Tvtsvmc 30:11 - ASII LAKDAP Bible (BSI)

¹¹ Ümniiraq ngi jümii ka polokhiq wiinumsea miishe tiijakuq laü; ümniiraq ngi jonjü ka lambaiq laü she, laüta ngi ma chochi rilung she kuq laü.

Hawa Naga Bible 2001

¹¹ Mnoz rueq ngaz yonzyex vtaungx kuex vkoz vkez dawk dat vtueq layc gay toq; ngvy yonzyec kuex mnoz rueq lvmz gay ruiux, vkoz vkez maq ngaz kuex tvroz komc taq shec phux.

Tvtsvmc 30:11 Referencias Cruzadas

RAPHA HIQWA LAK 37:35

Asetiim maiqwe setiim thun nai jechaksere ka apaiq phana wa raüta tlinto. Shatmaq apaiq ka jaiq mak phan riito. Kiimaq apaiq raq akha nguto, “Ngi ka ise maaho lam maq aho ajii lam miili she wulum mung na misaü hoha.” Kiimaq apaiq ka ase Joseph maaho shiri ruq miili she sito.

RAPHA HIQWA LAK 45:28

“Ikhla ise Joseph ka ümchaü min atra asi dea nya!” nguta apaiq raq nguto. “Ngi miika arlishe dea ratlo! Ngi ka kairaatlo, lata ngi mitsaiha shaq na apaiq sham ka chhikai ratlo.”

2 SAMUEL 6:14

Dawit ka achhü na müsaisai raihi-nairai khea lamlam maq riijob sam raüta, aningkun wiita shoq raüta Tatiwe shreng pinthum chojong chise maq wiinum neato.

2 KAÜWA WERAÜ 20:12

Ümniika naishiq Shiikeawe! Tsangshiq ma mo tiiholaq. Naishiq ka ara rekong ra ma hiq ma naishiq khat wa wataq arwa tiikhup wong chang ningkun ahüshe. Naishiq ha sunghü tsiihü she miq wan kai. Shatmaq naishiq ka khrum jaü ümtheaphi niili she liitiikai.”

2 KAÜWA WERAÜ 20:3

Jehoshaphat ka kai haito. Kiimaq Tatiwe jaq wa hon atsii rit achu jaüto. Raütiishe apaiq raq Juda mung tlotli na dungsea tlea achu jaü raa nguta aming kuqto.

2 KAÜWA WERAÜ 20:9

Ümra akhing niiwa tsangshiq ma motiiho chamchao sawa saütlaq--re dong tlaq, tha dongtlaq, riimakla ramdong tlaq-- kiittiikaq tsangshiq ka waraüta ara ümnaq shomnoq chang Shomjam rinkea na wa raüta chap watlo. Raüta tsangshiq ma chamchao saütlaq akhing na ümjaq wa achu jaütlo. Raüla ümniiraq tsangshiq achu jaü ka tre tlaü. Laüta tsangshiq ka chamchao mong wa dokda kuq tlaü.

NEHEMIA 8:10

“Riita, ümchaü min, namshiq ka maiqmii jam na wa rong laq. Lanta phaq asea chamtraq poi ajong klo rong laq. Poi klo wan miitu tü-adung nai spiqtai ka ju jaq niiwa ahü, kriiti miika asisiti raq kran kuq lanta, riiphea riinyin phaqsiq ronglaq. Ümchaü ranaiq arka Tatiwe ma asii ranaiq. Kra ningkhan, namshiq ka munjuk mijuk naqsi rongkiq. Tatiwe raq namshiq ma kuqtlaq chochi kriiraq, namshiq ningkun ka ajong ma mitiija,” nguta mungmaiqse ma chongkuqto.

ESTHAR 9:22

Ara ranaiq nai akhing arka, Jehudinok raq chiqse rewe khat tang wan akhing ranaiq riito. Kiimaq ara jipi lü arka chamchao jonghea saü wantlo nguta chapa haisi jonghea wa, khoqriiq shishiiq jonghea jipi lü ma jawanto. Krai mren, tsangshiq Jehudinok mungmaiqse raq, ara akhing ranaiq nai arka, khoqriiq shishiiq polo khiq maq phaq nai sea klo raüta, weshi raq weshi ma, kiimaq miitsan miijan maiqsetiim ma dung riike ne chochi akhing ranaiq lang wan miitu aming kuqto.

Tvtsvmc 149:3

Apaiq mang ka wiinum shewa tiitsam ronglaq; nong buk lantea kiimaq phaqlamtoro tsü lantea apaiq tiitsam ronglaq!

Tvtsvmc 150:4

Apaiq tiitsam ronglaq nong tsü lantea awiinum lam maq, Apaiq tiitsam ronglaq phaqlamtoro thun nai paimin thun tsü maq.

Tvtsvmc 27:7

Tatiwe lei, ümtiikiiwa ngi raq achujaü tiikang kra tailaq! Tiihangkuq laq kiimaq achujaü trelaq!

Tvtsvmc 30:5

Atsankhiq ka alose miituli, apaiq thuktsom ka rilung wiilü miitu. Makphai ka rawa na misa sham, shatmaq rawü wan raüla chochi she misaü.

Tvtsvmc 4:7

Shatmaq ümniiraq ngi ma chochi tsantsii kuqlaü arka tsangshiq raq püwong tum nai che pükhaü totlaq kra nam miimin pahea.

THARC TVLUINGC 3:4

Apaiq raq tsanbihosi akhing min tiihongje, Achochi akhing min tiihongje. Mahomaanyi akhing min tiihongje Wiinumsea akhing min tiihongje.

ISAIA 25:3

Ningkun jonghea rümti maiq mung thun raq ümmaq mitiitsam; maiq mung thun bihea phan chela thun na sitinok riimin, ümniimiika phiiptsi rakrak mihaisong.

ISAIA 25:8

Ajong Thaq na Ajong Pinthum Tatiwe raq atsai ningkun ka pattup pat-sa miitu she mitiithen baiq! Apaiq raq maiq loweatek theaphi wa makphai satlaq kra tiisiirai mitatkuq. Kiimaq asenginok raq mangjong tlot li na jeasi khatamshi howantaq thun kra wiita alam she mirbaiq. Arka Tatiwe apaiq raq ngutlo!

ISAIA 61:10

Jerusalem chochitlo Tatiwe raq jaq shamke wan khana. Apaiq ka junriise ajunwa akhing na tiimiitlaq ikha. Shiikeawe raq apaiq ma tiichhiiwan miirii tiisam kuqto Raüta rekhat tiitangkuqto she.

ISAIA 61:3

Jajon chela na maaho manyiti siti ma, Ashi ari siti ma, Chonjong chise khoqriiq shishiiq kekai, Ajü amii siti ma, Tiitsamkam shi kekai. Tsangshiq ka pero ikha miraq Kriika Tatiwe apaiq raq achhi wan. Tsangshiq wiita raq riikhaqli jaqsham kli misham, Kiimaq Shiikeawe raq jamlai jaq wa shamtaq kra miitu apaiq ka mitiitsam wan.

JEREMIA 31:4

Thongshi ri hali Ngi raq namshiq ka mitiijonglu wan nongha. Thongshi ri hali, namshiq raq maiqmii jaqsinpin thun kra tsüngii lanta chojong chiseshe miwiinum siq wan han.

JEREMIA 52:33

Krai mren, Jehoiachin miika adü na asam shumwi miirii kra tiichhutbaiq raüta kheahea miishe klaito. Raüta hokhamwe rai adam na chamrii ashi na nga raüta tiichongtlaq arilung ka adam phaqsiq wanto.

Luke 15:22

Shatmaq, awe raq ajaqshisetiim ka hea raüta, ‘Kotsi!’ nguta apaiq raq thaüto. ‘Samtong ahea pinthum ira lamwa rongkiq. Lanta, tiisam kuq ronglaq. Ajaq na jaqtop ri tiipa kuq ronglaq. Ahok na hokpa ri tiipa kuq ronglaq.

John 16:20

Ngi raq namshiq ma chongtiikang arka tengteng: Namshiq ka maaho maanyi she mirhan. Shatmaq, mangjong maiqse ka chojong chise miraq. Namshiq ka tsanbi taqtaq mirhan. Shatmaq, namshiq tsanbi hosi ka chojong chise na mitiiwiiq wan.

Revelation 21:4

Apaiq raq tsangshiq makphai ka wiita she mitat kuq. Kiijaq maiqse ma atsai ngutiika ahü she miraq. Ajü amii, aho anyi, kiimaq atsi asi ngutiimin ahü she miraq. Ra chü hiq chü ka wiita pan wanto she.”