwa Mosheq raq shumwi kong roqbiingi wa shumwi ashi ashi, kiimaq nyamse kong roqbiingi wa ashi shi ka lamto, raüta Tatiwe raq aming kuqtaq kra phan phan, Tatiwe Tombutiip liiti Lewinok ma kuqto.

WEAWEA 8:19

Kiimaq Ngi raq Lewi phan ka Aron nai asetiim ma Israilnok raq akuq kongphiq ma kiinong kuq tiikang, tsangshiq ka Israilnok miitu Tombutiip na jaqshamke ma kiimaq Israilnok ka Asii Khok tho jehea na warai raüjaq, phiiptsi jiiptsi tsai rai chang wa tiiwongke wan miitu shong wan tiikang.”

2 Timothy 4:2

Ümniiriika, maiqse angu ma trahoke wan kli shiichaq wan ruq riilaq. Kholam kholiiq, chiiriim laüta, akhing hongtaq lo, hong mak lo jiimin, chongkuq wanruq maq shiichaq laq. Ara chongkuq tlaü kra lümaq, maiqse tsan ka tiinin lili mirlaq. Tsangshiq raq tsii chhi wanli chang, bomtsi ka atsin maq trantsii son laüta, chong kuqlaq. Kiimaq tsangshiq tsaiji ka dokuq laq. Ara trahoke jaqsham arka, phanrap na nin wan ruq maq, chongkuq laq.

1 SAMUEL 6:19

Tatiwe raq Beth Shemesh chelati maiqwere roqmiishi tsatbaiqto. Jamkhano ngukla tsangshiq raq Tongshong Tek mong kiijaq bum raüta liito. Nokmaiqse ka maaho manyi hoqsii trangto. Jamkhano ngukla, Tatiwe raq tsangshiq hiqti maiq pahea tsatbaiqto.