Tvtsvmc 2:1 - ASII LAKDAP Bible (BSI)

¹ Maiq mung thun raq jamto maiqmii wela shongho tantla? Jam nguto arkhat ma wutan langphok phelatla?

Hawa Naga Bible 2001

¹ Mungtan htenc kuex yvmx ngoz tueq lac rvmulc tsvlc rvkhawc lvlc tvkoc dvnc wuez yaq nguinx? Miq htenc rueq khuec guez lvmx guez kuex mungyumx maq yvmx ngoz tueq lac shuimx wuez yaq nguinx?

Tvtsvmc 2:1 Referencias Cruzadas

Tvtsvmc 18:42

Ngi raq tsangshiq ka tiinamtok thaübaiq kang, krai mren tsangshiq ka botkhulai ma jakito raüta rahai raq pan wanto. Ngi raq tsangshiq ka lam na boqda thaq na khumtiikai ikha ji maq nibaiq kang.

Tvtsvmc 21:11

Tsangshiq raq kiimung phoqtlo, raüta apaiq tiidea chang thiikho thütlo, shatmaq tsangshiq raq apaiq ka tiidealot mak miraq,

Tvtsvmc 46:6

Maiq mung thun ka phiip raq tsaitlo, maiq mungtan thun tiikhai wanto; Shiikeawe mok wanto, kiimaq hiq ka sawanto.

Tvtsvmc 46:7

Tati Ajong Pinthumwe ka nashiq rai asi; Jakob Shiikeawe ka nashiq tiiwongti.

Tvtsvmc 57:9

Ngi raq ümniima kechu mitumkang, O Tatiwe lei, maiq mung thun na. Ngi raq ümniika maiq phan thun phong na mitiitsamha.

Tvtsvmc 74:23

Ümjaqtinok raq akhiq watrang lam maq gitrang tlaq kra naqlaqkiq, ümjaqtinok raq atsaq min tsaqmak phan maq rüriiqtrang tlaq kra naq laqkiq.

Tvtsvmc 83:3

Tsangshiq raq ümsenginok long ma ahukse maq re shuntlo; tsangshiq raq ümwokhong na siti thun kra khatwa ma re shuntlo.

ISAIA 8:9

Lota, namshiq maiq mung thun lei, haisong lanta adam riitam rongliita! Tai ronglaq, namshiq mangjong hiqraikhü luhea na diimtlan maiqmung thun raq. Lantea chiqchap rechap kra sürii phaho ronglaq. Shatmaq tiina tiihaishat sirong liijo! Ngo hea, rekhat ma tiijetlo ronglaq. Shatmaq tiihaisong shat ronglaq!

Matthew 21:38

Shatmaq akheng shamseati nok raq, ase saüwa kriishe chhi raüta, tsangshiq liipan na bom ka akhiishe riichongto, ‘Ara wakchongti we se she saü wato. Warong ra, apaiq arshe tsatbaiq rong i. Notsam apaiq arshe tsatbaiq hai jiika, awe tachong hupsam ka nashiq rii she miraq!’

Luke 18:32

Apaiq ka Pongnok phan maiqse jaqkhon mong na mikuq baiq. Tsangshiq raq apaiq ka mihaihii; mishummii; kiimaq adü na tho maq mitho!

Luke 22:5

Kra tai raüta, tsangshiq ka chochikhiq she riito. Kiimaq apaiq ma jaq maq kampho mikuq i nguta bom ka treto.

Acts 16:22

Kiimaq kra thaq na nokwe riimin, Paul nai Silas ka shra wan damti siisaq she riito. Kra tairaütiishe, kiiwa ajong siihiipbi raq, Paul nai Silas dü wa tsangnai miirii khea ka chaiham chaihea she chai baiqto. Raüta, tsangnai ka chongwai maq phenlanok ma ninta she tiibuksiqto.

Acts 5:33

Riita, Rung na ngati welabi raq ara bomtre ka tai raüta, tsangshiq ka walü wa ikhiishe khiqtrangto. Krai mren, tsangshiq tsankhiq tsi ma, kiimwebi ka kiijiili tiitsea baiq nguta danto.

Revelation 17:14

Kra ngamthaiq kaü nai hokham weroqshi raq, Skuse ka mikhat. Shatmaq, Skuse nai asengi raq tsangshiq ka mikhat wan. Raüta mitang. Apaiq ka Tati ajong pinthum. Apaiq ka hokham thaq na Hokham. Tatiwe thun thaq na Tati. Kiimaq tsangshiq ka Shiikeawe raq ashong kiimaq atsea wan kiimaq tsangshiq ka apaiq ma pinthum kamtsantsii thü raüta siwanti.”