Tvtsvmc 9:6 - ASII LAKDAP Bible (BSI)

⁶ Naishiq ma renok ka pattup miitu miqto she; ümniiraq tsangshiq chela thun tiithenbaiq laü she, krai mren tsangshiq mang ka siirai she laqbaiqto.

Hawa Naga Bible 2001

⁶ Naungshiq ralx htenc kuex pattup htumx wvnc vtuex; mnoz rueq tsuingshiq ghaq-yungx htenc kuex tvbac gay toq nuiyc, tsuingshiq kuex tvsawc ric lauk gay rvhumc vtuex.

Tvtsvmc 9:6 Referencias Cruzadas

2 HOKHVMX 19:25

“Ngi raq arthun arka man na rathup raphaji niiphü dongdii asü rii wanha ngutiika taimaü dea shea riilaü? Krai mren, Ngi raq ümchaü she arthun ara klo wan kang. Ngi raq ümniima kiitelong maq trotam maq rukje chela thun kra botkhulai rai shotbaiq wan miitu ningkun kuqkang.

YOBA 18:17

Apaiq mangchong tsaki ka hiqshong na nai binwiiq niimin amokai wishe; apaiq mang ka tsan na jurmin tiitsang kong mak she.

Tvtsvmc 34:16

shatmaq apaiq raq abi kiimungti ka ashang riihotlo; krai mren ümtiikiiwa tsangshiq ka tsaijiiq, maiq raq tsangshiq ka laqbaiqsaqli riitlo.

Tvtsvmc 34:17

Kechu maiqse raq Tatiwe mang chongtlo; kiimaq apaiq raq taitlo; apaiq raq tsangshiq ka chamchao wiita wa tiichhiikuqtlo.

Tvtsvmc 46:9

Apaiq raq mangjong tlotli wa reriikhat thun ka wiita tiitsaq baiqto; apaiq raq liq thun ngoqbaiqto, piq thun tiithen baiqto, kiimaq liiq thun wa na chaqbaiqto.

Tvtsvmc 7:5

ijaqtibi raq ngi ka jowan raüta milap laq, raüta tsangshiq raq ngi ka tiitsai laq mitsatbaiq laq raüta ngi ka amaa hiq na mitiibum baiq laq!

Tvtsvmc 8:2

Arka nosere kong raq nai noshiisetiim raq shingetlo. Ümniika ümjaqtinok maklii wa tiiwongshat kiimaq angang alang sitlaü; Jurwa ümkiq khiitlaq kra tiikaiqshakli tiinga baiqtlaü.

DUNGWVNC 14:13

Kiijiishe Mosheq raq treto, “Naqhai rongkiq! Namhok ni kli tiipha ronglaq. Kiimaq ümchaü ranaiq namshiq tiichhiike miitu Tatiwe raq jamlai wa klotlaq kriili liironglaq. Namshiq ara Ejip mungti ara jai na ümtiikiimin chhinong man she mirhan.

DUNGWVNC 15:16

Aphiip ajiip kiinyii wanto. Tsangshiq raq ümningkun jong chhito, Tatiwe lei, raüta haisitsi ma tsaihü jihü ngatlo ümsenginok milea wan shaq wiiwii, ümniiraq dikong wa adokda wan nok kra.

ISAIA 14:17

Apaiq ara riidea khata maiq chela thun tiithenbaiq wantiwe ira. Raüta mangjong hiq raikhü ka rumnyangkhi kumtsaiphii ma tiijabaiq wantaq ira? Apaiq riidea riimak shea ashumwi kong ka diibaiq mak phan shaq tlaq ira. Kiimaq shumwi kong ka maiqmii jam na tiijang wan mak phan shaqho tlaq ira?’

ISAIA 26:14

Ümchaü tsangshiq ka tsaikito she thongshi atra jalot mak she; tsangshiq majikong ka dong wan lot mak. Jamkhano ngukla ümniiraq tsangshiq ka tsatbaiqlaü, kiimaq thumthum tiithenbaiq laü. Tsangshiq ka jurmin tsan na tiitsang mak she.

ISAIA 37:26

“Ümniiraq arthun hong wantaq arka rathup rapha niiphü Ngi raq athapthi wan ngoka tai maü shea? Krai mren, ümchaü Ngi raq arthun ara klo wan kang she. Ngi raq tiina ümniima kiitelong maq peruk weshaü tangphak phak aruk chela thun kra botkhulai rai shottlii tiithen baiq wan miitu ningkun kuqkang.

JEREMIA 51:25

Bebilon lei, ümniika pumkaü jonghea ashi raq mangjonghiq tlotli tiithenbaiqti ikha. Shatmaq, Ngi, Tatiwe ka ümniima wesang. Ngi raq ümniika rangho lata, hiq na tiipili she misoq baiqha. Lata botkhulai rai mishot baiqha.

Mikha 7:10

Kra akhing na najaqtinok, nashiq nangnga, “Nam Tati Shiikeawe ka, ümbano?” nguta slaiti raq, nashiq tiichhii wan ka michhi. Raüta tsangshiq jea mingaü. Nashiq raq tsangshiq ka, re raq atang wan wishe, lam na boq jimaq nibaiq tlaq ikha michhi rong i.

Mikha 7:8

Najaqtinok chochi raichang lamluka ahü. Tengto, nashiq ka thenkaishe. Shatmaq achapali mirwan i. Nashiq ka ümchaü ranyaq mong na. Shatmaq Tatiwe raq nashiq ma wa mitiinii kuq nong.

1 Corinthians 15:26

Apaiq raq tang wan chang atiithum rewe ka atsai ningkun kriishe.

Revelation 20:2

Rase raq prenkaü ka khahoto chhikang. Apaiq ka richü pat wa paükaü kra. Apaiq mang ka Thawe riimak la Soitan ngutiimin ngutlo. Rase raq apaiq ka jinraü maq tep khato. Raüta rase raq apaiq ka hiqkhobok jonghea acha ahü linlii mong kiina tiidea baiqto. Raüta kilü ka shaq raüta sil maq phan baiqto. Thawe ka kra hiqkhobok jonghea acha ahü linlii mong na rawii hingshi phaqtek na tiikhashat misi. Kiimaq kra liipan na apaiq raq maiqse angu mangjong hiq wiika lao lot mak she miraq. Kra rawii hingshi phaqtek na shaq jai she, apaiq ka jaqlo miitu adii baiq chang midongki nong.

1 SAMUEL 30:1

Ranaiq nai jai miishe Dawit nai asengibi ka Jiklak chela niishe saüto. Amaleknok raq Juda wang wa shemai nü binjü thun kra khatto. Kiimaq Jiklak chela kriimin khatto. Tsangshiq raq Jiklak chela ka wa maq tiibunlak chaqbaiq thüto.

1 SAMUEL 31:7

Kiimaq Jejreel tan maq konü reko na siti Israilnok raq, kiimaq Jordan rai maq shedong nü reko nü wang binjü na siti Israilnok phenlabi thun ka rehai ma wiita she pinto, kiimaq Saul nai asetiim kiimin wiita she re na tsaito nguta tai raüta, tsangshiq maiqmii chela thun kra miimbaiq thü raüta wiita pinto. Kra chhi raütiishe, Philistainnok ka kiraüta kra hiqshong thun ka jiiwan raüta siwanto.