Tvtsvmc 81:3 - ASII LAKDAP Bible (BSI)

³ Poi miitu paison lerong tsü ronglaq, jiha dong wan pha na kiimaq jikham ranaiq na.

Hawa Naga Bible 2001

³ Yac nyalx raungnuiyq nuiyc yac tumz raungnuiyq nuex, moalx tvhungx tvkoc bolic tuimz wuez shuinz.

Tvtsvmc 81:3 Referencias Cruzadas

2 HOKHVMX 4:23

“Riita ümniika ümchaü ranaiq lala jam nguta kai wa?” nguta awese raq waito. “Ümchaü ranaiq ka Niitiitsak ranaiq min riimak, kiimaq Jinyedong Poi min riimak kata.” “Jam raamak,” nguta apaiq raq treto.

1 KAÜWA WERAÜ 15:16

Dawit raq Lewi weraü welabi kiima Lewi weraü phan na maiq ümchuwa sitlaq liipan na jaqsham ka maiqmiimii ma ashi angeti kongshi, kiimaq atsü angii phaqlamtoro nai süpseng tsüti kongshi na pheakuq ronglaq nguta aming kuqto.

1 KAÜWA WERAÜ 16:42

Heman nai Jeduthun miika paison lerong tsü wan nai süpseng tsü wan kiimaq laihin atsü angii chang phan hupsam tiitsamkam shinge akhing na langtlaq kriithun kra liiwan miitu min arang kuqto. Kiimaq Jeduthun weraü phan maiq sitlaq kra miika kilamchong thun kra khewan miitu sontri jaqsham arang kuqto.

1 KAÜWA WERAÜ 16:6

Kiimaq ramwe nai Benaia nai Jehajiel ka akhing khaq khaq na Tongshong Tek khaki na paison lerong tsü miitu shongto.

1 KAÜWA WERAÜ 25:1

Hokhamwe Dawit raq nai Lewinok wa welabi raq noqku na ashi ashun sheati maiqlare Lewi phan wa ara weraü thun ara tseato: Asap weraü, Heman weraü, kiimaq Jeduthun weraü. Tsangshiq ka phaqlamtoro nai süpseng tsü raüta ashi ange maq Shiikeawe bomtsi ka ariim raüta chongke jaqsham kuqto. Riita tsangshiq thun ma noqku akhing na ashi ange na shun shea miitu akha akong akong na khoja ka phea kuqto:

2 KAÜWA WERAÜ 13:12

Shiikeawe apaiq kli naishiq Pengti welawe. Kiimaq apaiq ramwebi thun ka paison lerong thun jaq na atsüho ma dorachhaq maq, naishiq ka namshiq khat miitu rechap wan ma khekham maq khetlo. Israilnok lei, namtitiim Tatiwe, Shiikeawe rai naq riikhat rongkiq! Namshiq riika tang man!”

2 KAÜWA WERAÜ 13:14

Kiimaq Juda mungti raq tsangshiq tro na liito. Raüta tsangshiq ka re raq akom wan wishe chhito. Tsangshiq ka Tatiwe jaq wa khrum jaü hoq trangto. Kiimaq ramwebi raq paison lerong kra tsü trangto.

2 KAÜWA WERAÜ 2:4

Ngi raq i Tatiwe Shiikeawe shreng chang Shomjam ashi haitiikang. Kriika asii jam miraq. Kiijaq isenginok nai ngi raq apaiq ka homseng honglu süse tapan chaq laita mishom noqhai. Kiijaq naishiq raq asii winsii honglu thun ka atsaq min tsaq mai phan maq honglu mikuq hai. Kiimaq kiijaq naishiq raq wa na chaqtlii-honglu thun ka ranaptek na kiimaq rajitek na mikuq hai. Kiimaq Niitiitsak ranaiq thun niimin, Jinye Dong Poi thun niimin, kiimaq laihin asii ranaiq thun niimin, Tatiwe naishiq Shiikeawe shreng ma mikuq hai. Apaiq raq Israilnok ma arka pattup pat-sa kewan chang nguta aming kuqto.

2 KAÜWA WERAÜ 8:13

Apaiq raq wa na wiipumtam maq chaqtlii honglu thun ka Mosheq Thung tri na waiqtaq kra phan phan asii ranaiq tek na: Niitiitsak ranaiq na, Jinye Dong Poi thun na, kiimaq rawiitek na laktsam poi jonghea - Pi Maq Shohü Winsii Phaq Poi, Tsamwi Poi, kiimaq Lamjap Tiip Poi akhing na klotlo.

Tvtsvmc 149:3

Apaiq mang ka wiinum shewa tiitsam ronglaq; nong buk lantea kiimaq phaqlamtoro tsü lantea apaiq tiitsam ronglaq!

Tvtsvmc 33:2

Phaqlamtoro tsü lantea Tatiwe ma kechu tum ronglaq, wiipaq phan toro tsülanta apaiq ma shikuq rong laq,

Tvtsvmc 98:6

Nüchhong lerong thun nai lerong thun tsüronglaq! lanta tiihong lanta Tatiwe ma chochi siitrang ronglaq, nashiq hokhamwe ma.

AJONJÜ 2:6

Apaiq shomnoq chang Jam, bunlak buncha tiibun baiqto. Apaiq raq asii liipan ranaiq thun, nai Asii Niitiitsak Ranaiq lang akhing, wiita tangta baiqto. Atsankhiq moho sintsang ka, Hokhamwe nai ramwebi ma, pilichhaq tiihoto.

NAHUM 1:15

Liirong laq! Pum na ahea tsasoqtiwe watlo. Apaiq ka tangkai she nguta tsütsa tiitai kai kitlo! Juda mungti lei poi she klo rong laq! Namshiq raq Tatiwe ma, sinkham bomtsi khakuq lan kriishe, kuq rong laq. Ümchaü san maiq abi mungti raq, nammung ka jai na longliiq wa mak she miraq. Tsangshiq ka laimiq tiithen baiqto she.

WEAWEA 15:3

Minsaü pongwe ashi, skure pongwe ashi, sku ashi, riimakla chhechhi ashi kra Tatiwe ma chaqtlii-honglu na ke mimai. Riimakla sinkham tiikhoi honglu na mimai, riimakla maiqmii tsantsii honglu riimakla akhing khing na kamasham poi klotlaq kiijaq ke mimai. Ara phaqsea-honglu akuq khiimtsang ka Tatiwe ma tsan tiiheali miraq.

WEAWEA 28:11

Tatiwe ma jinye dong wantek na chaqtlii-honglu kuqlaq: Minsaü pongre se anai, sku pongre se ashi, arawii wiishi sku pongsetiim miishi, arthun tarü ka akhum nyeajokjok adü na ami atsi ahü siisaq riichang.

TRI CHONGKE 16:15

Tatiwe üm Shiikeawe ka ara poi ara ramiishi na saüli noqku chang hiq bashi kriijaq klo lanta shreng ronglaq. Pinthum khoqriiq ronglaq. Jamkhano ngukla Tatiwe raq üm bunwong buk lan ka shiiman kuqto kiimaq üm minshiiq laü kra shiiman kuqto.

Colossians 2:16

Ara chongtiikang Khristo raq thawe kharü ka adii baiq kun she kha maq, ümchaü sanha, maiq raq namshiq ma arphan arka aphaq asea mimai, arphan arka aphaq asea maimak, apii chang nguta tri raü arun baiq wishe kra thongshiri hali, namshiq ma khakuq tlaq kriika, naq tiikha nong rongkiq. Rahiq jipi kiimin, arka jihea ranaiq, arka jibi ranaiq nguho. Kiimaq Jinye Dong Poi ka alang chang nguho. Asii Niitiitsak ranaiq ka alang chang maa nguho.