WEAWEA 1:50 - ASII LAKDAP Bible (BSI)

⁵⁰ Kra rii na Lewi phan maiq thun miika, Ngi asi Tombutiip nai kra mong na sitlaq hupsam thun kra shiililii jaqsham arang kra kuqlaq. Tsangshiq raq tiip nai kiijaq sitlaq hupsam thun kra mihopi wan. Raüta kra tiip mong wa jaqsham thun kra misham laq. Raüta tsangshiq tiip thun ka tombutiip tro na mitei wan laq.

Hawa Naga Bible 2001

⁵⁰ Kvkhoc ruec tvraung, ngaz httax yaq Tap nuiyc kvyuq seng yaq hup vsvmx lotlaz kuex Lewi miqsaz htenc muex tvhttuiyq httvmx shuiux. Tsuingshiq rueq kvruex tap nuiyc hup vsvmx htenc kuex gurc pic rax, jerak tec ruiux muinz Tap tvroz kvyuq httaz rax.

WEAWEA 1:50 Referencias Cruzadas

2 KAÜWA WERAÜ 24:6

Kriikha na apaiq raq Jehoiada nai tsangshiq sheati welabi ka tiiheato. Raüta akha shiitepto, “Lewinok raq Juda mungti nai Jerusalemti jaq wa phunta hikai chang Tatiwe asi Tombutiip na lang miitu nguta Tatiwe jaqshi se Mosheq raq mungmaiqse ma achongthü kra namshiq raq jam nguto tiisham man riitlan?”

NEHEMIA 12:22

Lewi weraü phan wa atitiim ajong alabi mang ka, kiimaq ramwe weraü phan wa tsangtitiim ajong alabi mang ka, lak na awaiq raüta thü wanto. Arka Ramwe Ajong Pinthumwetiim Eliashib pat na, Joiada pat na, Jonathan pat na, kiimaq Jaddua pat na waiq thüto. Raüta, ara tsangtitiim manphan mangwaiq wan jaqsham kriika, Persia mung langti hokhamwe Derias pat niishe tiithum waiqthüto.

NEHEMIA 12:47

Arka Jerubabel pat na nai Nehemia pat niimin, Israilnok raq, ranaiqtek honglu kra kuq wan lili riitlo. Raüta, Shomjam na ashi angeti nai shomjam kheti hokranok kra tiichamchao mak maq dunghiq wanto. Mungmaiqse riika, Lewinok ma asii, aram ari honglu kra kuq wan lili riitlo. Kiimaq, kra honglu kiiwa, ramwebi rii ka Lewinok raq ramwebi ma pheakuq wan lili riitlo.

NEHEMIA 12:8

Lewinok: Shiikeawe ma tiitsamkam kechutum shinge wan lam na asheati ka arthun ara riito: Jeshua, Binnui, Kadmiel, Sherebia, Juda, kiimaq Mattania riito.

NEHEMIA 13:22

Krai mren, ngi raq Lewinok ma tsangshiq khum ka phumram kham maq tiisii bat raüta, Asii Niitiitsak Ranaiq ranaiq ka asii maq thü wan miitu, tsangshiq raq kilamchong thun kilü ka sontri tsong raüta teptep khe miitu aming kuqkang. O, Shiikeawe lei, ngi raq arthun jaqsham tiikang ara miitu, ümmang chan tsii rüm tlaü kriimaq, ngi ara tiikhup wongkuq laq

NEHEMIA 13:5

Apaiq raq Shomjam mong na khok ajong pinthum ashi, kra khok kriika, honglu kuq wantlaq tü atsam, kiimaq homseng, kiimaq Shomjam na lang chang huk nai sam ja nai piq thun, ramwebi ma akuq honglu thun, kiimaq aroqkhu wa akuq honglu piiwong, spiqtai, kiimaq Lewinok ma akuq olip petsi tai thun, kiimaq Shomjam na ashi ange wanti ma akuq honglu, kiimaq Shomjam kheti hokranok miitu akuq honglu thun kra saiq sam chang khok kriika Tobia raq lang miitu kuq baiqto.

Tvtsvmc 122:4

Arjaq maiqphan thun ka watlo, Israilnok maiqphan thun kra watlo, apaiq aming thun kra phan phan, Tati ma kechutumke wa.

DUNGWVNC 31:18

Riita ümtiikiiwa Shiikeawe raq Sinai Pum maq Mosheq ma bom chongke kra lottaq, apaiq raq longpen wiinai na aming raütu apaiq jaq maq awaiq kra Mosheq ma kuqto.

DUNGWVNC 38:21

Tatiwe asi Tombutiip longpen anai na Aming Roqshi awaiq kra thüchang tiip kra hai miitu ja ajin ümchuwa lang wantaq thun weawea raüpot ka arthun ara riito. Kra hupsam thun rong raa tlaq wea wea raüpot ka Mosheq raq achu miraa nguta aming akuq. Kiimaq kra raüpot waiqthüti ka Lewinok ramwe Aron se Ithamar wokhong maq jaqsham wanti raq waiqto.

WEAWEA 1:53

Shatmaq Lewi phan raq tsangshiq piitiip ka Tombutiip tro na tei wan ratlo. Raüta Tombutiip kra khe ratlo. Kriika maiq ahinti jumin kra tho na wamak chang miitu. Kiimaq itsan tiikhiq raüta Ngi raq Israilnok ka jiipbaiq mang chang miitu khe wan ratlo.”

WEAWEA 10:21

Kiijiishetiq Lewi phan wa Kohath weraü phan ka asii hupsam thun athop kra pi raüta wawan lili riitlo. Tsangshiq ka lamjap chang piitiip kiiniishe saü wan raüla, Tombutiip ka achanlot wishe lowan lili riitlo.

WEAWEA 17:7

Kiijiishe Mosheq raq kra nyeakii thun ka Tombutiip mong na Tongshong Tek kaü khaki na thüto.

WEAWEA 18:5

Asii Khok nai berong-wacha na jaqsham chang sitlaq kriika ümnaq nai ümsetiim riili dongdii jaq ka sham chang. Kra riihan jiitiq Israilnok khuthaq na itsankhiq walü ka nyai nong mak she miraq.

WEAWEA 2:17

Kra raütiishe kongkhu na lamsheati kongnai wawantlaq kra heawea niika kiimaq jai na atiisup kongnai watlaq heawea niika Lewi phan raq Tombutiip haichang hupsam thun kra piraüta wa wan chang. Maiq phan kong thun kriika tsangshiq piitiip tei wantlaq na jamkho aphan alan khea chantlaq wokhong na siwantlaq kra tiiphan phan, alaü wan lam maq miimin kra phan phanli wawan ruq riichang. Maiq phan aweatek ka maiqmiimii phan alan khea chan wokhong na wawan chang.

WEAWEA 20:11

Kra ngu raütiishe Mosheq raq anyeakii ka ra nü na do saq riito. Raüta kriimaq longraq na jangnai hot hot bukto. Kiimaq kham rai ashi ajongwiq kra longraq mong kiiwa phok saq li phok wanto. Kiimaq mungmaiqse kunli raq nai nyamsekong kunli raq kham ka nyangto.

WEAWEA 4:15

Ümtiikiiwa piitiip ka arun wan cho akhing she saüjiiq, Aron nai asetiim raq asii hupsam thun nai krai lang chang hupsam thun kra wiita apang chang maq pangbaiq lottoshe angu niitiq, Kohath weraü phan ka waraüta arthun asii ta awii thun kra mipi wan. Kohath weraü phan raq ara chongtiikai asii hupsam thun ka tsangshiq jaq maq shamwa maimak. Riimakla tsangshiq ka atsai miraq. Kohath weraü phan raq Tombutiip kra tiisot wantlaq akhing na jaqsham chang ka arthun ara.

WEAWEA 4:3

laüta maiqwere tlotli arawii wiiroqtsam maq pha raüta wiiroq biingi na saüli maiq ka wealaq, laüta Tatiwe asi Tombutiip na jaqsham milotti thun tsangshiq mang ka lakdap na waiqthülaq nguta chongto.

WEAWEA 8:19

Kiimaq Ngi raq Lewi phan ka Aron nai asetiim ma Israilnok raq akuq kongphiq ma kiinong kuq tiikang, tsangshiq ka Israilnok miitu Tombutiip na jaqshamke ma kiimaq Israilnok ka Asii Khok tho jehea na warai raüjaq, phiiptsi jiiptsi tsai rai chang wa tiiwongke wan miitu shong wan tiikang.”

WEAWEA 8:20

Krai mren Mosheq, Aron, kiimaq Israilnok raq Tatiwe raq Mosheq ma aming kuqtaq kra phan phan Lewi phan ka Tatiwe ma kiinong kuqto.

WEAWEA 8:22

Tatiwe raq Mosheq ma Lewinok miitu jamkho aming kuqtaq kra phan phan mung maiqse raq klo wanto. Krai mren, Lewi phan ka Tombutiip na Aron nai asetiim wokhong maq jaqsham wan miitu asii she riito.

Revelation 15:5

Arjai miishe, ngi raq ramungtan wa shomjam kilü ka dito chhikang. Shiikeawe ngachang tiip ka shomjam mong na riito.