Tvtsvmc 7:1 - ASII LAKDAP Bible (BSI)

¹ O Tatiwe lei, i Shiikeawe lei, ngi ümphana watiikang tiiwongkuq laq; Ngi jowanti kong jaq khon wa tiichhii kuq laq kiimaq khup wong kuqlaq.

Hawa Naga Bible 2001

¹ O Yehowa ngvy Tishox lex, mnoz nuex kvwungx tvkoc ngaz mnoz kox nuex kaz raungx; ngvy yurc jix hez lotlaz yauk wawc ngaz kuex tvguing vtueq daungc wvnc koq,

Tvtsvmc 7:1 Referencias Cruzadas

Tvtsvmc 11:1

Ngi ka Tatiwe wokhong na sitiikang, Ümniika angiwe ikha ngi ma jamkho akha bomtlaü, “Wushi kaü ikha pum kiina biwan laq,

Tvtsvmc 13:3

O, Tatiwe lei, i Shiikeawe lei, ngi ara liilaq. Ngi ma iningkun kra jangkuqlaq; ngi ka naq tiitsaikiq.

Tvtsvmc 13:5

Ngi ka ümlungwii thumki mak phan kiijaq riiwiiq tiikang; Ngi ka mikhoqriiqha, jamkhano ngukla ümniiraq ngi mitiichhii haü.

Tvtsvmc 18:2

Tatiwe ka ngi tiiwongti; apaiq ka ngi ma peruk weshaü jonghea. I Shiikeawe ka ngi tiiwong chang, kiimaq ngi ka apaiq rai ngi ka tiikhup wongshat. Apaiq raq ngi ka liiq ikha tiiwongkuqtlo; apaiq raq ngi tiichhiitlo kiimaq ngi ka khusang thütlo.

Tvtsvmc 18:28

O Tatiwe lei, ümniiraq ngi wa tiinii kuq tlaü; ngi ranyaq mong wa ra tiiwükuq laü.

Tvtsvmc 25:2

ümniima, i Shiikeawe lei ngi kamtiikang. Ijaqti raq tang raüta jeangaü chang wa tiichhiilaq; ijaqtibi ka ikhu thaq na naqtiidoq ditkiq!

Tvtsvmc 26:1

Ngi ka maiqsang nguta kha tanlaq, O Tatiwe lei, jamkhano ngukla ngi riika riikhaqli jaq shamtiikang, kiimaq tiipumtlii lata ümniima kamtiikang.

Tvtsvmc 3:7

Kira, Tatiwe! ngi chhiilaq, i Shiikeawe lei! Ümniiraq ijaqtinok ma mo tiiholaq laüta tsangshiq raq ngi buktiiq walot mak chang ningkun ahü tiijabaiq laq.

Tvtsvmc 30:12

Kra ningkhan ngi ka kaiqshak nga mang she; ngi raq ümnaq tiitsam shi mishiha. Tatiwe, ümniika i Shiikeawe, Ngi raq ümniima pattup pat-sa kechu mitumkuq kang.

Tvtsvmc 30:2

Ngi raq ümjaq wa khrum jaü hoqsiqkang, O Tatiwe lei, i Shiikeawe lei, krai mren ümniiraq ithatsi tiiheakuq laü;

Tvtsvmc 31:15

Ngi ka wranaiqshe ümwokhong na; ngi ka ijaqtinok jaqwa tiichhiikuq laq, ngi tiichamchaoti maklii wa tiichhii kuqlaq.

Tvtsvmc 32:10

Abi kiimungti thun ka chamchao raa dongdii, shatmaq Tatiwe ma kamtibi ka apaiq tiipitmak phan lungwii maq khupwong kuqtlo.

Tvtsvmc 43:4

Kra ngu raütiq ngi ka üm berong-wacha na miwaha, O, Shiikeawe lei; ümniika ngi ma peo khamrai kuk. Ngi raq hünongtoro tsü lata ümnaq tiitsam mishiha, O Shiikeawe lei, i Shiikeawe lei.

Tvtsvmc 89:26

Apaiq raq ngi ma akha mingu, ‘Ümniika iwe kiimaq i Shiikeawe; ümniika ngi khupwongti kiimaq ngi chhiiti.’

ISAIA 50:10

Namshiq tarü jurwa Tatiwe shrengtlan, kiimaq ajaqshi se bom tailanta sitlan; namshiq khumchang lam niika ranyaq min mirsham; Shatmaq Tatiwe miili kam ronglaq, nam Shiikeawe dü niili tiinin ronglaq.

JEREMIA 15:15

Kiijiishe ngi raq ngukang, “Tatiwe, ümniiraq asaphaü. Ngi ara ümtsan na tiitsanglaq. Kiimaq ngi khrumlaq. Ngi tiichamchaoti khuthaq na iphuk lampha. Ümniiraq tsangshiq ka kiitinkhan langlang naq ninkiq. Laüta tsangshiq ma ngi tiitsatli chang akhing naqkuqkiq. Tsan na tiitsanglaq; tsangshiq raq ngi shummiitlaq arka ümmang na shummiitlo.

JEREMIA 20:11

Shatmaq, Tatiwe, ümniika ngi rai adam na, ahong ala, kiimaq ningkun ajong, krai mren, ngi tiichamchaoti ka adea miraq. Tsangshiq raq pattup pat-sa miitu jea mingaü, jamkhano ngukla tsangshiq raq tangmak. Tsangshiq raq jea ngaütlaq kra ümtiikiimin laq mak she miraq.

JEREMIA 31:18

“Ngi raq Israilnok ka tsanbitsi ma akha bomtlo tai tiikang, ‘Tatiwe naishiq ka rum ngamse tiipok hü ikha sitiikai, shatmaq ümniiraq naishiq ma ümnaq aming lang miitu shrinkuq laü. Naishiq ka sheawan nonglaq; naishiq ka ümwokhong na nyap wan miitu khekham sitiikai, Tatiwe, naishiq Shiikeawe.

DANIEL 9:4

Ngi raq Tatiwe i Shiikeawe jaq wa achu jaükang kiimaq iphan imaq raq ngarai thun tang wantaq kra diikuq laq nguta achu jaü kang. Ngi raq ngukang, “Tati Shiikeawe lei, ümniika ajong pinthum. Krai mren naishiq raq ümniika shreng tiikai. Ümniika üm tongshong tri tsapkapkap maq rümti. Kiimaq ümnaq lungwii raüta ümwokhong na siti, kiimaq ümniiraq akuq haü aming wokhong na siwanti ka, thaqmaü phan maq lungwii tsii tiichhiketi.

HABAKUK 3:1

Arka Shammi Habakuk achu jaü.

JEKERIA 14:5

Namshiq ka ara pum heawea na hiqwiikaü kriimiishe maiqmii chiimjin miju han. Namshiq ka man na namti namwe pat na hokham Ujjia pat na hiqjong mu raüta pintrang taq kiikhii she mipin trang han. Kra akhing na Tati i Shiikeawe raq apaiq rasetiim sheaho raüta miki.

JOSHUA 14:8

Shatmaq, ngi rai wadamti siwebi ahinti raq nashiqnok ka atiihai khoti riito. Shatmaq ngi raq Tatiwe I Shiikeawe aming ka tsapkapkap langkang.

1 Peter 1:21

Riita, apaiq pum lümiishe namshiq raq Shiikeawe ma kamwan lan. Apaiq ka Shiikeawe raq amaa wa tiidong wanto she. Raüta apaiq ma Shiikeawe raq achhai anyii khushü jonghea kuqto she. Krai mren, namshiq raq kamtsantsii thü tlan kriika, Shiikeawe raq mikuq dongdii. Kriika poiki mak she.

1 Peter 4:19

Ara chongtiikai ara ningkhan na, Phungmaiqse ümriiti wa, Shiikeawe riidea thimi wan kha na chamchao tlaq jiika, tingting jaqsham tlaq kra lümaq tsangshiq khum ka tsangshiq Phansangtiwe jurwa akiqkham bomtsi ka riikhaqli tiihongkuqtlaq kriima kunli kiinong kuq raütli misilaq.