Tvtsvmc 42:4 - ASII LAKDAP Bible (BSI)

⁴ Leawan kang akhing tiima kang la imongjii buntlo, man na ngi mungmaiqse rai akong ada Shiikeawe jam na watiikang kra tiimalata kiimaq tsangshiq rai lamshea agi wa trangla Shiikeawe tiitsamkam shi.

Hawa Naga Bible 2001

⁴ Lvy wvnc tueq wawc lvmz kuex rvwvl koq yuq ngvy thuinz vmungx nuex pinhtumc yonz vtaungx, Tishox yuimx nuex mungx miqsaz htenc rulc vdvmz waung wvnc tauk nuex, vkoz vkez rvtuimx yaq phungc rueq Tishox muex tvts vmc shix vtueq, kokez guyc sez ruiux, tsuingshiq kuex shvlx wvnc tueq.

Tvtsvmc 42:4 Referencias Cruzadas

2 HOKHVMX 18:30

Kiimaq apaiq raq namshiq ka Tatiwe miili kamrong i nguta mitiishon. Tatiwe raq namshiq ka mitiichhii kuq lot nguta naq kamsiq rongkiq. Kiimaq apaiq raq naishiq Asiria mung phenlabi ka Jerusalem ka khat laita jii wan tiikai kriiwa mitang baiqlot nguta naq tiima rongkiq.

2 HOKHVMX 18:32

Raüta ajong hokhamwe raq namshiq ka mung ashi aheawiq ümchaü ara nammung akha, spiqtai nyang miitu spiqro asi, winsii phaq miitu püwong kham ra jangphaq chang hiq asi. Olip pero tonglong mung, olip tai ka chamtraq, kiimaq ngiqngu chamtraq asi, mung na mitiisi wan. Namshiq raq apaiq aming kra tai han jiila, namshiq ka tsai man mirhan. Shatmaq atra misihan. Hejekia raq namshiq ma Tatiwe raq mitiichhiikuq nguta tsaiji tlam bom chongtlaq kriima naqshon rongkiq. Namshiq ka anginok ma naqja rongkiq.

2 KAÜWA WERAÜ 7:10

Kiimaq kriimaq napjai ranaiq na, kriika jipi lümiishi wa raroqnai ri ranaiqtsam ngoja ranaiq na, Solomon raq mungmaiqse ka maiqmii hiqshong niishe tiiwa baiqto. Tsangshiq tarü ka Tatiwe raq asengi Israilnok ma, Dawit ma, kiimaq Solomon ma ümtinkhan wa achu shiiman kuqtaq kra chhi raüta kai khoqriiq shishiiq miishe wawanto.

YOBA 29:2

Irilung ka manna Shiikeawe raq khup wong kuqshat sikang kiikha thongshi ri sinongha jaq ahea riichang.

Tvtsvmc 100:4

Nyap ronglaq Shomjam kilü thun maq kechutum lam maq, tiitsamkam lam maq khok mong thun na waronglaq. Apaiq ma kechutum rong laq lanta apaiq ka tiitsam ronglaq.

Tvtsvmc 115:2

Maiqmung thun raq naishiq ma jaram tiiwaiwa, “Nashiq Shiikea ka ümbano?” nguta.

Tvtsvmc 122:1

Ngi ka kai chochikang, tsangshiq raq ngi ma, “Nashiq ka Tati jam na warong i,” ngu raüta.

Tvtsvmc 122:8

Ita iwii thun nai ikongtibi miitu ngi raq Jerusalem ma, “Ümniika khu asang maq silaq!” nguta ngutiikang.

Tvtsvmc 55:14

Nanai ka pumshi hanshi maq haiseati; kiimaq kongshi maq Shomjam na noqku lomwa tiikai.

Tvtsvmc 62:8

Wranaiqshe Shiikeawe ma kam ronglaq, isenginok lei. Namshiq chamchao thun wiita apaiq ma chong ronglaq, apaiq kata nashiq tiiwongtiip.

Tvtsvmc 79:10

Pongmungti thun raq naishiq ma, “Namshiq Shiikeawe ka ümbano?” nguta jaram tiislai sea wa? Naishiq maklii maq chhishat na ümniiraq ümsenginok tiijai raü wantinok maiq mung thun ma mo tiiholaq.

Tvtsvmc 80:6

Ümniiraq naimung tro na siti maiq mung thun ma naimung ka tiikhat laü kata; naijaqtinok raq naishiq shummiitlo.

ISAIA 30:29

Shatmaq, namshiq Shiikeawe senginok ka chojong chise kiimaq ashi ange, asii poi klotlan rawa na chochitlan ikha michochi han. Namshiq ka Tatiwe, Israilnok tiichhiiti Shomjam na Shiikeawe shomnoq wati wiinum shewa paimin toro tsütlaq kra phan phan wiinum tlaq ikha michochisiq wan han.

AJONJÜ 2:19

Waruru tiidokiki laüta, Tatiwe man na hoqsii wan laq. Laüta ümsetiim miitu, ümtsan tsii ka bunki namnam, Tatiwe jaq wa tiikhup wongkuq liidea, nguta achu jaü laq. Nosere ram raq chiiheawea lam jong na, küram liira jiim wanto!

AJONJÜ 4:1

Nashiq chaq achhai anyii thun ka, mutmaqmaq she, Shomjam longpenkaü thun ka, chiiheawea lam na riiphongtlo.

EJEKIEL 46:10

Mungtuwe kiimin mungmaiqse ümtiiko nyap watlaq kiitiikiitiq nyap wan chang. Kiimaq ümtiikiiwa mungmaiqse dongho tlaq kiitiikaq dongho chang.

Yoel 2:17

Ramwebi tombu tiip shomjam na, Tatiwe shomnoq jaqshamti, berong-wacha nai Shomjam kilamchong na, jaqshamti min, wiita triitam hea ronglaq. Lanta makphai khüshang maq achu jaü ronglaq. “O Tatiwe lei, ümsenginok khuthaq na, mangchan tsantsii thülaq, pongmungti ma naishiq ka naq tiishummiikiq. Tsangshiq ma naishiq ka, ‘Namshiq Shiikeawe ka ümbano?’ nguta, naq tiisaisikiq,”

NAHUM 1:15

Liirong laq! Pum na ahea tsasoqtiwe watlo. Apaiq ka tangkai she nguta tsütsa tiitai kai kitlo! Juda mungti lei poi she klo rong laq! Namshiq raq Tatiwe ma, sinkham bomtsi khakuq lan kriishe, kuq rong laq. Ümchaü san maiq abi mungti raq, nammung ka jai na longliiq wa mak she miraq. Tsangshiq ka laimiq tiithen baiqto she.

Luke 16:25

“Kiijiishe, Abraham raq treto, ‘I se le, tsan na tiitsang laq. Ümrilung na ümniimiika phanrap phanrii chamtraq ake wan kun she. Kiimaq, Lajaras ka pinthum abi chamchao riihum raütli, arilung ka lea wanto. Shatmaq, ümchaü ka apaiq arjaq, chojong chise miishe sitlo. Kiimaq ümniika chamchao walü mong niishe khiimtlaü.

TRI CHONGKE 16:11

Tatiwe rai man tut na, ümsetiim nai ümjaq shisetiim rai kiimaq Lewinok rai, kiimaq pong mungti namshiq rai siti rai kiimaq jechisetiim rai kiimaq manti-nyungre namshiq chela thun na siti rai adam na khoqriiq shishiiq maq poi ka lang ronglaq. Ara poi ka noqku chang hiq ba kriijaq klo ronglaq.

RUTHA 1:21

Ngi ka chiithe jaqram jaqri riikang. Shatmaq, Shiikeawe raq kaükhea la-ngea tiija baiqto. Naomi ngutiimin jaram wa mihea han? Tatiwe raq ngi ma, chamchao sangrai jonghea tiisaüto.”